ماذا عنا

٢

احمد _شلونك زين احوالك تعال خلي نطلع برة مدأاسمعك صوت الموسيقى عالي ..
خرج احمد وزين وبقيت انا ويسر وكان الجميع مشغول بالعريسين وبالاحتفال ...
يسر _ خوما حجيت ماما شيء لان تأخرت ..
شهد _ لا بس هذا زين الغثه مااعرف منين طلع همزين مكال شيء اجه يكلله عليكم ..
يسر _ هههه ولا يتوب من سوالفه بس والله متغير اتذكر من جنه بالمتوسطه قبل لا يشيلون بس صاير حلوو بشكل ..
شهد _ دعوفوينه من زين هذا وشوفي نور شلون طالعه تجنن ..
اما في الخارج ..
احمد _ بشر وين صرت خطبت اتزوجت ..
زين _ لا ياا زواج يا خطوبه خلينه العشق الكم اني كملت كليه وابويه ساعدني فتحت شركه هنا وتوسعت وفتحت فرع ثاني بسليمانيه ..
احمد _ اي عاشت ايدك يوم الي نفرح بيك اني كملت هم دراسه و دااشتغل بمصرف ..
زين _ عوفني من شغلك لك سويته وخطبت يسر..
احمد _ تدري بيه احبه من جنه صغار واصلا متصير لغيري ههههه ..
زين _ الله يهنيكم هيه يسر ورده دير بالك عليه ..
احمد _ بعيني شعندي غيرهة اني ..
زين _ صدك احمد هاي شهد شكبره صايرة تدري بالبدايه معرفته صايره اطول من يسر حتى من عفناهة جانت بعده بالاول ابتدائي ..
احمد _ اي شهود تذكر شكد جانت لسان هههه هسه لسا وبعد تكثر بس حبابه بشكل وكلبه طيب ..
زين _ هااا هيه مخطوبه ..
احمد _ هههه هاا زين شنو عينك منه اظاهر ..
زين _ لا عيني ولا رجلي اصلا دشوفه طفله فرق بيني وبينه 10سنين ..
زين _ ديله امشي خلي نفوت اتوقع راح تخلص الحفله..
.....
انتهت الحفله ...
ام زين _ عود خلينه نشوفكم ام يسر مو تنسونه تعالوا لبيتنه ..
ام يسر _ اي اكيد راح نظل على اتصال هذا رقمي اخذي ..
شهد _لج يسر مخلصن صارلهن ثلاث ساعات يحجن تعبت رجليه موتني ..
يسر _ تستاهلين منو كلج تلبسين هذا الكعب ..
شهد _ اييي خلصونه هسه ..
زين _ يمه ماخلصتي البنات تعبوا واتأخرت اني ..
ام زين _ اي يمه خلصت مع السلامه ..
......
عدنا الى المنزل بعد تعب ..
شهد _ يالله رجليه تكسرن بعد مااتحمل .. (بدلت ملابسي وبسرعه ذهبت لغرفه يسر ) يسر مخلصتي افوت ..
يسر _ داابدل شبسرعه خلصتي لهنا لاحكتني ..
شهد _ ديلا شدسوين ..
يسر_اي تعالي كملت شقد تلحين ..
شهد _ اي تعالي خلي نكعد نسولف ..
يسر _ ليش مراح تنامين بغرفتج (رافعه حاجبه )..
شهد _ لا اريد انام يمج حتى نحجي على الحفله ..
يسر _ اووف منج مو عندج محاضرة باجر وامتحان احد ..
شهد _ اييي هسه عود باجر الله كريم تعلي خلي نسولف (طبعا كعادة اي بنت عراقيه تحجي كلشي الي صار بالحفله الي جانت بيه رغم انو ثنينه جنه بنفس الحفله بس لازم نعيد ونشوف خاف فاتتنه لقطه ههههه)..
يسر_يلا شهد صارت الساعه ٢بلليل اريد انام نعست..
شهد _ هو اني شفتهمت منج تحجين وياي وتكتبين ويه احمد دعوفي اريد اكلج هذا زين شنو تعرفين عنه..
يسر _ يعني شنو اعرف عنه مثلا جنه صغار اربع وعشرين ساعه سوة نلعب ومن صرنه بالمتوسطه همة انتقلوا لغير منطقه اتذكر عنده ثنين خوات وهو لجبير للعائله بس يعني مااتذكر شيء ..ليش يعني هلسؤال ..
شهد _ لا ماكوا شيء بس جذبني شكله حلو مو ..
يسر _ شهد ماادري تصبحين على خير نعسانه ..
شهد _ اووف يااا مو صوجج صوجي اروح انام بغرفتي ..
يسر _ بعد احسن عود سدي الباب وراج ..
...
شهد (نمت وانا افكر بزين لما هو في عقلي لم افكر فيه .. لا ياشهد لديك امتحانات مستقبلك اهم من كلشي ...بكل الاحوال لن التقي به مرة اخرى وهذا الجيد بالموضوع )..
......
استمرت بعد ذلك ايام عادية رغم انها لاتوصف كذلك بسبب الدراسه ومحاضرات فكنت استيقظ من الساعه الخامسه صباحا لا اعود الى البيت حتى الساعه السادسه مساء لاني كنت اريد ان احصل على درجات فوق الممتاز في المرحله الاعداديه طلبت من ابي ان ادخل محاضرات في جميع المواد ماعدا مادة الاحياء والاسلاميه والانكليزي لاني كنت جيدة جدا فيها كنت اذهب الى المدرسه بعد الدراسه الصباحية ثم الى المحاضرات مباشرة ... كانت اصعب ايام حياتي عشتها اوربما الصعب لم يأتي بعد ...
....
في يوم كلعادة عدت الى المنزل في الساعه ١ظهرا فقط لتبديل ملابسي واعود الى المحاضرة فيزياء ..
شهد _ سلام. ماما ...
امي _ هلا والله وعليكم السلام وينج البارحه مشفتج..
شهد _ماما اني على حافه الموت راح اموت شوكت اخلص تعبت من الدراسه ..
ماما _ هههه حبيبتي مابقه شيء بس كم شهرين وتخلصين يلا كومي بدلي وراج محاضرة وتعالي اكلي مسوية دولمه و تمن احمر وتشريب لحم وزلاطات ومقبلات يلا بسرعه ..
شهد _ هاي شنو شعندج رهومه(اسم امي رهام) شنو عازمه العشيرة ..
ماما _ يووو نسيتني مو ردت اكلج البارحه بالليل راح اعزم ام زين بس انتي جنتي نايمه يلا عود راح تشوفيهم من تجين من المحاضرة يلا كومي بسرعه بدلي ليجون ..
شهد _ ام زين ..هاااا .. طبعا ناس تتونس وتعزم وناس تقره اروح ابدل ..
....
ذهبت الى غرفتي رميت حقيبتي ودخلت الحمام استحميت وانا افكر ياترى هل زين سوف يأتي معها لم اره منذ شهر .. ااااه شهد لاتفكري فيه هياا لديك محاضرة .. اكملت حمامي وارتديت جينز اسود وعليه تشيرت ابيض وفيه حروف كبيرة I am free فضفاض قليلا و ارتديت حذائي الابيض الرياضي صنعت ظفيرة من شعري واخذت حقيبتي وهاتفي ونزلت الى الاسفل ..
ماما_ يلا شهد تعالي تغدي ..
شهد _ اي ماما دااتصل برهف مدترد ...
ماما _ تعالي تغدي وبعدين شوفيه ..
شهد _اوكي بس اخلف اتأخر منو يوصلني تعرفين دائما تجي عليه هيه واخوهة يوصلنه بالسيارة..
ماما_ زين كملي غداج و دكي عليه مرة الثانيه بلكي ترد ..
شهد _ اوكي ..
وانا اكل غدائي اتصلت رهف ..
شهد _ الوو وينج يالخبله ليش ممداومه وفوكاه عدنه محاضرة ..
رهف _ كح ..كح .. اسفه شهود بس مراح اكدر اجي فلاونزة واصلا مالي خلق احضر محاضرة لهذا روحي انتي ..
شهد _حياتي عندج العافيه اهم شيء صحتج يلا عمري على راحتج ..
وانا اتحدث على الهاتف سمعت صوت امي ..
ماما _ هلا ومرحبا ميت هلا تفضلوا تفضلوا شلونج ام زين ...
شهد _عزة اجووو واني بعدني اريد اشرد وين اضم روحي اطب جوة الميز لا لا خلي اهدئ ..اصلا مسمعت صوت زين يعني مجاي الحمد الله ..
دخلت ام زين سلمت عليه .. مجان وياه احد حاجيت ماما ...ماما رهف مريضه ومتكدر تجي عليه وبابا طالع شلون اريد اروح للمحاضرة ..
ام زين _ ياا شهود يعني منشوفج متكعدين ويانه ..
شهد _ اسفه خاله بس تعرفين سادس ومحاضرات
ان شاء الله بغير فرصه ..
قلت لامي ...ماما احمد وين متعرفين ..
ماما _اخذ يسر وراحوا لابو الغرف تعرفين ديجهزون للبيت مالتهم ..
شهد _شنو هاي وبعدين شلون اروح ..
زين _اني اوصلج ..
شهد _(قل اعوذ برب الفلق ..منين طلعتلي ..)..
زين _شلونج خاله ..اسفه تأخرت بس جنت اركن السيارة ..تعالي شهد اوصلج للمحاضرة ..
شهد _لا ماكوا داعي اخاف اتعبك ..
زين _لا شنو السالفه تعبج راحه..
ماما _يلا هاي اجاج منو يوصلج ولو نتعبك زين ..
زين _ لا خاله تدللون ..
....
صعدت بالسيارة وقلبي اجه يوكف ..هاي شبيه اني ليش قلبي يوجعني يعني واذا هو يوصلني اصلا عادي شاب حلو وطويل واتكشخ كدام البنات انو شاب حلو يوصلني (محادثه مع عقلي )...
قاطعني صوت زين بفتح اغنية لجي فاير ..صورتلي الدنيا جنة ..
زين _ تسمعين اغاني مووو ..
شهد _هاا ..اي بس حاليا لا ..
زين _ههه ليش يعني لان دراسه احسج كلش مضخمه الامور ترة السادس مو كله دراسه لازم ترفهين عن نفسج ..
شهد _مو قصه مضخمه الامور بس هو السادس صعب واريد كليه زينه لهذا ماعندي مجال هيجي شيء ..
زين _ اذا الاغاني صارت امور صعبة يعني انتي على هيجي متحبين ..
شهد _(شنو هل السؤال ..وهو شنو علاقته )..لا طبعا ماعندي سوالف حب خلي اكمل الفيزياء عود بعدين افكر بمسئله الحب ..
زين _هههههه احسن الج الحب تعب راس وجع قلب صيري بالكليه واوعدج راح تلكين الحب قريب منج ..
شهد _هههه الله كريم اي هنا نزلني ..
زين _ انطيني رقم موبايلج حتى من تخلصين تدكيلي ارجعج ..
شهد _ هااا لا ماكوا داعي من اخلص اخابر على بابا لو احمد ..
زين _واذا جانوا مشغولين تضلين بيت الاستاذ لا شنو اخاف عليج اقصد يعني خاله متقبل ..
شهد _ زين ماكوا داعي اخلي صديقتي توصلني ويه خطه ..
زين _سجلي رقمي وانتي اتصلي عليه ..
شهد _ بس ... اوكي رد ..
....
نزلت من السيارة وطرق الباب ومازال واقفا ...
شهد _ روح هياتي حدخل ..
زين _ اوكي ديري بالج على نفسج ..
شهد _حاضر ..(شنو شايفني طفله ..بس حلو اهتمامه يييي شهد شنو هاي ركزي )..انتهت المحاضرة بين التفكير بزين والشرح حتى اني قد نسيت ماذا كان الاستاذ يقول .. اتصلت بأبي كان جهازه مغلق ..
اتصلت بأحمد مرة وثانيه ...رد بالاخير..
احمد _ هلو شهد ..
شهد _هلو احمد اكلك وينك انته اني عندي محاضرة وخلصت تكدر تجي عليه ..
احمد _ اي عادي بس وين المحاضرة ..
شهد _بالدورة ..
احمد _ييي بعيد كلش عني شوفي يعني اوصلج بعد ساعتين عادي تنتظرين لو تكدرين تجين ويه صديقتج ..
شهد _ اوكي راح اشوف صديقاتي ..
سمر تكدرين توصليني وياج ..
سمر _اسفه حبي بس بيتكم بعيد عنه واني بابا يجيني ميقبل ..
شهد _ على راحتج (شدعوة هيه توصيله )..
رسل _شهد تعالي اني اوصلج راح يجي عليه اخويه..
شهد _تسلمين ولو ازحمج ..
ذهبت جميع الفتيات بقيت انا ورسل ننتظر اخيها ..سمعت هاتفي يرن ..
شهد _(هذا زين شعنده) الو ..
زين _ هلو شهد يلا طلعي ..
شهد _شنو ..وين شكوو..
زين _ واكفلج بالباب اطلعي اوصلج للبيت ..
شهد _ لا ماكوا داعي اصلا راح ارجع ويه اخو صديقتي ..
زين _ شهد اطلعي ولتخليني ادك الباب هسه ..
شهد _هاا (يمه يخوف ) اي طالعه هسه .. اسفه رسل بس اجه عليه اقربائنه وراح اطلع وعموما شكر حبي ..
رسل _ لا عادي عمري على راحتج ..
.....
خرجت من بيت الاستاذ وانا اتكلم مع نفسي (هذا شبي شايف روحه شلون يصيح عليه هيجي ...)دخلت السيارة وبدون كلام فقط قلت مرحبا ..
زين _ ليش تخليني اعصب كتلج اني اوصلج شنو اخاف عليج ياعيني ..
شهد _(بدون ان اتكلم عما العماك لتكلي عيني وانته شنو ..).هاي شنو وين رايحن هذا مو طريق بيتنه ..
زين _ادري ...
شهد _زين تعبانه رجعني للبيت ..
زين _مو قبل مااعزمج على عشاء تأكلين ادور ارجعج ..
شهد _ ومنو كلك اني اقبل رجعني للبيت زين ..
زين _ ومنو كلج اني اوافق اسمعج حجيج يلا نزلي وصلنه ..
شهد _ ما شوف لبسي ماعجبني اصلا ..
زين _ اصلا طالعه تخبلين امشي ..
شهد _ (تبخيلن... محد خبل غيرك انزل وامري لله ) ..
ذهبنا الى مطعم وجلسنا نأكل طلب الطعام ..
زين _ شتحبين تأكلين ..
شهد _ انته الي سئلت يعني تحمل ... اريد بغ برغر و اريد مقبلات ثلاث انواع واريد بسبي وبس ..
زين _ ههههه هذا كله وين تودي وفوكاه ماريد انزل رجعني للبيت ..
شهد_ ههههههه .. لا صدك تعبانه .بس صدك شلون اخذت رقمي ..
زين _ من والدتج امي لسا موجودة عندكم ومن تأخرتي عرفت انو محد يجيبج فكتله اني اجيبه واخذت الرقم ..
شهد _ هااا ..بس تعبتك ماكوا داعي ..
زين _بالنسبه اليه اكو داعي ..
شهد _(محاوله تجنب نظراته انظر ادرت وجهي الى الجه الاخرى ) اجه الاكل .. بدأت اكل .. دير وجهك اريد اكل براحتي لتظل صافن هيجي ..
زين _ شكلج حلو وانتي تأكلين ..
شهد _ زين .. دير وجهك ..(اكملت اكلي و عدنا الى المنزل كان زين يفتح اغنيه وليد الشامي انته فحياتي كل شيء... مااعيش من دونك اكيد... احس كلبي فيك حي ..كل يوم حبك في يزيد .. ) وصلنا للمنزل دون ان اتكلم او هو يتكلم بقينا صامتين كانت نظراته تكفني لكي ينبض قلبي بدقات قويه تجعلني ارتعش نزلت من السيارة بسرعه وقلت )..
تسلم تعبتك وشكرا على العشاء ارده الك ان شاء الله ..
زين _ كافي تكولين تعبتك انتي تعبج راحه ..واريد عشاء من ايديج هااا عود عزميني ..
شهد _ هااا ..يلا باي ..
زين _ باي .. عود صيحيلي امي حتى نروح ..
شهد _ اوكي ..
(دخلت الى الداخل وناديت ام زين وقلت لها ان زين في انتظارها ثم ودعتها وذهبت الى غرفتي كان هذا اجمل يوم حقا لم قلبي ينبض بشده معه ربما ..ربما احببته ..ولكن لا لا ياشهد لاتفكري مطلقا بهذا انتي لديك دراسه انسي الامر كليا )..ثم اتت اليه يسر تسئلني عن من اوصلني فقد حدثها احمد عن مكالمتي وانه لم يستطع القدوم اليه اخبرتها ان زين اتى اليه كانت مستغربه من تصرفات زين بعد ان قلت لها ماحدث معنا بالتفصيل فأنا لا اخفي عنها شيء .. )
يسر _ شهد ..عمري لتخلين ابالج شيء ماشي لتنسين انتي سادس وراج امتحانات يعني عوفي كلشي حاليا ماشي ..
شهد _ طبعا يسر شنو تحجين اصلا وين راح تفكيرج ههههه هو مثل اخويه متشوفي اكبر مني ب 10سنوات وتعرفين اني اهم شيء عندي دراسه (كذبت على يسر وربما على نفسي ايضا فأنا لدي احساس لاول مرة اشعر به ياترى هل هو عذا الحب لا ادري ماهو )..
صباحا كان يوم جمعة ..كالعادة استيقظت في الساعه 5صباحا فتحت ستائر غرفتي وخرجت الى الشرفه استنشقت هواء الصباح وقد اعدت شعري الى الوراء عدت الى الداخل صنعت لي كوب من القهوة واخذت كتبي وفوني وجلست في الحديقه على الارجوحه وبدات ادرس مللت ففتحت فوني على انغام فيروز ادندن ..انا لحبيبي وحبيبي الي ..ياعصفورة بيضا لا بقا تسئلي ..انا لحبيبي وحبيبي الي ... اهتز جهازي معلنه وصول رسالة .. )هذا منو دزلي رساله من الصبح .. خير .. زين ..
زين _ صباح الورد والعسل ..اكيد كاعده من الصبح علمود دراستج ..حبيت اكون اول من يكلج صباح الخير كل التوفيق الج ..وصيري شطورة ..
شهد _(ابتسمت رغما عني فرحت كثيرا بلرساله كأني اول مرة احصل على واحده بعثت اليه) صباح الخير ..اي كاعدة ..تسلم على المسج وان شاء الله اصير شطورة اكيد ..
كان يومي رائعا هل تأثير رساله بكلمات قليله تؤثر علينا هكذا ربما لانها كلمات من شخاص قد نعجب بهم او ربما نحبهم ولا نود الاعتراف ..
يسر _ اليو شبيج شهد اشو فرحانه وبس تدندنين ..
شهد _ هااا ..لا ماكوا شيء لان عطله ..
مرة شهر اخر وبقي اسبوعين على امتحاناتي وكل يوم زين يرسل اليه رسائل صباحا ومساء حتى انه كان لا يفارق منزلنا في كل يوم كانت له حجج ليأتي لبيتنا او نحن نذهب اليهم ..كان لا يتصل لانه يعلم اني لا ادرس فلا يريد ان يؤخرني على دراستي.. احببته خلال هذه الفترة نعم بل ذبت في حبه في كل شيء فيه صوته ..طوله ..شعره وادق التفاصيل فيه ..اما شخصيته فهي عشقي كنت عندما اتكلم معه اضحك لا اراديا لكني كنت اقنع نفسي بأنه مجرد شعور صداقه شعور اهتمام من شخص يكبرني فقط لا غير كذبت على نفسي ربما .. ) ..
زين _ الو .. شلونج شهود ..
شهد _ هلو زين ..الحمد الله ..
زين _ شبيج صوتج تعبان ..
شهد _ لتذكرني نفسيتي مدمرة مااصدك بقى بس اسبوعين على الامتحانات خايفه بشكل ..
زين _انتي شطورة ودرستي وتعبتي ان شاء الله تعبج ميروح ولتنسين انو انتي عندج اني ههه يعني اكيد ارجعلج المواد قبل الامتحان فلتخافين اني وياج ..
شهد _ ههه شقد واثق من نفسك منو كلك راح ابقي الفون يمي بابامتحانات اصلا يجوز بس اليوم وراح انطي فوني لماما اريد ادرس بدون ازعاج ..
زين _ شنو هاي مااقبل شنو تنطين فونج شلون اسمع صوتج من الصبح لعد ماكو هيجي حجي وعد ماراح ازعجج بس بقي الفون يمج ..
شهد _ لا ميصير اصلا حتى ترتاح مني ههه مو عندك شغل شوكت تروح لسيلمانيه ..
زين _ الاسبوع الجاي اروح يمكن ابقى شهر هناك ..
شهد _ اي عيني بالعافيه ناس تدرس وناس تتونس..
زين _ اصلا ونستي من اسمع صوتج ..
شهد _ متداركتا الموقف ..زين اني اروح اكمل دراسه باي..
زين _ شهد قبل لتروحين عندي كلمه ضروري ..
شهد _ كول بسرعه لان اريد اروح ادرس ..
زين _ شهد ..اني ..احبج واموت عليج هم انتي صرتي حياتي من اليوم الي شفتج بيه اتذكر من جنتي طفله وشلون جنت متعلق بيج ... احبج شهد
شهد _( مصدومه من كلامه لا فقد احسست به بنظراته حتى بتصرفاته كانت تدل على هذا ولكن لما الان انا لا استطيع) ... صمت ..فقط لا اعرف الاجابه ماذا اقول هل اقول احبك انا ايضا لا ليس الان ..
زين _ شهد دتسمعيني وين رحتي ..
شهد _ اي اسمعك ..زين انته تعرف جوابي مااكدر لان دراستي اهم عندي من كلشي مااوعدك بشي لحد مااخلص عود ابدا افكر بالموضوع ..
زين _ شهد على راحتج انتي هسه راح تبدي امتحاناتج امتحني وخلصي وعود فكري ادري انتي اهتمامج كله بالدراسه بس انطي مجال لقلبج خلي يحبني ..
شهد _ ماادري زين مااكدر يلا اني اروح باي ...
زين_(اعترف لها ..اعترفت بحبي لها لقد ارهقني كتماني للامر احببتها منذ ان كانت طفله بشعرها الحريري الاسود وعيناهل الكبيرتان لقد كبرت فأصبحت تظاهي البدر جمالا تفكيرها وعقلها يعجبني فرغم ما فيها من جمال هي تترك كل شيء من اجل دراستها من اجل ان تحقق احالمها فتاة طموحه ..اري.ها ان تكون ام الاطفالي طموحها اريد ان اورثه لعائلتي .. رحلت الان ..ولم ترد لي جواب مرة يومين وانا اتصل بها كان جهازعا مغلق ربما نفذت مافي بالها واعطته لامها .. عنيدة هذه الفتاة واحب عنادها .. لان ماذا .. رحلت انا ايضا الى السليمانية من اجل ان اتابع سير عمل الشركه ..كنت اتصل بها مرار وتكرار مغلق في كل مرة كان املي يقل مع اتصالي فهي لم تعطني ولا تلميح واحد بحبها لي اعلم ان امتحاناتها بدأت اتمنى لها التوفيق اتمنى لها ان تحقق ماتطمح اليه .. وسأظل بأنتظارها ..
.....