(يا لَكَ من لص اجل لص سرق كل أحلامي وبدلها بحلمٍ واحد هو الحصول عليه ❤️)
مرت الأيام بسرعة ويوسف ويارا حصلوا امتياز بالشهر الثاني و إجت امتحانات نهاية الكورس لان كليات فعدهم كورسات المهم خلصوا امتحانات الكورسات ويوسف بقى يحب يارا رغم متقبِّل يتقربلها ولا تتقربله ويارا حست نفسها بدت تعجب بي بس متگول
اخر يوم امتحانات
يارا:يله لولو مع السلامه عود تعالي الخميس حته نطلع
لبنى:اوك حَبِيبْتيـِے مع السلامة
يارا:اهوووو
لبنى:شكو شبيج
يارا:هم رجعنه
لبنى:شنو ولج شكو
يارا:هم هذوله الثنين بس يباعون
لبنى:منو يا ثنين
يارا؛شوفي هناك
لبنى:هاا يوسف وياسر
يارا:اي اكو غيرهم مزعجين
لبنى:ليش هيج تحجين اصلاً الولد ميت عليج بس انتي متنطي مجال
يارا:وشراح يصير اذا انطيته مجال راح يگول كلامه المعسول ويعلقني بي ويعوفني مثل المسلسلات ما اريد تجارب فاشله
لبنى:هاي شنو شيخه ومسلسلات
يارا:دنجبي انجبي
لبنى:ههههههه اوك🙊
يوسف:سلام بنات
لبنى:سلام يوسف
يارا:أهلاً اخي
ياسر:هاي صبايا
لبنى:هلا
ياسر:شلونكم
يارا ولبنى:الحمدلله
لبنى:وانتو
يوسف وياسر:الحمدلله
ياسر:شنو رأيكم نروح للكافتريا سويه حته اجيب خطيبتي تتعرفون عليها اوك صبايا
لبنى:اوك
يارا:شكراً بس اني ما اروح
لبنى:ليش شكو
يارا:ما اريد خلي اروح للبيت ارتاح
لبنى:شاورت يارا تره محد حياكل اني وياج
يارا:هسه شيگولون دتطلع ويه ولد ويطلعون أشكال ألوان حجي
لبنى:كتلج اني وياج وياسر حيجيب خطيبته بعد شكو
يارا:اوووف منج اوك و اوك انتي تعريفهم حته نطلع وياهم
لبنى:مبينين حبابين وينحبون
يارا:حبتج حية اي والله
(طبعاً هذا الحجي بعيد عّن يوسف وياسر)
ياسر:انتظروا هنا بينما اجيب دانية
يوسف ولبنى:اوك
يارا:اني اروح
يوسف:ليش رايحه خلي نأكل وروحي
يارا:تسلم بس ما اريد
يوسف:ع راحتج
لبنى:تعالي الله عليج تعالي لخاطري
يارا:احترگ خاطرج ام اللبن
لبنى:ههههه ميخالف ام اللبن وأم الجبن بس تعالي
يارا:اوك بس ربع ساعه اقل ما أطول
لبنى:اوك كبدي
يوسف:بنفسه يا سلام راح اگعد وياها ناكل سوه
وبده يضحك خفيف
لبنى:خيرك يوسف اشو تضحك
يوسف:لا هيج
يارا:تهي بهي
يوسف:شنو
يارا:لا هيج ولا شي
يوسف:عبالي
يارا:عباتي السوده
يوسف:هههه شكد فطيره
يارا:فطيرة توت لو كرز
يوسف:ههه لا تفاح
لبنى:اي اني أحب التفاح
يارا:انتي اني الج لا اسويج عجينه
لبنى:ليش شسويت
يارا:كلشي مسويتي بس اني الج
يوسف:حمت حمت طفوها
يارا:شكد قديمه هاي الجمله
يوسف:عندج غيره ست يارا
لبنى:أهدو يا جماعه هيانه ياسر اجه
ياسر:اجيتكم طولت
يوسف:صارلك سنة وصارت اشتباكات
ياسر:لك وين امشي خلي نفلت
يوسف:ههههههه شكد حشاش يول اشاقه وياك
ياسر:عبالي صدگ ثول
دانية:ههههه
ياسر:صدگ هاي خطيبتي دانية
دانية:مرحبا اني دانية طالبة سنة ثانية
يارا:تشرفنا حبي اني يارا طالبة سنة أولى
لبنى:هلا حَبِيبْتيـِے اني لبنى هم طالبة سنة أولى
دانية:الي الشرف يارا وهلا بيج لبنى
يوسف:يله امشو جعت
ياسر:يله اني هم جعت
دانية:امشو لعد
لبنى:يله يويو
يارا:اوك
يارا:رحنا للكافتريا وگعدنا اخذنه اكل وأكلنا طبعاً يوسف يظل يباوع عليه بس اني ما اهتمله صح بديت احبه يمكن بس كلشي اله حدود واكو رب فوگانه اللي يريد حلال يجي بالحلال
ياسر:اخخخ بطني الحمدلله شبعت
دانية:يمة شبع حبيبي ابو حلگ
يوسف:ههههههههههه لقب جديد خوش دندون
ياسر:شبي حلگي يخبل احلا من حلگك
يوسف:-_- عليك الله ابو حلگ
لبنى ويارا:ههههههه
يوسف:ظليت اباوع ع يارا من تضحك وفرحت يا ريتها تحبّني وأخذها بالحلال
يارا:يله عن اذنكم اني استأذن تسلمون ع هيج وكت حلو
دانية:وين حبي بعد وكت
يارا:اعذريني حياتي اتاخرت نتشاوف إن شاء الله
دانية:اي إن شاء الله آخذي راحتج
لبنى:اني هم رايحه انتظريني يويو بس اروح للحمام
يارا:اوك لولو بس بسرعة
يوسف:إن شاء الله غير مره هم هيج نجتمع
يارا:طلت تباوع ع صفحه إن شاء الله
دانية:هيانها لبنى
لبنى:اجيت امشي يله
ياسر ودانية:مع السلامه
يوسف:اوصلكم اني
يارا:لا شكراً مع السلامة
يوسف:ع راحتكم الله وياكم
لبنى:ووياك
طلعت اني ولبنى وكل وحده راحت لبيتها بقو ياسر ودانية ويوسف بالكافتيريا
دانية:شبيك يوسف صافن
يوسف:هاا لا هيج دنو
ياسر:هيج يل عاشگ ولتگول دنو بس اني ادلع خطيبتي
دانية:يا عاشگ
ياسر:عاشگ و ولهان بس ميحجي
دانية:صدگ والله منو لبنى
ياسر:لا الفله الثانية
دانية:يارا
ياسر:اي
دانية:وجعي شنو فله بعد ما احجي وياك
ياسر:لا يعمري انتي غير هيج احجي علمود يوسف
دانية:گول حَبِيبْتيـِے
ياسر:حَبِيبْتيـِے وعمري وحياتي
دانية:فديتك كبدي
ياسر:يمة الحب يمة
دانية:اي يوسف متحجي
يوسف:شاحجي
دانية:ع يارا گلتلها تحبها
يوسف:لا طبعاً متشوفيها ممعبرتني
دانية:زين گلها يجوز تقبل
ياسر:هذا يحجي ههههه تشاقين
دانية:ليش اشاقه خلي يگولها بس يوسف رايدها عشرة عمر لو هيج لعب
يوسف:دانية تدرين بيه ما العب ولا حاجي ويه وحده
دانية:ادري لعد گولها أريدج بالحلال وفضها والله كريم وإن شاء الله تقبل
ياسر:اي صدوگ كلها
يوسف:اشوف بلكت وره العطله
ياسر:إن شاء الله
يوسف:إن شاء الله تقبل
دانية:إن شاء الله
ياسر:يله امشو خلي نگوم صار نص ساعه مدري اكثر گاعدين
يوسف:يلا
دانية:مع السلامة يوسف
ياسر:مع السلامة ضلع
يوسف:الله وياكم اطلعو اتونسوا
ياسر:اي هو هيج
يوسف:اني رايح للبيت
ياسر:اوك
(أحبكِ يا جميلتي واريدكِ طول عمري اريدكِ حلالي أن احبكِ في دين الله أليس هذا اجمل حُب ❤️)
_______________
نهاية البارت إن شاء الله عجبكم
