شيزوفرينيا Schizophrenia

الفصل الرابع عشر

بعدما أنهى محادثته معها وقف أمام خزانة ملابسه كأنه عروس حان زفافها و لا تعلم أيهما ترتدي الأبيض أم الأزرق !
أنتهى به المطاف بملابس بسيطة و لكنها تُزيد من جمال مظهره و حسن هيأته
أما هي فقد أستغرقت وقتاً كبيراً في إعداد مظهرها أمامه فتلك تعتبر أول مرة يكونان بمفردهما خارج نطاق العلاج .. أطلقت العنان لخيالها ليحدد هو مصير أول مقابلة .. هل ستكون حارة كمقابلة الأحباب بعد غياب طويل .. أم مشحونة بكمية من الغضب بسبب ما حدث البارحة
عندما حانت الساعة أن تكون السادسة أنتفضت هي من نومها و هي تبحث في كل صوب و حدب عن كل مستلزماتها لتلك الليلة .. أما عنه فكان هادئ بعض الشئ عنها و لكنه كان قلقاً بعض الشئ من هيأة مقابلتهما لم يفكر البتة فيما سوف يقوله لها بعد تلك الليلة المشئومة .. نفض حبل أسئلته و توجه ليكمل ملابسه و عند إناهائه لكل التفاصيل نظر لنفسه مطولاً في المرآة لعله يرى صديقه الحميم الذي يخبره دوماً ما يفعل و ما لا يفعل
- ايه الجمال ده يا واد .. ده أنت هتتحفها
قالها أحمد لنفسه مقهقهاً و متباهياً بهيئته أمام مرآته الصغيرة
- ليلى .. ليلى
نادت نور على شقيقتها الصغرى ليلى لكي تستخيرها في بعض التفاصيل المتعلقة بالملابس .. شكل الوجه .. لون أحمر الشفاه .. إلخ
- أيون أنا جاية أهو
قالتها ليلى و هي تركض لكي تعرف ما الذي تريده نور
- الأحمر ولا الأسود
قالتها نور و هي تمسك في يدها أثنان من أجمل فساتينها الأحمر الذي يجعلها ملكة على عرش الجمال و الأسود ذو الطلة المنيرة على الجميع
- الأسود حلو .. بس قولي لي متشيكة كده و رايحة فين !
- موعد غرامي يا صغيرتي
- و حياة أمك !
- من يومك و أنتِ عايزة قطع لسانك
- ماما عارفة !
- لا .. ليلى حبيبتي ماما مش لازم تعرف حاجة .. أنا عاملة كده عشان هو مريض عندي و مافيش حل تاني غير أني أخده مكان تاني غير المستشفى علشان يطمن لي
- اللي أنتِ بتعمليه ده غلط يا نور أنا مش معاكِ ف كده
- أومال عيزاني أعمل أيه .. يفضل يتنطط لي كل شوية ف المستشفى و أنتِ عارفة كلام الناس
- كلام الناس هيثبت لو خرجتي معاه
- بت كفاية أنا مش فيقالك أصلاً أمشي عشان أغير عشان مافضلش إلا ساعة
- براحتك .. بس لما تغرقي ماتجيش تقوليلي ألحقيني
- يا بت ده أنتِ ف أولى جامعة .. يعني لسه بيضة صغيرة ..
- ماشي يا نور و أدى دقني لو ماحبتهوش زي اللي قبله
- لا ياأختي واخدة حظري يلا بقى طرقينا عايزة ألحق الميعاد
- فات الميعاااااااد فاات .. فات الميعاد
- أمشي يا بنت الجزمة
- ماجتش فيا
قالتها ليلى و هي ترقص بإستفزاز بعدما ألقت عليها أختها إحدى أحذيتها لتأتي في والدتها
- في أيه بس يا أولاد
قالتها يمني لطفلتيها المشاكسات دائمات الشجار
- أحنا أسفين أوي يا ماما ماكنش قصدنا
قالتها نور و ليلي معاً بأسف شديد على وجههما لتأتي يمني و تقبل رأس أبنتيها بحنان و تضمهما إلى صدرها و تبدأ في الحديث إلى نور
- نور .. مالك