Introduced me to another world

And she's back !!

بعد المغرب ....
رجعت ام عبير بدري من شغلها . شافت ريما وعبير جالسين في الصاله فراحت تسلم على ريما .. موجهه كلامها لعبير"يلا بنات تجهزوا ام خطيبك دقت عليه تقول مسوين عشاء لولدها الكبير توه رجع من البعثه ..."  جلست تتلفت .."وين بشرى !!" ردت عليها عبير .."شكلها لسى نايمه .."...-"طيب روحي صحيها وتجهزوا.."
ريما بعصبيه ." ليه راح تخليها تجي معانا يعني .." - " اكيد  هي صارت من العائله ذحين .." تاأففت ريما وراحت تتجهز ..
راحت ام عبير لغرفتها عشان تتجهز كمان ..وعبير دخلت لغرفة بشرى لقتها جالسه على الارض تقرا بكتاب ..جات وجلست قدامها ومسكت الكتاب .."ماشاءالله تعرفين تقرين .." طالعت لها بشرى وهي مبتسمه ..وعينها على الكتاب .."صراحه راسي فاضي حالين مو لاقيه لك رد .." ضحكت عبير ..." اسمعي بس اهل خطبي عازمينا على عشاء وكذا فقومي تجهزي .."...جلست تضحك بشرى على شكل عبير لانها كانت تتكلم وهي طايره من الفرح ..."بسم الله عليك بس لا تموتين.." سكتت شويه .."اممم مين بيكون هناك .." ابتسمت عبير .."قصدك رشا ..صراحه مدري اذا كانت بتجي او لا لانها مره مشغوله اليوم من الجامعه ..." ..قلب وجهها .."هههم طيب ...شرفي .."مأشره على الكتاب.. قامت عبير .."بسال امي دحين اذا كانت خالتي ام رشا راح تجي او لا ..وراح اخليها تكلمها تجي ما عليك .." سحبت من يدها الكتاب وقامت تخرجها من الغرفه ...
خرجت من غرفه وهي تضحك ..شافتها امها .."ليه ما رحتي تتجهزين يلا بسرعه ..وبعدين ايش ردت عليك بشرى .."
.."جالسه تتجهز ..." سكتت شويه .."امي عزمتي خالتي فرح.. -" اكيد راح اعزمها قد شفتيني رحت مكان من غيرها .."-" طيب رشا بتجي معاها ..."-" والله مدري بس ما اتوقع تخليها بالبيت لحالها ..يلا بس روحي تجهزي .."

.........
في بيت رشا ...
راحت ام رشا تصحي بنتها بعد ما قفلت من عند ام عبير ..
..جلست بالسرير وتهز بنتها ."يلا قومي تاخر الوقت .."
فتحت عينها بالقوه ..."ايش فيه.."--"قومي خالتك دقت عليه
اهل خطيب بنتها عبير عندهم عشاء وعازمتنا معاهم .." نطت من مكانها .."طيب قمت .." ابتسمت لامها وقامت للحمام ..
خرجت وراحت لدولابها تدور لها ملابس ..طلعت لها فستان اسود  قصير فوق الركبه ماسك على جسمها باكمام طويله .. رمته على السرير وجلست تطالع فيه ...دخلت امها.."ها بتتجهزين .." طالعت لها بصمت ...استغربت منها امها وسحبتها عشان تجلس على السرير جنبها .."ايش فيك فجأه كذا تغيرتي .." ...بتردد."لاا..بس تذكرت اني مشغوله بكرا مره ..."--"بس لازم تجين ما راح اخليك لحالك هنا .." -"ايش راح يصير يعني راح اجلس واذاكر واسوي اشغالي .."--" طيب براحتك ابوك لو درا اني اخذتك وانتي عليك اختبارات راح يعصب فخلاص بروح انا .." ابتسمت لها بغبنه وقامت تشيل الفستان ..

........
وصلو للعزومه ..
دخلو وسلمو على الناس جلسو الثلاثه جنب بعض وام عبير راحت مع الحريم ..
ريما طول الوقت بتطالع في بشرى وتتأفف وبشرى مو معاها جالسه تدور على رشا بين الناس ..عبير طفشت منهم ساكتين وقامت جلست مع اخوات خطيبها ...لفت ريما لبشرى .."على مين تدورين .." طالعتها بشرى ورجعت تتلفت .."ماراح تجي لا تخافي شوفي امها هناك جالسه جنب ام عبير .." لفت له بشرى  بعصبيه وقامت للحمام ..
..........
عند رشا كانت جالسه على سريره وقدامها اللاب وكتبها منثره جنبها ...شويه ودق جوالها..رشا شافت المتصل بشرى خافت ترد لانه عرفت هي اتصلت ليه ...  ترددت ترد ولا لا ..فقررت انها ترد وتخلص من السالفه..
رشا بتردد ."الووو..!"
بشرى .."وينك يا بنت ليه ما جيتي .."
رشا .."امممم مشغوله والله كنت راح ادق عليك بسس.."
قاطعتها .."بس مادقيتي ...خليتيني استناك زي الغبيه .."
رشا.."اناا..." قفلت بشرى الجوال قبل ما تخليه تكمل كلامها مدت يدها لجيبها وطلعت علبه اخذت كم حبه ..
ورجعت جلست لحالها ومسكت لها صحن وجلست تاكل وهي معصبه ...شافتها ام عبير وقامت جلست جنبها وسحبت منها الصحن .."لا تفشليني .." ابتسمت لها بشرى وخدودها مليانه ..بلعت اللي بفمها .."اناا...اسفه مو قصدي .."
لفت يدها حول كتف بشرى .."مافي احد بيستحق انك تزعلي نفسك عشينو ...."مسحت على ظهرها ..لفت لها بشرى مستغربه .."يلا قومي مع البنات .. قامت من عندها بسرعه كانت مستغربه من حركتها ليه بتعاملها كذا ..راحت جنب ريما اللي كانت تسولف مع بنت جنبها وما انتبهت لها ..جلست بشرى تفكر في ام عبير (صراحه ما قابلت انسانه زيها اخخ ياربي ليش حاسه اني راح ابكي ..) لفت ريما لها وجلست تهزها .."هي انتي ما تسمعين .." لفت لها بشرى .."يانعم .." تكت ريما على الكنب واشرت على البنت اللي جنبها .."ذي تبغى تتعرف عليك .."وقامت وخلتهم لحالهم ..
البنت كانت جميله فمها صغير عيونها واسعه كانت لابسه فستان ماسك تحت الركبه لونه احمر مبينها بيضاء مره ..طالعت لها بشرى وابتسمت لها
كانت احلى من رشا في حاجات جلست تفكر وهي تتفحصها بعينها ..البنت خجلت من نظرات بشرى.."احمم انا مرام .."
مدت يدها عشان تسلم عليها ..طالعتها بشرى ورفعت يدها وتكت بيدها على ظهر الكنب وقربت من البنت...وهمست لها "سحابك مفروط .." طالعتها البنت بخجل ..ومسكت سحابها وقامت للحمام ..
...........
عند رشا ....
خلصت اشغالها وانسدحت على السرير تطالع لجوالها ..الساعه كانت عشره ونص ..قامت تدور في البيت وتقلب في التلفزيون مالقت شيء وقامت مره ثانيه لسريرها مسكت الجوال ودقت على عبير ..
رشاا.."الوو.."
....."نعمم..."
رشا."مين..!"
...."انا ريما عبير جالسه مع خطيبها في المجلس وخلت جوالها معايا ...بغيتي شيء .."
رشا.."لا.. بس ..متى جيتي انتي ..!"
ريما .."اليوم الصباح .."
رشا.."اها .. الحمدلله على سلامتك .."
ريما .."يسلمك يا بعدي ..ها بغيتي شيء لاني مشغوله شوي .."
رشا .."ايواا بغيت اسال عن ...بشرى .."
ريما .."اءءء البنت اللي معانا ايوا كويسه جالسه مع وحده من البنات لو تشوفينهم كييوت مع بعض ..."
رشاا ..متفاجاه من كلامها .."مو فاهمتك ..!!"
ريما .."عرفتها على وحده شفتها لوحده والله شكلها مبسوطه معاها ..."
بعصبيه ..."ليييه ...!!!...اناا .."
ريما باستغراب  ."ايش بك..يختي..انا اللي مو فاهمه ليه انتي معصبه !!! لا يكوون !"
قفلت رشا الخط ورمت جوالها وجلست تبكي بغصه..

.........
سحبت عبير جوالها من يد ريما .."مين دق..!" ردت بلا مبالاه .."هذي رشا تسال كيف الاجواء كان نفسها تجي .."
.."والله قهر ليتها جات صراحه ..يلا انا رايحه لخطيبي .." بستغراب .."مو كنتي عندوا قبل شوي ..!!" ..-"ايوا بس نسيت حاجه رحت اجيبها .."ابتسمت لها ريما "طيب بس انتبهي لنفسك .."..
.......
راحت جلست بين بشرى ومرام .اللي كانت توها راجعه من الحمام ..."اوف مسكينه صراحه رشا كان نفسها تجي .." طالعت لها بشرى  .."ليه دقت عليك .!!" "ايوا مره حزنتني كان نفسي تجي صراحه .."..-"سالت عني ..!"-"ايوا سالت كيف عرفتي .."اتوترت بشرى .."طيب وايش قلتي لها "-..طالعت لها ريما بلا مبالاه.."هو انتي و رشا مع بعض !!.." بشرى .."لا يكوون ....اخخ"... قامت طلعت لدور الثاني وشافت غرفه فاضيه ودخلت فيها ..
لفت مرام لريما .."ليش ما قلتي لي انها مع رشا .."
ريما ببرائه .."توي ادري والله ..!"
ضربتها بخفيف على ظهرها .."تقهر ليشش بعد ما خقيت .."
جلست ريما تضحك عليها ..

.......
عند رشا ..
كانت مازالت تبكي بحرقه ..شويه ويدق جوالها قامت وشافت المتصل بشرى ..قفلت جوالها وحطت راسها تحاول تنام ..

......
عند بشرى ..
حاولت تدق مره ثانيه طلع مغلق ..عصبت ورمت جوالها على السرير ورمت نفسها بقوه على السرير ..(اخخ ايش سويت اناا ..)
........
قامت ريما ودقت على رشا ..
...بعد محاولات ردت عليها ..
بصوت مبحوح .."ايش تبغين .!!"
ريما .."بنت عممى ترا والله مدري باللي بينكم ..وكمان ما صار شيء بين بشرى والبنت والله .."
رشا.."........."
ريما.."اسمعي انتي غبيه لو جيتي ترا مرام اللي كانت جالسه معاها وتعرفينها انتي طبعا بس انا بعد ما عرفت انكم مع بعض بعدتها عن بشرى .."
رشا بعصبيه .."مرام ايش تبغى ذي مو كفايه اللي سوتوا ذي فيني قبل .."
ريما .."ماعليك انا راح اخلي عيني عليها وبعدين ترا بشرى مو معطيتها وجه للمعلوميه .."
رشا بفرحه .."احححم طيب ذاا ..مع السلامه .."
ضحكت ريما وقفلت الخط ...

انتهت السهره ورجعو لبيوتهم ....
.......

نهاية البارت ...
:)
حبيت احط صور لشخصيات لانو مره معرف اوصف الاشكال اللي في بالي ..:)