Introduced me to another world

Wellcame home

Just friends

صحيت من نومها مكسره وشعره منفش جلست تتمطط لدقايق لحد ما تذكرة انها ناسيه شيء فقامت سحبت جوالها تتفقد الرسايل..(راح اوصل على الساعه ٩:٣٠ ) مع وجه مبتسم في نهاية الرساله ..

نطت من سريرها بعد ما شافت الساعه صارت عشره الا
دخلت الحمام تنظفت ولبست لها اي لبسه شافتها قدامها وركضت لسيارتها بعد ما ودعت صاحبتها اللي كانت تتكلم بالجوال ...

رشا عمرها ٢٢ سنه شعرها بني فاتح مموج وطويل لحد خصرها جمالها متوسط لكن جذابه خجوله وكتومه على نفسها دايم الابتسامه في وجهها حتى لو مشاكل الدنيا فوق راسها ...

...."اكيدي لها على المقاسات لا تخربها عليه ياويلك مني
......"راح ااكد له ايش بك خلي اشوية ثقه وي وبعدين ترا مو ذنبها الخياطه انك زدتي كم كيلو
بعصبيه ردت"لو سمحتي سوي اللي قلت لك عليه وانتي ساكته
....."والله لو مو عشانك راح تتزوجين ما كان تحملت نفسيتك ذي يلا بس ولا يهمك بخليها تسويه مقاس اكس لارج..
......."عمااااا ههههههههه يلا بس شقلبي الباب يدق ...

(الاثنين اللي فوق كانو صحبات من ايام الابتدائي وطبعا بيمونو على بعض مره ...

عبير وهي اللي راح تتزوج عمرها ١٩ سنه شعرها اسود وقصير لحد كتوفها جمالها ناعم توها مخلصه الثانوي طيبه وعقلانيه دايم تفكر قبل ما تسوي شيء بحياتها خطيبها هو ولد عمها كان بيحبو بعض من وهما صغار...

ريما عمرها ٢٠ سنه شعرها اشقر وطويل لحد نهاية ظهرها صديقة عبير المقربه بعض الاوقات تجيها نفسيه تكره اللي حولها ..ما توثق باي شخص غريب شخصيتها قويه و في المصالح هي تجي اول ...

.................

في المطار...
وصلت رشا ركض ومقطوع نفسها جلست تتلفت ماشافتها فراحت للمطاعم وجلست تدور بين الطاولات لحد ما لقتها حطه ظهرها على الكرسي وممدده رجولها ووجها على الجنب
دققت فيها رشا قبل ما تتقدم لها وبعد ما تاكدة انه هي راحت لها.. اول ما وصلت لطاوله سحبت كرسي وجلست ..
التفت لها البنت مفجوعه ورافعه حاجبها تتأملها..رفعت رشا راسها بوجهها الي كان مفقع نوم و خصلات شعرها المتطايره.. "اسفه .....تاخرت عليك" انحنت البنت لها وهي تحدق بعيونها "انتي رشا.." طالعت فيها رشا للحظات وقامت عدلت جلستها وجلست تمسح على شعره علا الخصل تهدا ..رجعت البنت ظهرها على الكرسي واخذت شفطه من العصير اللي كان قدامها .."شكلك احلى من الصور"..احمر وجه رشا وما عرفت بايش ترد عليها فقامت وسحبت شنطة السفر "اكيد تعبانه خلينا نروح للبيت.." ابتسمت البنت وقامت سحبت الشنطه من يد رشا واشرت بيدها انو امشي قدامي...

..............
في البيت ..
فتحت عبير الباب وكانت امها ...استغربت عبير لان امها شغلها دايم ينتهي باليل لانها كانت تشتغل دكتورة اخصائيه اعصاب في احد المستشفيات.."امي ..جايه بدري اليوم!!"
"لا بس نسيت شوية اوراق مهمه .." راحت لمكتبها ورجعت عبير تطقطق على جوالها .. خرجت امها من المكتب وبيدها ملفات "اليوم راح اتاخر كمان كلمي رشا تستأذن من امها انه تجلس معاك كمان اليوم .."تنهدت عبير .."ok"
بعد ساعه دق الباب وقامت عبير وفتحته كانت رشا وصاحبتها.. عبير مستغربه "مين هذيي!" رشا بعد ما دخلت وقفلت الباب وراها "هذي بشرى..اللي كلمتك عنها" مدت بشرى يدها وسلمت على عبير فمبتسمت عبير لرشا.."اهااا بشرى قولتي لي .." احمر وجه رشا وسحبت بشرى عشان توريها غرفتها..
.......
(بشرى تومبوي عمرها ٢٤ سنه كانت عايشه بروسيا مع ابوها اللي كان رجل اعمال ...شخصيتها هاديه لكن جريئه بسرعه تعصب ومتقلبت المزاج)
........
دخلو وحده من الغرف رشا فردت يدها "وهذي هي غرفتك.." جلست بشرى تتامل الغرفه وهي مميله فمها وكانت الغرفه مو عاجبتها..
تنهدت رشا.."هذي كانت غرفة الشغاله كويس انها هربت ولا كان نمتي ع بلاط" ضحكة بشرى ورمت نفسها ع السرير.."وانتي وين راح تنامين!!" ابتسمت رشا.."فبيت اهلي ..." جلست بشرى بسرعه.."هههه لا من جد" ...." يب من جدي اتكلم ..." قاطعتهم عبير .."احم اسفه بس...رشا نسيت اقولك امي راح تتاخر اليوم كمان .."التفت لها رشا ووجها مصفر "ايييش!!" وقفت بشرى فرحانه " اوك راح نسوي سهرت بناات "ابتسمت عبير ..."ايش رايكم نروح مطعم ترا مره جيعااانه ما اكلت شيء.." بشرى بحماس.."يلاا حتى انا مره ما اكلت شيء.." راح كل واحد بدل ملابسه ..عبير في غرفتها تدور على محفظتها ..."اخخخ وين حطيتك انا وينن.." رشا بالحمام تكلم امها اللي دقت عشان تطمن عليها .."ايوا راح اجلس كمان اليوم ....ماعليك راح ارجع اليوم ان شاء الله ....لا اكيد ...خلاص...يلا مع السلامه.."....بشرى جالسه تقلب في شنطتها على لبسه عشان تلبسها... دخلت عليها عبير كانت بشرى جالسه على ركبها وما عليها بلوزه ..كانت اكتافها عريضه مع وسط مخسر وشوية عضلات ..خجلت عبير وغطت عينها حست كانها دخلت على رجال..."احم احم.." لفت بشرى لعبير اللي مازالت مغطيه عينها وابتسمت "في شيء!!" ردت عبير "لا!!"وخرجت بسرعه من الغرفه في نفس اللحظه خرجت رشا من الحمام...وقفت عبير تطالع لرشا .."الله الله وش ذا الزييين كله.." نزلت رشا راسها..فدفتها عبير بشويش عشان تطالع لها .." هي بنت .."طالعت لها رشا.."هاا!" عبير بحماس " دخلت قبل شوي على الحب لقيتها من غير بلوزه يمهه قلبي بغى يوقف كذا ظهره كانها رجال وعضلات و حركات.." ابتسمت رشا بخجل.."ذا كله في كم ثانيه شفتيه .." وجلسو يضحكون لحد ما جات بشرى وقاطعتهم ..."هاا يلاا.." طالعت عبير لرشا وابتسمت.."الا وين المحفظه حقتي .."
رشا تاشر على الشنطه الي كانت مرميه في الصاله .."مو في هذيك الشنطه ..!"...ابتسمت بخجل وراحت شالت الشنطه وخرجو ..

...........
وصلو للمطعم واخذو لهم طاوله وجلسو فيها ..
عبير"اخخخ يابطني ..." رشا وهي ما سكه المنيو.."وش عندهم مطعمك ذا يا عبير.."...-"لا بالله عشاني اخترته قلتي مطعمي ترا مالي دخل اذا ما عجبك الاكل مو انا اللي طابخه.." ضحكت رشا والتفت لبشرى اللي كانت تطالع فيها وهي مبتسمه ...فبعدت عينها بسرعه وجلست تشرب في المويه..بعد دقايق جاهم النادل واخذ منهم الطلبات ..وجلسو يسولفون وياكلون ..لحد ما دق جوال عبير ..طالعت في المتصل .."ويي خطيبي..." وقامت من عندهم...
رشا في نفسها (هو ذا وقتو يدق ) طالعت بشرى لرشا اللي كان واضح عليها التوتر فقربت كرسيها منها ومسكت يدها ابتسمت رشا لها وقامت تتلفت حولها فسحبت يدها بسرعه وخبتهم تحت الطاوله..طالعت لها بشرى بانزعاج ورجعت بكرسيها لورا ...مسكت رشا شوكتها وجلست تاكل من دون ما حتى تعطي نظره لبشرى اللي عصبت وقامت خرجت لبرا فلحقتها رشا بسرعه ومسكت يدها عشان توقفها.. "وين رايحه ..."سحبت بشرى يدها بقوه .."ما شفتي نفسك جوا انتي بتخجلين مني ؟" جلست تتلفت وبعدين طالعت لها.." انا بس توترت.." لمت يدها وردت بتافف"اذا ما كنتي متاكده وخجلانه من نفسك ليش خليتيني اجي المسافه هذي كلها.."...بلعت ريقها والدموع متجمعه بعيونها.."اناا..." "انا رايحه لسياره نادي عبير وخلينا نرجع للبيت...
لفت رشا عشان تنادي عبير الا وهي طالعه تدور عليهم .."ايش ذا يالوسخين خليتوني ادفع الحساب.." .... طالعت عبير لرشا اللي عيونها كلها دموع فقامت حضنتها .."ايش فيك.." - رشا.."خلينا نرجع البيت .."
............
وصلو للبيت ... بشرى راحت لغرفتها ..وعبير اخذت رشا لغرفتها..
عبير بعد ما جلست رشا ع السرير ..
"قولي لي ايش صار.." رشا ما تحملت وجلست تبكي ..
"انا غبيه شفت عايله بيطالعو فينا بعد ما مسكت بشرى يدي
ما بعرف انا بعدت يدي من الخجل ولا خايفه من كلامهم ونظراتهم ..." تنهدت عبير .."حبيبتي لا تتعبي نفسك هي زودتها شويه ماعليه انتي نامي وبكرى ان شاء الله تهدى الامور.." هزت رشا راسها وقامت تحضن عبير ...
.........
بعد العشاء عبير كانت نايمه هي وبشرى ..ورشا صحيت على صوت جرس الباب فقامت تفتحه طلعت ام عبير سلمت عليها وطمنتها على حالهم بعدين استئذنتها انها تروح لبيتها ..
راحت رشا لغرفة بشرى وفتحت الباب بشويش عشان لا تصحيها وراحت لحد السرير عشان تحط لها رساله ...
لفت بشرى ومسكت يد رشا ..." انا اسفه ..مدري ليه عصبت عليك بطريقه ذيك سامحيني .." جلست رشا على السرير .."ماعليه كلنا غلطنا انا اللي اسفه .." جلست بشرى ومسكت يدها.."اخر مره .."وباست يد رشا ..ابتسمت رشا بخجل .." انا رايحه ذحين للبيت .." -"ليييه..متى راح ترجعين.!"-" في الصباح كذا عندي محاضره انا وعبير .." قربت منها بشرى وباسته على خدها .."راح استناك.." ابتسمت لها وقامت بسرعه ..
...........