الجزء السابع عشر
الجزء الثاني .................
نجود: ول كل هذا من مكالمة وخلنك بعالم ثاني
عهود: اكلي تبن
نجود: سؤال يقرقع بقلبي ممكن
عهود: الي هو
نجود: توعديني تجاوبين عليه
عهود: اذا كان مثل اسالتك الي مثل وجهك اكيد مو مجاوبتك
نجود: يالله عهود
عهود: طيب
نجود: وعديني
عهود: اوعدك خلصيني
نجود بخبث: يوم كنت تكلمين تركي ليه وجههك قلي وطق اخماس في اسداس
عهود وهي ترمي عليها المخدة: انقلعي يالسودة
نجود: انا سودة يالعبدة
عهود: أي سودة ومن ذولي الي يقولون خشب خشب بعد
نجود: المهم لا تضيعين محور حديثنا جاوبي انت وعدتيني
عهود قامت وهدت المكان لها : لو تحلمين ماقلت لك اذا تزوجتي ذاك الوقت اقول لك
نجود: هين الله يوريني فيك يوم
عهود: وانت قبلي
بدور: على وين
سمر: وانت شدخلك انكتمي بس
بدور: سمر كلميني عدل
سمر: ومن تكونين عشان اكلمك عدل
بدور بعصبية : انا اختك الكبيرة
سمر تتمسخر: ايه صادقة وقدوتي بعد مو انت الي ضيعتيني وحرمتيني من اني اكون مثل أي بنت
تحلم بيوم انها تتزوج وتبني حياتها مع زوج يحبها ويراعها مو انت الي عرفتيني على خالد وقلت لي كلميه
هو ناوي يخطبك مثل مازياد بيخطبني واقنعتيني باني الكمه واضيع نفسي يااختي الكبيرة
بدور : والله ماكنت ادري ان هاذي نيته
سمر: مو انا نبهتك وقلت لا الي يبينا يجينا من الباب مو من النافذة وقلت لا هذاك اول الحين البنات
يتعرفون على الشباب قبل بعدين يتزوجون
بدور بآسى : سمر صدقيني اني لو كنت عارفة نيته ماكان ضيعتك وضيعت نفسي معاك
سمر: الحين كلامك مايفيد بشئ احنا ضعنا وانتهى الموضوع بس عرفي ذنبي برقبتك
بدور تصيح:..............................
سمر: سمعي انا طالعة الحين واذا قالت امي شئ قولي لها بيت رفيقتها
بدور: من بتروحين معاه
سمر: مع حبيب قلبك زياد
بدور: سمر ارجوك لا تضيعين نفسك اكثر من كذا
