(( الجزء الحادي عشر ))
ام عبدالرحمن: شلونك يابنتي ان شاءالله مرتاحة مع تركي
عهود: الحمدالله خالتي
سعاد:وليه ماتقولين امي بعد
تركي: سعاد اظن انه مالك خص
سعاد: لا هو مو عن شئ بس المفروض من باب الاحترام تقول لها امي
ام عبدالرحمن ماحبت تصير مشكلة: معليه خليها على راحتها
ام عبدالرحمن: شلون امك
عهود: الحمدالله تسلم عليكم
الكل: الله يسلمك ويسلمها
وجلسوا يسلفون اشوي ودخلوا بعدها اخوان تركي عبدالرحمن وجاسم وخليل اخوان تركي
:السلام عليكم
الكل : وعليكم السلام
عبدالرحمن: شلونك مرت اخوي
عهود: وهي منحرجة: الحمدالله
جاسم وخليل : مسا الخير مرت اخونا
عهود: مسا النور
وجلسو اشوي بعدها قامو عشان الحريم ياخون راحتهم وهم طالعين
جاسم:تركي
تركي : سم
جاسم : سم الله عدوينك ماودك تقوم لاصق بمرتك خل حريمنا يفكون
تركي: يالله منكم ماتخلون الواحد جالس مرتاح مع مرته
جاسم : قوم بس قوم
تركي : يلا لاحقكم وتو تركي بيقوم الا عهود مسكت ايده
عهود: وين بتروح
تركي : بجلسة الرجال
عهود: وتخليني بروحي
تركي: وين بروحك شوفي الكل موجود
عهود: ماابي لا تروح اقعد معاي
تركي : حبيبتي مايصير اجلس حريم اخوني هنا ومايصير احبسهم
عهود: ماابي انا مو متعودة عليهم ومااعرف احد ورغد ماجات اجلس على الاقل لحد
ماتجي رغد الله يخليك
تركي وهو ياشر على عيونه : من هالعيون بس مايصير اجلس هنا قومي معاي نتمشى
بالمزرعة لحد ماتجي رغد
عهود: يلا
وقاموا يطلعون ام خلود : على وين انتو مازهقتو من بعض
تركي : يالطيف حسد عهود قلبي احنا لازم مرة ثانية اذا جينا نقرا على نفسنا
ام خلود: لا تخاف مو حاسدينكم
تركي : الخوف مو منك من غيرك الحساد كثير
ام عبدالرحمن : روح ياتركي انت ومرتك بلا كثرة حكى
تركي : ان شاءالله
