(وهكذا هو القدر يجمع الأرواح المتشابة ببعض ❤️)
الجمعة
يوسف:كعدت الصبح واني كولش فرحان اصلاً مگدرت انام بس أفكر لحد ما صليت الفجر ونمت وهسه گعدت ولحد هسه ممصدگ نزلت اتريگت ويه اهلي و گعدنا شويه سوا علمود نتفق نأخذ ويانه فد هدية الهم وهدية ليارا تحضرنا ورحنا للمحلات الفاخرة اخذنا هداية اني أخذت ليويو گلادة عليها آية الكرسي وأهلي اخذوا حلويات و ورد بعدها رحنا صلينا بالجامع ورحنالهم
يارا:گعدت الصبح واني حايرة سألبس گمت غسلت وتوضيت وصليت وراها نزلت اتريگ و بعدها ساعدت امي بتحضير الغدا وكملنا بل١١ونص طبيت سبحت و لبست تنوره سودا وياها قميص بنفسجي وشال بنفسجي خليت سويه مكياج فاتح بس قبل لا اخلي صليت الظهر وكملت ونزلت بهاي الأثناء جانوا اهلي هم دتجهزون وكملنا كلنا وبقينا ننتظرهم
يوسف:وصلنا لبيتهم ودگينا الجرس
يارا:سمعت صوت الجرس وكلت لماما حتى تفتح الباب
عائلة يوسف :السلام عليكم
عائلة يارا:وعليكم السلام
جمال:اهلاً وسهلاً بيكم نورتونا
خليل:تسلم اخويه البيت منور بوجودكم
دلال:شلونج ام يوسف
رفيف:الحمدلله وانتي
دلال:الحمدلله ع الله
سنان:هلا بالضلع
يوسف:هلا بيج سينو شلونك
سنان:الحمدلله وانته
يوسف:الحمدلله
سنان:تعال ويايه لغرفتي نظفتها لخاطرك ويه شويه رزايل
يوسف:ههههه رزايل من منو
سنان:من البومة
يوسف:قصدك يارا
سنان:اي لعد اكو غيرها بومه هنا
يوسف: ثول يول ليش تغلط ع اختك اني أتمنى عندي اخوان لو خوات
سنان: علوا لو تنقرض
يوسف:لتخاف راح تنقرض😏
سنان:ليش شكو
يوسف:فد شويه تعرف
هاي الحجي ع صفحه بعدين صعدوا لغرفة سنان
رفيف:انتي يارا شلونج
يارا:الحمدلله خاله يم الله
رفيف:دوومج حَبِيبْتيـِے
يارا:تسلمين خاله
دلال:ابو يارا تريدون شي احنا راح نگعد بالغرفة هناك
جمال:لا تسلمون خلونا اني وابو يوسف نسولف وفد بل١ونص جيبوا اكل
دلال:صار تفضلي ويانه ام يوسف
رفيف:زاد فضلج عيني
گعدوا بغرفة عدهم خاليها للضيوف وخليل وجمال گعدوا بالاستقبال وظلوا يسولفون بس لحد هسه اهل يارا ميعرفون انو يوسف جاي حتى يخطبها اتفق يوسف ويه اهله انو بعد ميكملون اكل وبعدها العصر يگولولهم هيج احسن مضى الوكت وبال١و ربع بدوا رفيف ودلال ويارا يصبون الغده
رفيف:هاي كل الاكل انتي مسويته ام يارا
دلال:لا هاي يارا ساعدتني هي سوت أكثره
رفيف:ما شاء الله ام بيت
يارا:تسلمين خاله
دلال:يويو اصعدي صيحي سنان ويوسف حتى نتغده
يارا: حاضر ماما
صعدت اصيحهم بس گلبي بده يدگ سريع اعتقد حبيته مو اعتقد اكيد لان اما اي او لا لازم احدد إجابتي ولحد هسه محد يعرف انو يوسف يحبني ولا گايلي احبج ما اگول لحد متصير الشغله صدگ ويخطبني اذا الله راد
وصلت يم باب الغرفه
يارا:سنان يوسف گوموا صار الغدة
سنان:جاي جاي بس گولي انتي سويتي الغده لو امي
يارا:اني وامي ليش
سنان:اسمع يوسف انصحك لتاكل
يوسف:ليش جوعان
سنان:نصحتك بعد هسه وره اول لگمه تلگي نفسك بالمستشفى
يوسف:ههههههه ليش شراح اكول سم فار لو اكل
سنان:كتلك بعد اني معليه
يارا:بعد بعد اكو لواگه اكثر أستاذ سنان
سنان:شنو داحجي الصدگ
يارا:امشي سريع من گدامي لا ادعبلك من الدرج
سنان:مشيت مشيت تعال يوسف
يوسف:اجيت سينو
طلع سنان وقبل لا اروح ورا كلت ليارا احبج بصوت ناصي ونزلت
يارا:بعد ما طلع سنان أتقرب من يمي يوسف وگال بصوت ناصي احبج ونزل يا الله صرت حمرا خدودي صارت طماطه من صدگ بس شلون حلوه منه هل كلمه ظليت صافنه
دلال:سنان وين يارا
سنان: ما ادري
دلال: دزيتها تصيحكم اختفت يارا يارا
يارا:نعم ماما اجيت
نزلت وأكلنا وضحكنا ويوسف ظل يباوع عليه وعيونه تلمع عبالك اكو شي الله اعلم احس نفسي حجاره مو داحبه 😑
يوسف:ظليت اباوع ع يارا هي هم تاخذ نظرات بالاقصاط هههههه وتوخر عيونها يمة ام عيون لو تدري شراح يصير بعد شويه 😏
