.............
صباح اليوم الثاني
صحيت عبير على صوت الجوال وهو يرن ..ردت
عبير"الووو!!"
ريما."يا صباح الورد .."
عبير..بمزح "يالله صباح خير وش عندك !!"
ريما."حقيره ..اقلك وحشتيني يا كلبه...
عبير."وانتي والله "
ريما.."بس كنت راح اذكرك انه راح اجيك اليوم بدددري ."
عبير.."بروح بدري انا عندي محاضره من الصبح .."
ريما.."يوه طيب وش اسوي مين يفتح لي الباب.."
عبير.."اممممم...اهه ايوا بشرى تفتح لك الباب.."
ريما مستغربه.."مين بشرى ذي .."
عبير.."وحده تتعرفي عليها اذا جيتي اهم شيء الفستان لا تنسينه فهمت...
ريما.."ماراح انساه لا تخاافين يلااه بس اشوفك ..
عبير.."يلا باي يا قمر..
...........
وصلت رشا لبيت عبير ودخلت طبعا عندها مفتاح للبيت ام عبير اعطتها ... دخلت وحطت شنطتها على الكنب وجلست تنادي عبير ...اللي خرجت تركض من الغرفه ...
"ايش كم الساعه..."طالعت على الساعه طلعت ٧ تماما ..مسكت على قلبها .."اخخخ فجعتيني ..." ضحكت رشا .."يلا بس تجهزي .."
قلبت عينها بتاأفف وراحت للحمام ...
رشا راحت تصحي بشرى اللي كانت نايمه منبطحه ومو لابسه بلوزه وظهرها نصه طالع ...خجلت رشا ومشت بشويش وجلست بخفه على السرير مسكت الشرشف وجات تبغى تغطيها الا صحيت ..."هااممم.." ابتسمت رشا لها .."صباح الخير ..لفت بشرى لها ورفعت نفسها عشان تتكي على السرير وكانت ماسكه بيد الشرشف واليد الثانيه حاطتها ورا راسها ...رشا وجهها حمر ونزلت راسها كان جسم بشرى طالع وكانت لابسه شورت من غير بلوزه كان صدرها ممسوح ومشدود عضلات وعندها عضلات بطن خفيفه لكن واضحه ..
حست بشرى برشا اللي كانت ميته خجل وجلست ورفعت الشرشف لحد كتوفها ..اخذت رشا نفس ..."انا رايحه ذحين تبغين اسوي لك شيء تاكليه اذا جيعانه.."ابتسمت لها بشرى وسحبتها لصدره وحضنتها بقوه ..بعدين تركتها .." احم ماقدرت اتحمل حبيت اجرب الشعور ." ضحكت رشا بخجل..
فسحبتها مره ثانيه بقوه وصار صدر رشا عليها كانو قريبين من بعض حمر وجه رشا وما عرفت ايش تسوي فستسلمت لبشرى اللي جلست تشفشفها... قاطعتهم عبير .." احم احم ..انتي ياللي مستعجله .." نقزت رشا بسرعه وكانها ما صدقت ان عبير تجي وتنقذها..
عبير "هي بشرى اسمعي وحده من صحباتي راح تجي اليوم بصباح افتحي لها ..طيب.." هزت بشرى راسها ورجعت انسدحت ..
بعد ساعه دق باب البيت قامت بشرى تتخبط من النعاس ..ونسيت تلبس بلوزتها ..بصوت ناعس .." مييينن!"
..."انا ريما افتحي .."فتحت لها بشرى وهي تمسح عينها بكسل .. وقفت ريما تطالع فيها مو عارفه ايش تقول ..طلعت لها بشرى مستغربه .." في شيء .." اشرت ريما على جسم بشرى .. نزلت بشرى عينها فستوعبت ورحت للكنبه واخذت مخده وغطت صدرها ..
"اكيد انتي بشرى."قالتها وراحت جلست على الكنب حاطه رجل على رجل ..بخجل ردت .." صح انا بشرى .." جلست ريما تطالع فيها بتفحص.."وش تقربين لعبير ... ردت بشرى "ما اقرب لها انا بعرف رشا.." بستغراب .."رشا ...انتي بتعرفي رشااا..!" ..."ليشش الاستغراب ذا يعني ..!"
بتردد.."لا مافي شيء .." قامت بشرى لغرفتها عشان تبدل ملابسها ..وريما راحت لغرفة عبير عشان تعلق الفستان ..
بعدين راحت لبشرى اللي كانت تبدل ..بغرور قالت"غريبه صراحه .." التفت لها بشرى بعد ما لبست بلوزتها بسرعه .."ايش الغريب في الموضوع..!" -"يعني ذي رشاا ..!! " خرجت للغرفه وراحت جلست في الصاله ولحقتها بشرى ..
"مو فاهمه.."..حطت رجل على رجل ورافعه خشمها .." يعني من بين كل البنات مالقيتي غير رشا " عصبت بشرى .." ايوا لاني اعجبت فيها ايش فيها يعني رشا .." .-"الله يبارك لكم بس راح تتعذب معاها ..صدقني في ذي .." -" ليش جالسه تتكلمي بذي الطريقه عن صديقتك.." ضحكت بأستهزاء ..قامت بشرى وراحت قفلت في غرفتها ..
.........
بعد عدة ساعات رجعت عبير وما كانت معاها رشا ...دخلت وسلمت على ريما وجلسوا يسولفون في غرفة عبير ..بعدين راحو لصاله وقتها طلعت بشرى من المطبخ وسلمت على عبير .."وين رشا ..!؟" ...جلست ريما تتأفف ...."راحت لبيتها امها دقت عليها راح تجي في العصر كذا .." ..." طيب انا راح ارجع انام خليها تصحيني اذا جات .." هزت عبير راسها ..فراحت بشرى لغرفتها ونامت ....
..........
في الصاله ..
تكت ريما بيدها على مسند الكنب وجلست تتأفف ..التفتت لها عبير مستغربه .."ايشش فيك قلبتي كذا.."
طالعت لها ريما بنص عين .."من جدك انتي كيف سامحه لها تنام ببيتك .." .."ليه سوت لك شيء .!!"..-"اووف لاا بس مو مطمنه لها .." ابتسمت عبير باستغراب .."اممم ترا البنت مرا طيبه وما شفت منها شيء.ومو غريبه عليك يعني اتوقعت ردت فعلك هذي .." ردت بعصبيه ."ليش جالسه تتحملي الوقاحه ذي لو عروف اهلها راح يخاصموك انتي كمان لانك عارفه وساكته .."..-"ان شاء الله محد يعرف واذا جات وقتها يحلها الف حلال..." لفت عينها وهي تتافف ..
..........
في بيت رشا ...
جلست رشا مع امها في المطبخ بعد مارجعت من الجامعه وغيرت ملابسها...
جلسوا يحضرون الغداء ويسولفون ومعضم الوقت كان تفكير رشا مع بشرى واللي صار في الصباح ...
امها لاحظت عليها شرودها .."مين اخذ بالك .." طالعت لها رشا وهي مبتسمه .."محد يا امي بس جالسه افكر في الجامعه والنشاطات اللي فوق راسي .." ..."الله يعينك .."
سكت امها بعدين جلست على الطاوله .."اسمعي ابوك كلمني بموضوع اليوم وابغى اخذ رايك طبعا.." حسيت رشا ان الموضوع متعلق فيها .."خير ان شاء الله .." ابتسمت امها.."في واحد من اصحاب ابوك يبغى يزوج ولده طبعا ولده توه متخرج وضابط ماشاءالله عليه ويقول اخلاق وما راح تلاقي زيه ..." توترت رشا ..."بس انا ما ابغى اتزوج ذحين مو مستعده لزواج وللمسؤوليه ابد.."-"ايش بك من قال راح تتزوجين ذحين اكيد بعد ما تخلصين دراستك بس ذحين راح تنخطبين وتملكين وبعد التخرج يصير الزواج .." رشا انسدت نفسها وقامت .."انا بروح انام .."--"ماقلتي لي وش رايك.."
ردت بحزن .."يصير خير .." وراحت لغرفتها ...
انتمنى يكون في ردود هذي اول روايه ليه :)
أنت تقرأ
Introduced me to another world
Romanceروايتي ..(غير كامله ) حبيت احط هنا جزء من القصه عشان اتحمس اكتب وراح احترم اي نقد منكم .. ( قصتي بتحكي عن علاقات الحب كانت محرمه او حلال ..بطلت قصتي هي تومبوي من جنسيه غير عربيه كانت عايشه برا تعلمت اللغه العربيه من امها اللي ماتت وهي صغيره ..بطل...
