راح تبدي امتحانات اخير السنة البكلورية..
سالي: ييوووو اشوكت اخلص ياربي
زهراء: ووجع بس تبجي بوجهي دكافي هسة بس هالامتحانات وتخلصين لعد شتكولين علية
سالي: اي لج الله اخلص وادخل كلية .انتي بس لتحطين عينج علية اني بخير
زهراء: اممممم ديله اقري
(بالرغم من المشاجرات بيني وبين اختي زهراء الا اني لا استطيع اكمال يومي بدونها)
سالي : بدت الامتحانات وقليل مااشوف اهلي لان املهم بية اطلع معدل وارفع راسهم..
واجه اخر يوم امتحان وودعت صديقاتي..
طيبة: راح اشتاقلكم جكمات
فرح: لكم اني هم والله راح اشتاق لكعداتنه
نور: ماريد ابجي انجبو اهئ اهئ
سالي: تعالو حضن جماعي ..احبكم خبلاتي
فعلا وداع الاصدقاء صعب علينا وخاصا اصدقاء الثانويه الذين قضينا نصف عمرنا معهم ادعو ربي ان يوفقهم..
سالي: رجعت للبيت لكيت ريحة فدشي اعشقه فدخلت بسكوت للمطبخ وماما موجودة
بووووووووو
ام سالي : يمةة كم كرة كتلج بطلي تجفلين موزين يا بنتي
سالي: حاضر حاضر ..شنو هالريحة الطيبة
ام سالي: امممممم احزري
سالي: دولمة ييي فديتج حبيبتي
ام سالي : ههههههه ..ديله روحي بدلي وتعاي حته تاكلين
صعدت لغرفتي بدلت وغسلت ونزلت
واجتمعنا ع السفرة لان الدولمة محد يفوتهه
واجة وقت العصر
اني وزهراء اختي فرحانات لان خلصنه امتحانات فصعدنة لغرفتنه وشغلنه الاغاني
وبقينا نركص ع المعزوفة واغنية جيناك بهاية
الى ان تعبنه ..هههههه
مر هذا اليوم كله سهر وضحك
ثاني يوم:
كعدت الظهر اني وزهراء وبدينه انظف
طبعا عادة الام العراقية لازم انظف علمود اذا يجي خطار للبيت منبقه نكمز ..هههه
سالي: يمة والله تعبت البارحة نظفنه
ام سالي: ميخالف حلوة النظافه
زهراء: يمة خلي ناخذ فد يوم استراحة حبابة
ام سالي: ديله نظفن وبدون حجي اريدجن تتعلمن باجر العيال يحجون علية لا تصيرن فاهيات
سالي : هم جابت هذا الطاري امج متبطل
زهراء: هههههه دسكتي نظفي بسرعة علمود نقنع بابا يطلعنه للمول
سالي ي والله بلكت يقبل
سالي: وخلصنه تنظيف وزهراء راحت تتلوك لبيوب حته يطلعنه
ام سالي: ها عيني ابو سالي تريد جاي
ابو سالي : يي والله سويلي
ام سالي: سالي سوي لابوج جاي
سالي : حاضر
بعد دقائق
سالي: وهذا احله جاي لاحله بيوب
زهراء: بيو شنو رأيك انروح وية بيت خالو للمول خالو يودينه وانته ترجعنه
ابو سالي: اممممم ديله روحو كولو لبنات خالكم وشوفوهم اذا يقبلون بيت خالج ايوديكم
سالي
طبعا زهراء راحت ركض اتخابر بنات خالي
راح اعرفكم عليهم
خالي: الطيب والحباب
مرت خالي: جنة تنحب
وسرى: بنتهم بكدي
وضحى: بكد زهراء
وكرار: هذا اصيحله حبيبي ودائما نتعارك اني ووياه ههه عمره 12
ومحمد: هذا مدلل العائلة مينرفضله طلب عمره 6
المكالمة:
زهراء: سالي راح اخابر ضحا ونتي خابري سرى
سالي: اوك
سالي وية سرى: هلا بالضلعة الماتنشلع
سرى: هلا عيناي
سالي: اشونج غلا؟؟
سرى : امممم تمام ونتي؟
سالي: دووم غلاي..لج شو باوعي
سرى: باوعت ههههه
سالي : هههه اتروحون للمول؟؟
سرى: ياريت يي لج داسمع عمة دتخابر ماما ويتفقون انروح العصر ييييييي
سالي: يي هلا هلا ديله كشخي
سرى: ديله اني اصل الكشخة ههههه
فراحو كل واحد يبدل
ووصلو للمول:
تابع
