بدأت اشعر بلحزن وبدأ اشتياقي يصبح عميقا وبعد ذلك اصبح اخي وابي يتعرضون للمضايقات وبدأو ينزعجون من الامر لانهم لا يستطيعون ان يدافعو عن انفسهم حتى امام الاطفال وذلك لما عرف به رجال الامن في سوريا من وحشيه وقسوه وما الفائده من افتعال المشاكل سوى ترحيلنا لبلدنا بصوره غير لائقه........
بدأ الجميع يشعر بلانزعاج من الوضع .......
امي :اني بعد ماريد ابقى هنا اشتاقيت لاهلي واخوتي وكلهم يوميه يخابرون يكولون تعالو شعدنه باقين هنا...؟؟
اخي:اي بابا اني اشتاقيت لاصدقائي وشنو ذوله هنا حتى الزعطوط ماكدر احاجي حتلو يتجاوز عليه ولله شنو مو ابلدنه!!
انا:بابا خلينه نرجع اني ضاعت عليه سنه بلاول ابتدائي من وره الامريكان وهسه هنا سنه شلون يعني تدمر دراستي علمود ولله الجو حلو والامان لعد مو العالم كلهه عايشه بلعراق""
ابي :افتهمه خبصتونه خبص منا لعشر ايام راجعين انشالله
عاااااا شكرا بابا موووواه فديتك حبيبي
مشكور بابا اليوم اخابر اصدقائي وابشرهم
امي:يله ولكم لازم نحضر كلشي من اليوم خبر كومي طلعي جوازاتنه انطيهن لابوج ..انتي الثانيه طلعيلي الجنط ...وليدي العصر نطلع نشتري صوغات لبيت جدك......
بعد 10ايام.....♥♥
وجان نرجع لبلدنه وجان نرتاح حتلو بلترابه و ذاك الحر اليكتل ......
عند وصولنا كان الجميع ينضر لنا بأستغراب ....
اما فضول او اندهاش لقد تغيرت اشكالنا جاء اخي الكبير ولديه شعر طويل يربطهه بمشد مطاطي وطبعا هذا يخالف تفكير جدي واخوالي ثم اختي التي دخلت من دون عبائه وانا مرتديه للحجاب فقط آه حالنا بنضرهم يرثى لها هههههههه
ولاكن كان اشتياقهم يطغى على كل شيئ وبعد ساعات من القبلات بلمختصر ...شلعو خدودي شلع مثل واحد ماشايف هع
كلامهم لا ينتهي وتلك الضحكات المدويه واخيرا حل الليل ...
انطفئت الكهربا
انا:هاي شكووو شو انطفت يبووو حاره
خالي:اي لعد شعبالج هذا العراق العضيم هههههههه
انا:خررب وهاي لشوكت تبقى مطفيه هااا
خالي:مادري ساعاتهه براحاتهه لعد نسيت اخابر اهل الوطني واكلهم ولله خبر جايه لا تطفون الكهربا ههههههههه
انا:اووووف رجعنه لشلاع الكلب .......
بعد مرور العطله وبدأت بحماس كبير درست واجتهدت ونجحت ........بتفوق طبعا
وبدات حياتي في المتوسطه عالم الصداقات البريئه الخاليه من المصالح عالم الاصدقاء الاوفياء ذلك العالم الذي لطالما تمنيت العوده له دراستي في المتوسطه ..... كانت من اجمل ايام حياتي صديقاتي الثلاثي المرح جومانه رمانه ريحانه هكذا كانت القابنا نعيش بجنون ودرجات دراسيه متفوقه كنا نشعر بان الدراسه سعاده والجنون وضيفه والمقالب واجب..
نتفق ماذا سنرتدي غدا ماذا سنفعل هل حضرنا دروسنا ام لا
احدى ذكرياتي
جومانه :هلووو بنات تره التاريخ اني اليوم ما حافضته كله منو حافضه البدايه
ريحانه:واني هم ولج لحكت بس احفض البدايه ههههه
جومانه :اي عفيه عود ارفعي ايدج وخبصي الدنيا ههههه لاتخليهه تنتبه عليه ما محضره اوك
ريحانه :لعد اله اليوم ما اكوم واخليهه ترزلج دوومج تخونين بينه ههههههه
جومانه :لا ولج حبابه تره ولله ازعل اهى
رمانه:امشن خبصتنه هسه ثنينجن ماتكومجن واتضلن خانسات ههههههههه
جومانه :هلو خبله شوكت اجيتي
رمانه:هلو عميه صار ساعه اني يمج عابتلج ماشفتيني ....
دخلنا الى الدرس واحدانا تنضر الى الاخرى دون ان نستطيع منع انفسنا من الضحك لان المدرسه كان لديها تصحيح درجات ولم نشرح الدرس
جومانه والتي هي نفسها انا :ههههههههه امداني صارلنه ساعه نتفق ولله يا الله
ريحانه صديقتي الرقيقه صاحبه الخدود الحمراوان والنضرات الريئه وصوتها الناعم الذي لطالما كنا نمزح معها بشأن نعومتهه المفرطه ونبدأ بلضحك
ولج صوت هوه لو زروور ههههههههه....
المهم
ريحانه:ولله عندج حض كلما ماتلحكين تحضرين الدرس فجأه يتأجل ومحد يشرح ههههههههه
رمانه :الفتاه المجنونه الحساسه التي تشعر بما يدور في افكارنا دون التكلم تفضل مصلحه الاخرين على مصلحتها كانت وستبقى مميزه.....
رمانه:اي ولله صدك هيه دومهه مجنصه الدرس اليجي كله عليج اني ما اكوم .....
.
..♥♥♥♥♥♥♥♥♥
ذكريات....ولم يبقى منها الكثير...
