يــمــســح الــدمــعــة بــشــكــوى

الجــزء # الـثـالـث والـعـشـرون ..

اخذنا ربع ساعة وحنا نفرر بشوارع الرياض بدون هدف

ورايد كل ماشاف شي .. شهق بشوق وقعد يكلمني عنه

فجأة سألني متردد

رايد = عمر .. وش رايك ازور خوالي ؟

كتمت انفاسي وانا اسوق و بدون مالتفت له .... يزور خواله .. اخاف ( من شاف احبابه نسى اصحابه يارايد) اخاف يزورهم وبعدها يقنعونه يجلس عندهم ويتركني ... ورايد اتفه سبب ممكن يتركني مثل ماتركني قبل .. الصراحة مابي يزورهم ..

رديت عليه بدون نفس .. مابي ابين له موقفي

عمر = كيفك

رايد بألم = بس انا شايل بخاطري منهم

قطبت حواجبي مستغرب والتفتت له

عمر = ليه ؟

رايد وهو يطالع قدام = ماهتموا فينا .. ماحاولوا ياخذونا من عمي .. على الاقل اخواتي .. انا مابيهم اصلا .. بس اخواتي ( وتنهد وسكت)

عمر = عمك وليهن والحق بهذا مع عمك مو مع خوالك ..

رايد بألم = امحق ولي .. اختي تقول ان خالي جا يدور علي بس انا مابيه ياخذني ويخلي اخواتي مابي اصير بديرة واخواتي بديرة .. ( والتفت لي ) انت مالك اخوان يمكن ماتفهم علي

كللللللللل تبن .. مالك عليك حتى هالمفعوص هذا يعايرني ان ما عندي اخوان .. رديت عليه بغيرة واصحح له معلوماته .. هذا قبل ماعندي اخوان الحين عندي ندوري حبيبي

عمر = هيه يالحبيب .. صحح معلوماتك قريب بيصير عندي اخو

رفع رايد حواجبه مستغرب

رايد = هاه ( وابتسم بفرح ) صدق ؟( وكأنه تذكر ) اييييه صح امك متزوجة عمك .. ماشاء الله الحين صار عندك اخو ؟ .. طيب وينه ماعمري شفته ؟

رفعت صدري بفخر

عمر = توه ماشرف ..

ضحك رايد وهو يطالعني

رايد = هههههههه بعد ؟ اول مرة ادري ان بيصير لك اخو .. كم عمرك.. ابشوف كم بينك وبينه ؟

عمر = 21 ... بس اذا جا ان شاء الله بالسلامة بدخل على 22

ضحك رايد يتطنز علي

رايد = شاااااااايب عنده هههههههههههههههههه

طالعته وانا ابتسم

عمر = انت تشوف ؟ اللي بعمري يفرحون بعيالهم وانا توني افرح باخوي ههههههههه

ضحك رايد

التفتت اشوف الطريق

ما احس فرحان فيه .. احسه اخو بالاسم بس والا هو ببيت وانا ببيت .. وضيقت عيوني بألم ( لا .. حتى بالاسم ماهو اخوي )

رفعت صوتي افضفض لرايد

عمر بحزن = بالاوراق الرسمية يعتبر ولد عمي ماهو اخوي .. ما احس فرحان فيه ( وتنهدت ) الله يرحمك يبه