مشاري و راكان

البارت السادس

.
.

£ شكررررا لله أولا ثم لكل من تفاعل معي بالبارتات الأولى
بس بجد أنا زعلانة منكم لييييه ما تصوتون لروايتي
( أحببت السمراء ) .. اقرؤها وتفاعلوا معي فيها .. ترا ببكي صدق اهىء .. اهىء .. اهىء ... !

معليش تأخرت في تنزيل البارت هذا لكن والله مريت بظروف خاااصة جداً .. لاتخافون ماراح اسحب إن شاء الله على الرواية .. ♡ ~

_

وصل مشاري للمستشفى وهو متوتر خايف من أبوه ، قلبه ماعاد يتحمل جروح مثل قبل !

قبل ما يدخل غرفة أبوه توجه للدكتور المسؤول عن إجراءات خروج أبوه من المستشفى .. خلص الإجراءات و وقع على الأوراق إللي تحتاج لتوقيع ..

طلع في قسم التنويم .. و قبل ما يفتح باب غرفة أبوه
قام تنهد و أخذ نفس عميق ..

مشاري لنفسه / حشى كأني بدخل ساحة حرب مو بدخل عند أبوي .. ياربي وشفيني كذا متوتر .. لازم أكون طبيعي و متماسك لازم .. لااااازم !!

فتح الباب ودخل .. وشاف أبوه جالس على السرير و معاه جواله يضغط فيه ..

مشاري / السلام عليكم ورحمة الله وبركاته ..

مساء الخير .. كيفك يبه إن شاء الله أحسن ..

- قرب منه و سلم عليه و ابتعد مشاري شوي عن أبوه ..

أبو مشاري ببرود / هلا ..

بعدين نزل أبو مشاري رأسه للأرض و قال بحزن
و صوت خاافت عشان مايسمعه مشاري / وينه سلطان ما يسأل عني ؟؟

مشاري حزن على منظر أبوه .. ارتبك وش بيقول ألحين لأبوه ..

مشاري با إرتباك / هاه .. أأا .. سلطان .. إيه سلطان يبه مشغوول و تعبان .. سمعت من زوجته أنه عنده حرارة و زكام و ما يقدر يبذل مجهود كبير ( كان يكذب عشان أبوه ) ..

أبو مشاري بحدة / و أنت ألحين من شكى لك الحال ؟؟ !!
أقول بسرعة بدون فلسفة وروح خلص إجراءات الخروج طفشت من ذا المستشفى .. يله تحرك !!

مشاري ببراءة / أبشرك خلصتها قبل ما أدخل عليك .. تبغانا نمشي ألحين ؟؟

أبو مشاري بسخرية / ههههههههه لا نمشي بعد بكره ..
(تغيرت ملامحه ورجعت حادة) .. و رجع يقول وهو يأشر بيده على أغراضه إللي معاه من يوم تنوم بالمستشفى / يله بسرعة تعال شيل ملابسي هاذي ورتب شنطتي و أغراضي
.. يله خلصها على بال ما اتمشى أنا تحت بحديقة
المستشفى ، حدي متضايق و طفشان ..

مشاري / طيب يبه .. بس !!

بس لا تمشي كثير عشان ماتتعب عضلات القلب عندك لأن وصية الدكتور هي أنك ما تجهد نفسك ..

أبو مشاري / أدري أدري .. فهمنا هاذي الأسطوانة ..
و ماراح تجي أنت أدرى مني .. !!

و طلع من الغرفة و نزل للحديقة ..