(كان لابد ان تلتقي اعيننا ان نحب بَعضُنَا هذا قدرنا معاً)
يوسف:فتحت امي الباب وانصدمت من شفت يارا مو بس انصدمت تجمدت بمكاني ما ادري افرح اضحك اعيط احزن حته لساني مدّا ينطق باي شي
يارا:ظليت مصدومه من اللي شفته طلع هو صدگ يوسف نفسه جان عندي احساس هسه تأكدت بقيت صافنه عليه واحمد الله واشكره بس بعدني خايفه بقيت ما اسمع شي بس گلبي يدگ سريع اسمع دگاته هم يحجون ويسلمون واني بغير عالم ضوضاء مالتهم مدّا اسمعها من كثر ما دگت گلبي سريعه
دلال وجمال وسنان :السلام عليكم
خليل:وعليكم السلام
رفيف:يا هلا ويا مرحبا نورتونا شلونكم
دلال:تسلمين حَبِيبْتيـِے البيت منور بوجودكم
رفيف:الله يسلمج حياتي هذا منو العريس
دلال:هذا سنان ابني الصغير
سنان:أهلاً خاله
رفيف:اهلاً ابني شلونج يارا
يارا:صافنه
دلال:يارا يارا ردي ع خالتج
يارا:هاا
دلال:دتسألج شلونج
يارا:الحمدلله خاله وانتي
رفيف:الحمدلله أعرفكم ابني يوسف
الكل:تشرفنا
يوسف:الي الشرف شلونج يارا
دلال وجمال:ليش تعرفون بعض
يارا:مجرد زملاء بالكلية
يوسف:اي صح
سنان:خلي نصير أصدقاء
يوسف:أتشرف بيك حبيبي امشي خلي نروح لغرفتي بينما يكمل العشا
سنان:اوك يلا
خليل:تعال ابو يارا خلي نسولف ع الشغل ع أحوالك
جمال:اي والله صار شكد ممتشاوفين
خليل:خلي نگعد بالاستقبال
جمال:ماشي
رفيف:اني حروح احضر العشا
دلال:اني ويارا نجي وياج مساعدة صح يويو
يارا:اي ماما
رفيف:اكعدوا ارتاحو
دلال:لا حياتي امشي خلي نساعدج
رفيف:اذا مصرين اتفضلوا منا المطبخ
دلال:يلا يويو تعالي
رفيف:ما شاء الله يارا اليوم طالعه عروسه
يارا:احمرت تسلمين خاله انتي نور البيت
رفيف:فدوه لحلگج بنيتي
يارا:فدوه الج خاله
رفيف:انتي يا قسم ويا مرحله
يارا: طبيه مرحله أولى
رفيف:الله يسهلج يوسف هسه مرحله ثالثة
يارا:الله يسهل للكل
دلال ورفيف:إن شاء الله
سنان:هاي شنو غرفتك تخبلل
يوسف:كدامك سينو
سنان:تسلم
خليل:اي ابو يارا شخبار الشغل العيادة
جمال:والله الحمدلله ع الله وانت شلونه شغلك
خليل:الحمدلله
يارا:وهكذا مضت ساعه وفي كل رده من ردهات منزل ابو يوسف هناك صوت لكلامنا صوت لضحكاتنا وفرحنا أرجو ان يدوم
دلال:سنان يوسف تعالو جهز الاكل
يوسف وسنان:اجينه اجينه
سنان:اكل اكل يمه الحب يمه
يوسف:ابو بطن ثاني هههه هذا نصيبي وياكم
سنان:ليش منو ابو بطن بعد
يوسف:صديقي ياسر
سنان:هاا لعد ضيفني ع القائمة اني اموت ع الدولمة ويارا هم
يوسف:هو منو ميحب الدولمة امشي يلا
سنان:يلا
يوسف بنفسه:يمه الحلوه تحب الدولمة
