سالي#
اليوم راح اروح اسافر واني خايفه كلش مادري اشون راح اقضي ايامي بدونهم ودعت بنات خالي وصديقاتي .
سرى : كليبي مادري اشون راح افاركه هئ .
سالي : غلا حبيبتي واني هم بس كل يوم اخابرج اموواح .
ضحى : سالوو حبيبتي راح اشتاقلج .
سالي : واني هم والله ميخالف انتي يمج زهراء ومراح اضوجين .
ضحى : يي صحيح يمي الضلعه ههه.
سرى : تعاي اريد ابوسج غلاي هئ هئ .
سالي : اموواح كليبي .
سرى : اموت عليج .
سالي : وانتي هم يابعد كلبي .
زهراء : واني راح اشتاقلج اكثر منهم راح اتعوفيني وحدي بالبيت ماكو اي صوت عراك ولا صياح ولا ضحك ولا اي شي يييف.
سالي : والله اني هم احبج .
ضحى : دجيبولي خلي اعزفلكم هه
سالي وسرى وزهراء : ههههههههه امداج
زهراء #
واليوم راح اتروح سالوو وطبعا اني كلش ضايجه لان راح اتروح ومحد راح يبقى يمي ولا اسمع صوتهه ولا اشوفهه ياربي ...
ام سالي : يله حبيبتي شدي حيلج لا تخافين احنه دائم موجودين يمج .
ابو سالي : بنيتي صيري قويه ماكو شي يخوف حبيبتي .
زهراء : سالو مو تنسين تخابريني كل يوم وطكيلي صور الج اهناك ..حبيبتي
سالي : ان شاءالله حبي يلا مع السلامه احبكم ،،
سالي #
ودعت اهلي وركبت الطياره ونمت وماحسيت الا كعدت ووصلنه اللندن وطبعا كلش خايفه لان وحدي بس اذكرت كلام ماما وبابا كلت اني من شنو اخاف خلي اصير قويه ..عاد وصلت السكن الطالبات رحت دورت على غرفتي لكيتهه وطبعا جانت اكو بنيه وياي بالسكن عراقيه وهيه حلوه وخوش بنيه ..
سالي : السلام عليكم
رند : وعليكم السلام حبيبتي تفضلي
سالي : شكرا ^_^
رند : اني اسمي رند وانتي شنو اسمج .
سالي : اني اسمي سالي . تشرفنا
رند : حلوو لعد تعاي ادليج على غرفتج .
سالي : يله امشينه اوك
رند : هايه عجبتج ؟؟
سالي : اي تخبل .
رند : اخذي راحتج حبيبتي .
سالي : شكرا حبي .
رند ولوو . باي
سالي : باي
سالي #
جانت الغرفه كبيره وحلوه ولونهه وردي وابيض وهيج وهيج وارتاحيت كلش وصفطت ملابسي ونمت وجان السرير كولش مريح .
تابع ""
