اوراق مبعثرة

شهيد

-بابا ليش بنزعل على الناس لما يستشهدوا؟
-يا بابا يا حبيبي ليش بتسأل؟
-ماما قالت الناس لما يستشهدوا بيروحوا عند الله و بيعيشوا عنده ، فشفتكم بتزعليوا لما يستشهد حد و ما عرفت ليش.
-لانهم بيكونوا صغار و بتنحرق قلوبنا عليهم و بننقهر من الطريقة يلي ماتوا فيها.
-طيب بالعكس يا بابا لازم نكون مبسوطين عشان هم سشهدوا لانو شو ما كانت الطريقة بيكون بيتهم عند الله بالجنة و مين بده أحلى من بيت بالجنة و سمعت انو بغفر الأربعين من اهله كمان شايف شو الله كريم كيف بيعوضلهم الدنيا بالآخرة.
-والله ما بعرف كيف بدي ارد عليك يا ابني والله معك حق.
-اصلا يا بابا انا بتمنى لو اموت شهيد بتعرف ليش؟
-لا ليش؟
-عشان انا مشتاق لربي و بدي اقابله و بتعرف يلي بشتاق للقاء الله و بيخاف من الموت الله ما بشتاقله...
-يارب نكون من يلي بنشتاق للقاء الله و الله بشتاق للقائنا.