اني ديمة عمري 15 سنة اليوم رح اروح اشتغل ويه ابويه بالمحل لئن ما عندي اخوان بس اني واختي لميس اني دائما كنت ويه بابا بالشغل بس رحت للمدرسة وبعد فتره بابا كال اعيف المدرسة بسبب الشغل وبابه جبير بالعمر ما يكدر يشتغل وحده قررت اروح ويا للشغل شويه وارجع لئن ما يكدر وحده
الام
طبعا اني ما اوافق بنتي تشتغل ويا ابوها بالمحل خصوصا هيه جبيره مو عمر شغل او ويا ابوها لا بس شسوي ابوها صدع راسي الا تروح وياه وقبلت شسوي لعد ............
لميس
طبعا من سمعت هيج كلش زعلت اول شي اختي جبيره مو مال تشتغل بالمحل وخصوصا الشباب واني اخاف عليها من سوالف الشباب هيه كلبها طيب بسرعة تصدق الشخص وتثق بي ما ادري شكول بس بابا عنيد .....
ديمة
صح اني قررت اروح للشغل بس خايفه كلش من الناس و شنو رح يكولون عليه بس العالم تدري احنه مو صاحبين املاك وفلوس ع كد الحال بس ......
الاب
اني اخذت بنتي بس علمود سالفة ثانية مو محل بصراحة اني محلي سديتة من فتره لئن ضربت سيارة شاب غني بالطريق وهددني ان يخليني بالسجن بس بعدين بنتي ذيج المره طلعت وكان هوه واكف يم الباب وشاف بنتي وكالي يريد يزوجها و يرجع المحل ويطيني فلوس وقررت ازوجها بس محد يدري بهاي السالفة بس عائلة الشاب واني وبنتي هيه ديمة !!!!!
في الصباح الباكر وعلى صوت العصافير كعدت ديمة من النوم تقريبا الساعة 6 صباحا و من كعدت راحت بسرعة الى البلكونة وكانت البلكونة صغيره وتطل على الشارع وكان الشاب واقف
ديمة : هذا شجابه اربع وعشرين ساعة واكف اهنا ويباوع على البلكونة شنو يريد ما فهمت
كعدت من النوم لميس )
لميس : شكو شبيج صرعتيني منو شكو
ديمة : ولج هذا شوفي الي واكف
لميس : منو
ديمة : هذا الي عيونه سود وشعره مسوي موديل ولابس بدي ازرق وبنطرون
لميس : هاااا كولي هذا الحلو هههه
ديمة : كبر مو وكتج هذا كل يوم اكعد الصبح اشوفه يم البلكونة كل يوم حتى حفضت شكله
لميس : يمه الحب يمه
ديمة : كافي خرابيط اكلج كل يوم اهنا واني ذاك اليوم من وره ما فتحت الشباك ولا طلعت
لميس : شنو يعني قصدج شنو زين تعاي امشي اكله لبويه تعاي
ديمة : مو خاف ابويه ما يصدك ويذبها براسي
لميس : انتي شعليج تعاي واني رح احجي امي كاعده تسوي ريوك
ديمة : ياله امشي
وفي الصالة )
لميس : وهيه تركض ) بابا بابا بابا
الاب : شكو شكو
لميس : بابا هذا واحد كل يوم يم بلكونة ديومة ودائما اهنا بابا اطلع رزلة خلي يروح
الاب : هااا الولد اي اي هسه اطلع
لميس : بأستغراب ) شو ما صار عصبي كأنو عادي شبي بابا اليوم
ديمة : ما اعرف بس اكو شي مو
لميس : اي اكو
الام : وهيه شايلة صينية الريوك ) ياله تعالو صار الريوك
ديمة : اي ماما اني جوعانة كلش
لميس : حتى اني ياله بسم الله الرحمن الرحيم
الام : بنتي من جنت بالمطبخ سمعت حديثكم منو هذا
ديمة : والله ما شايفته ولا اعرفه
لميس : ماما هذا فارس احلام ديمة ههههههههه
ديمة : انتي اسكتي كافي اجه بابا
الاب : هاا صار الريوك والله جوعان وتعبان
ديمة : بابا حجيت وياه
لميس : ثوله تقصد رزلتة
الاب : لا هذا بس كان جاي ع جامعته من اهنا تعب وكف يم شباك ديمة
لميس : اي مو اكو كراسي هوه جان واكف جكد جذاب
ديمة : خل يولي ياله اني شبعت الحمد لله اروح اكمل شغل البيت
الام : لالا بنتي روحي انتي ولميس اشترو شوية غراض اكسسوارت لئن باجر عيد لميس وانتي تعرفين بعد المن اجيبين هداية
لميس : اي اي ادري ياله الحمد لله ديوم تعاي خلي نبدل ونروح
ديمة : ياله امشي للسوك مو
لميس : اي هوه شويه ونوصل قريب ياله تعاي وكافي لغوه
*********************
انتهى البارت ان شاء الله عجبتكم البداية طبعا الرواية بلهجة عراقية )
أنت تقرأ
زواج مبكر
Aléatoireالرواية تتكلم عن فتاة تتزوج بعمر 5 عشر بسبب اهلها لئن عائلتها مو غنية عائلة فقيره وتتزوج من شاب عمره 20 سنة ورح تصير مشاكل كثيرا عندما تتزوج وتتعرض للغصب على اشياء ما تقدر سويها اذا تردون تعرفون شنو رح يصير بحياة ديمة الصغيره ذات عمر 5 عشر تابعو ا...
