مشاري و راكان

البارت الخامس

.

.

صحى مشاري في الصباح ، لبس ثوبه وشماغه و تعطر وراح للجامعة .. دخل القاعة و تلفت يدور راكان لكن ماحصله ..

سأل عنه عند أصحابه قالوا له أنهم ماشافوه اليوم ..

مشاري بصوت خافت / هين يا ركون غايب أنت ووجهك ..

خلصت المحاضرة الأولى .. كان بعدها في بريك لمدة نص ساعة .. وبعدها تبدأ المحاضرة الثانية ..

خرج مشاري في البريك لساحة الجامعة وجلس على كرسي قدامه طاولة .. كان طفشان صحيح أصحابه في الجامعة كثيير و يحبونه و يعزونه لكن راكان بالنسبة له كان شيء ثااااني تمااااما .. كان أعز صاحب عنده ..
فهو زعلان عشان راكان ما داوم ..

مشاري / ياربي ألحين ليه غايب ذا ؟؟
أففففف طفش .. بس صدق ليه ما اتصل عليه و أشوف ..

طلع الآيفون و اتصل على راكان بس ماكان يرد عليه ..

مشاري / طيب يا راكان و ماترد علي بعد .. ألحين الأخ نايم وساحب علي و على الجامعة !!

شوي حس بيد تغطي عيونه .. تحسس مشاري اليد إللي تغطي عيونه وعلطول ابتسم ..

مشاري / ركون صح ؟؟

راكان / هههههههههه ايه أنا راكان يا مشمش ..
و بعد يدينه عن عيون مشاري ..

قام مشاري من كرسيه و سلم على راكان ..

مشاري يبتسم / هلا وغلا .. حيا الله الكسلان ..
وينك ماجيت أخذنا المحاضرة الأولى وأنت حضرتك ما شرفت ..

راكان وهو يحك راسه / إيه بصراحة مالي خلق المحاضرة الأولى لأن المادة بجد غثيثة و دكتور المادة زودها بعد ..

مشاري / مالت عليك .. المفروض تتعلم مني الذكاء
و الإجتهاد و الإمتياز .. !!

راكان / ههههههههههه خف علينا يا نيوتن الدافور ..

مشاري / ههههههههه .. إيه نيوتن و انشتاين بعد !!

راكان بنص عين / تراك مصدق نفسك ..

مشاري / أقول لا يكثر .. كفاية فلسفة .. أسمع أنا جوعااااان ما أفطرت يادوب شربت بس مويه و أنا طالع من البيت .. يله خلنا نروح للكافتيريا نشتري أي شيء ونفطر ..
بتخلص هالنص ساعة و إحنا نثرثر بالكلام .. خخخخخ

راكان / يله حبيبي قدام ..

مشاري بدلع و استهبال / يااااي ركوني ترا اتخرفن ..

راكان / هههههههه .. يا حبيبي ..

مشاري / تكفى لا تقولها .. قلبي يفز ..

راكان / حبيبي .. حبيبي .. حبيبي .. حبيبي .. حبيبي ..

مشاري إللي كان قبل شوي يستهبل .. انتبه من كلمات راكان و ارتبك ..

مشاري وهو منحرج / آاا أأ .. راكان صدق أنك أهبل ترا قبل شوي يوم قلت أنا اتخرفن .. ترا كنت استهبل ..
يعني لا تصدق وتأخذ الموضوع بجدية .. !

راكان ب نذالة / هههههههه إيه واضح واضح .. !!

مشاري / أففففف انت بلشة ..

راكان / هههههههه مثلك مشموووشي ..

مشاري / ههههههههه ..

افطروا في كافتريا الجامعة وبعدها حضروا سوا بقية المحاضرات ..

انتهى الدوام و رجع مشاري البيت ..

دخل البيت راح للمطبخ لقى أمه تطبخ الغداء ..

مشاري / السلام عليكم ورحمة الله وبركاته ..
كيفك يمه يالغالية ؟؟ وسلم على أيدها وراسها ..

أم مشاري / وعليكم السلام ورحمة الله وبركاته
هلا بحبيبي و قلب أمه ..

مشاري يبتسم / وش سويتي غداء يا مامي ؟؟

أم مشاري / كبسة لحم و صينية خضار .. يله روح غير ثوبك وتعال عشان تتغدى ..

مشاري / لا يمه فديتك أنا ألحين جسمي مررهق من الدوام
بروح أنام وفي العصر بتغدى إن شاء الله ..

أم مشاري / براحتك يا ولدي .. بس تغدى بعد العصر مباشرة ولا تتأخر لأن اليوم جاء عندي ناصر و قال لي أن أبوك بيطلع اليوم من المستشفى .. و ناصر وهو جاي للبيت تعطلت سيارته و ألحين هي في الورشة .. حتى ماجاء هنا البيت إلا مع واحد من أصحابه .. عشان كذا مافي أحد يجيب أبوك من المستشفى غيرك .. الله يعينك و أنا أمك ..

مشاري / طيب يمه إن شاء الله ..

إلا صدق يمه بسألك سلطان زار أبوي أو كلمه ..

أم مشاري نزلت راسها بأسف و بعدها رفعت راسها تكلم ولدها مشاري / اااااخ ياولدي .. مدري وش أقول لك !!
تبغى الصراحة من يوم دخل أبوك المستشفى لا جاء
ولا اتصل .. و أكيد ألحين أبوك حزت في خاطره حركة
سلطان بس ما يبغى يبين هالشيء لنا ..

مشاري بصدمة / صدق أنه ..... أنه واااطي ..

مشاري / يله بطلع ارتاح شوي ..

طلع ونام بسرعة من تعب الدوام .. قام في العصر ..
و صلى بالمسجد رجع أكل غداه بسرعة .. وطلع بسيارته متوجه للمستشفى ..

وهو في سيارته رن الآيفون حقه ..

مشاري / هلا راكان ..

راكان / هلا مشاري .. أقول وش رايك أمر عليك و نروح
نغير جو برا مع بعض شوي . .

مشاري / الله يسعد قلبك ركون .. والله ودي بس ألحين بروح للمستشفى إن شاء الله و بأخذ الوالد ..
الحمدلله كتبله الدكتور خروج ..

راكان / بالله خلاص بيطلع من المستشفى !!
زين الحمدلله .. الله يبشرك بالخير ..

مشاري / الله يسلمك ..

راكان / يله مشمشي اكلمك بعدين إن شاء الله ..

مشاري / ههههههههه .. إن شاء الله يا روح مشمش أنت ..

_

بقلمي أنا / رورا ♡