مشاري و راكان

البارت الرابع

.
.

* سلطان هو أخو راكان .. و هو اكبرهم .. متزوج وزوجته نذلة و لئيمة و ماتحب أهله و كانت دايم تحاول بقد ما تقدر أنها تشغله و تبعده عنهم .. و هو من شدة حبه فيها صار يسمع كلامها و ينفذ أوامرها .. عمره 35 سنة .. يشتغل ممرض .. عنده ولد عمره 7سنوات اسمه فيصل ..

* ناصر أخو راكان الثاني .. و برضه أكبر من راكان ..
عمره 30 سنة .. لسى ما تزوج .. موظف في البنك ..
شخصيته / نذل و دايم يعاند راكان ويحاول يستفزه ..

_________________________________

_

سحبني من يدي و أخذني معاه برا المستشفى ..

أنا / ركون وين بتاخذني يا مجنوون ؟؟

راكان / عازمك للعشاء ..

فتح لي باب سيارته و هو يقول / يله اركب يا أميري الفاتن ..
أنا / ههههههههههههه اميرك مرة واحدة ..

راكان / هههههههه إيه أميري ارتحت .. يله اركب عاد
بلا مصاااخة ..

ركبت أنا وياه السيارة و مشينا ..

و إحنا بالطريق جلست اسولف معه ..

أنا / إلى أين ستذهب بي يافتى ؟؟

راكان / لا شأن لك يا صغيري .. ستعرف فيما بعد ..

أنا / هههههههه .. أقول وش عند الأستاذ راكان اليوم !

راكان / ههههههههههه .. عندي إني جوعااااان و أبي اتعشى و طفشت من البيت فقررت إني آخذك معي للمطعم و نتعشى سوا .. الأكل ما يحلى من دونك يا مشمش .. ♡

أنا / ههههههه .. مين مشمش ؟؟

راكان / أنت طبعاً .. هذا دلعك الجديد خخخخ ..

أنا / الله يقلع شيطانك .. مشمش أجل أنت و ش أسميك
بامية ولا كوسة هههههه ؟؟

راكان / هههههههههه .. و أنت الصادق فراولة .. لبى قلبي رومانسي أنا ..

أنا / أحم أحم خف علينا يا روميو .. ههههههه ..

راكان / و أنت جولييت خخخخ ..

ضحكت أنا وياه .. كملنا سواليف لين وصلنا عند مطعم جديد
كان فخخخم و جمميل و ديكوره يسحر .. نزلنا .. و دخلنا
قسم الشباب .. كان القسم انيييق جداً ..

جلسنا على طاولة في نهاية المطعم .. جاء عندنا الجرسون و أعطانا قائمة الطعام .. اخترت أنا باستا و سمك مقلي .. و طلبت بيبسي لأني ما أحب عصيرات المطاعم ..

راكان أختار له كبسة ( لحم و رز ) و عصير برتقال هههههههه منسم عقله دايم خخخخخخ ..

أنا / من جدك أنت ولا تستهبل !! كيف تطلب كبسة ؟!!

راكان ببراءة / وش سويت ..

أنا / دام أنك بتأكل رز و لحم .. ليش ما اكلتها في البيت ..
وش هو له جايبنا مطعم غالي و فخم و تدفع فلوس و تخسر نفسك و أنت في الأخير بتطلب كبسة .. بالله صاحي أنت !

راكان / الكبسة هي كل حياتي .. و بعدين وش خسارة فلوس و ما أدري أيش !!
عيب عليك استح على وجهك ..
لو أدفع لك مليون ريال ماراح توفيك قدرك عندي ..

أنا منحرج / آاا أأ .. تسلم ياراكان ماله داعي هالكلام ..

راكان وهو يضرب جبهته / يوووووه يا مشاري نسييت !

أنا بقلق / وش نسيت ؟؟

راكان / نسيت أسأل الجرسون هم يسوون مرقوق ..
نفسي فيه ..

أنا هنا انفجرت ضحك عليه .. لدرجة إللي حولنا في المطعم التفتوا لي ..

أنا / هههههههه ههههههههه ههههههههههه هههههههههههه ..
وربي أنك مجنووووووووووووون .. و عقلك منتهية صلاحيته
ركون أنت من جدك ولا قاعد تستهبل ..

راكان و هو يكتف ايدينه و منحرج مني / مالت عليك لا تضحك علي ..

أنا / الله يشفيك .. خخخخخ ..

جاء طلبنا وتعشينا وطلعنا .. طالعت بالساعة لقيتها 1

أنا / يوووووه يا راكان تأخرنا .. الساعة قدها 1 ..

راكان / وخير ياطير عادي طيب ..

أنا / لا والله يعني عادي عندك .. تدري أن بكره الأربعاء يعني فيه دوام .. وبعدين لا تنسى أن عندنا بكره 4 محاضرات ورا بعض من الساعة 8 إلى الساعة 1 ونص ..
إحنا في آخر سنة في الجامعة و على وجه تخرج و لازم نجيب
معدل يشرف ويرفع الرأس ..

راكان / أففففف .. أعوذ بالله .. صدق ذكرتني أففف ..
عاد والله بجد أنا بكره مالي نفس أداوم ..

ضربني على يدي و هو يقول / أنت لئيم .. خربت جوي ..
كنت مستانس من بعد الكبسة و جيت أنت خربت علي ..

مشاري / ههههههههه .. أقول أنتبه للطريق لاتسوي فينا حادث ألحين ونموت .. وقتها ما بتنفعنا كبستك ..

راكان / هههههههه حاضر يا أميري ..

وصلني لبيتنا .. نزلت من السيارة وقلت له ..

مشاري / مشكور ركون على العشوة الحلوة مثلك ..
يله تصبح على خير .. أشوفك بكره إن شاء الله بالجامعة ..
و ياويلك تغيب فاهم ..

راكان / لا شكر على واجب .. أهم شيء أنك تستانس ..
و لاتخاف بكره إن شاء الله بتشوف خشتي عندك خخخخ ..

مشاري / هههههه .. إن شاء الله ..

دخلت البيت .. الكل كان نايم والبيت هادىء ..
طلعت فوق لغرفتي .. دخلت و سكرت الباب .. فصخت ثوبي وشماغي و لبست بيجامة سوداء بنطلونها طويل ...
و اكمامها نص ..

استرخيت على السرير .. ابتسمت لاشعوريا ..
تذكرت إني طلعت من المستشفى و قلبي مجرووح من أبوي لكن كل هالجرح نسيييته في ساعات .. و كل هذا بفضل الله عزوجل ثم بفضل راكان .. إللي كان يحاول على قد مايقدر
أنه يسعدني و يرسم الإبتسامة على وجهي ..

_

* لظروف خاصة بي تأخرت بتنزيل البارت ..

أدري إن البارت قصير .. إن شاء الله نعوضها المرات القادمة بإذن الله .. --

رورا ♡