Sa mundong puno ng kasamaan
Sa mundong puno ng karahasan
Sa mundong ating ginagalawan
May tunay bang katarungan
Ano nga ba ang katarungan?
Ito nga ba'y para sa pangkalahatan
O para lamang sa mayayaman
Ibig kong malaman,ibig kong matuklasan
Lahat tayo ay mayroong karapatan
Ngunit kinuha ng mga may kapangyarihan
Hindi kuntento sa anong mayroon sila
Kinailangan pa nilang magnakaw sa iba
Tao!Tao! Bakit ka ganyan
Ikaw ay sakim at gahaman
Hindi ka ba nahihiya
Sa iyong mga ginagawa
Ikaw ba tao
Naawa sa kapwa mo?
Lahat na ay kinuha mo
Pati dignidad nya at pagkatao
At ikaw!Oo ikaw!
Ikaw na isa pang mukha ng tao
Duwag, takot at ayaw lumaban
At pilit nagtatago sa karimlan
Paano mo makakamtan
Ang sinasabi mong katarungan
Kung ika'y duwag naman
At nagbubulag-bulagan
Ika'y walang mapapala
Kung lagi kang takot sa kanila
Kumilos ka't magbago
Upang katarungan ay makamtan mo
