محاضرة للاستاذة سارة العنزي
حبيباتي سؤال..
بآخر الليل والدرس محتاج قلب قوي
كل.منا فقدنا ناس غاليين صح ؟
ام ، اب ، اخت ، اخو وو..
متى اخر مرة فقدتي فيها شخص غالي ؟
وأنا قبل سنة ونصف فقدت اختي ، وقبل وفاتها بأشهر فقدت عمتي وقبل وفاة عمتي فقدت جدتي
كلهم توفو بنفس السنة ")
هنا أيقنت ( اذا الله احب عبداً ابتلاه ) مهما كان الابتلاء قوي وصعب تكون المحبة اكبر
ومع هذا كله الحمدلله غسلتهم انا ووفاتهم بالرياض ، كنت بالشمال ووقت اختبارات لكن تركت كل شي عشان الحق واغسلهم
اقول لكم سر يمكن ماتصدقون ,?
والله العظيم ياحبيباتي من اكون عارفه بخبر وفاتهم طبيعي الواحد يتعب ويبكي وو...
واكبر احتمال الواحد من شدة الصدمة يغمى عليه
الا انا الحمدلله هذه نعمة والله احمد الله عليها ، متى احس بالصدمة ؟ بعد ما اغسلهم..
يمدني الله بقوة وصبر عشان اكمل واجبي وبعد ما انتهي من الواجب يغمى علي ^_^
بقول لكم موقف لإحدى المغسلات..
حبيباتي درسنا عن المغسلة والموت اللي تخاف عادي تقرون بكرا
الواجب علي اني اغسلهم لاني طلبت ما احد يغسلهن غيري
قبل 5 اشهر كنت بالمغسلة ننتظر مجموعة جنائز لبنات توفو بحادث مروري
وصلنا خبر ان فيه جنائز وانا كنت بمحاضرة بأحد الدور النسائية من طلعت مباشرةً توجهت للمغسلة
تأخرو بتوصيل الجنائز وكنا نستغل الوقت نجهز الاغراض والكفن..
وحنا نجهز كنت ماسكة المسك الأبيض
قلت للمغسلات اللي معي اذا توفيت وكنت معكم هنا جثة هامدة ياليت تغسلوني وماتقصرون وتكثرون المسك الابيض والكافور..
كالعادة مايحبون الكلام هذا مني ويقولون مانفقدك ان شاء الله ومن هالكلام
خلصنا غسيل وطلعنا ومرت ايام واسابيع وغسلنا جنائز والموت كل يوم يتخطف الارواح ونحن لا نعلم متى سيكون يومنا ؟
بيوم من الايام صحيت الساعة 8 الصباح حصلت رسالة من المغسلة ان هناك جنازة بالعادة يذكون اسم الميت لكن المرة هذي ماذكرو اسم الميت عجباً ؟؟؟
قلت بتصل على المغسلات يغسلون بالنيابة عني كان عندي شغل لكن....
اتصلت عليهم كلهم الاولى ماردت والثانية جوالها مغلق
استغربت بالعادة فلانة ماتقفل جوالها لكن عساه خير
توكلت على ربي ووصلت للمغسلة انجبرت اروح لان ولا وحدة ردت وانا الوحيدة الموجودة ؟
وصلت هناك وليتني ماوصلت
تفاجأت جداً ام فلانة ام وحدة من المغسلات
واخواتها وخالاتها
والله من شفتهم قلت عساه خير ومباشرةً سألت فلانة داخل ؟؟ هنا انهارو بالبكاء وقالو ايه داخل
قلت اشووا ماقصرت سبقتني
هنا والدتها والله اغمى عليها
المشكلة كنت خايفة خفت من شفت اهلها كلهم موجودين
دخلت ونقلت هم والدتها ، دخلت وانصدمت ان الجنازة لوحدها فقط
وهي جنازة المغسلة
اقسم بالله من شفتها بكيت بدون ما احس بحالي لدرجة اني بكيت بكاء والله لو بكيته الان يمكن اموت منه
