الجزء الثالث عشر....................
عند المغرب مثل العادة راحو بيت جدتها وبالغرفة المخصصة لهم
نجود: عهود شفيك مو على بعضك اليوم
عهود: مزعوجة
نجود: أيييييييييي.. نسيت قرب الموعد
عهود: لاتذكريني ياشخية
نجود: لا تتوتري وانسي الحين ووسعي صدرك لحد مايجي يوم الجمعة
عهود: ادري بس مو هذا الي مزعجني
نجود: وشو طيب
عهود: تذكرين الي كان يرسل لي المسجات
نجود: أي لا تقولين انه مازال يرسل
عهود: أي وفي اليوم اربع مرات
نجود: اربع
عهود: أي يقول انه يحب يصبح ويمسي ويقول لي تصبحين على خير
نجود:طيب ذولي ثلاث
عهود: رسالة الغرام حقة اليوم
نجود: والله ناس فاضية كان قلت لتركي
عهود: بيقول توك تقولين وبعدين طول ماهي مسجات بس وما توصل لشئ ثاني
بعديه وبيمل
نجود: مااظن الي لين الحين مامل
عهود: طول مانا ماارد عليه بيمل وغير الموضوع
نجود:مممممم ماقلت لك
عهود: وشو
نجود: بكرة انت ورجلك واهله معزومين
عهود: ومين الي عازمنا
نجود: جدك بمزرعته
عهود مبزوة : وش سبب هالعزومة
نجود: عشان زواجك
عهود: وجدي الله يهداه سواها ببيتنا احسن من هناك
نجود: ليه
عهود: لان كل اهل ابوي بيحضرون اكيد والعلة زياد بيدخل وبيطلع على كيفه
نجود: طيب انت جلسي عند الحريم طول الوقت
عهود: واذا طلبني جدي وعمامي
نجود: ادعي ربك انه يكون مسافر
عهود: مااظن تشوفينه مجهز نفسه من اليوم
نجود: هههههههه شيسوي الولد مغرم
عهود: مالت عليه
نجود: ماعليك منه واذا قل ادابه تركي وعمامي موجودين
عهود: صادقة
وطبت عليهم فروحة : انتوا هنا وانا ادوركم يالسحر
عهود: يعني وين بنكون في غير هنا
