زواج مبكر

الفصل 4

وفي الصالة )

ام الشاب: اي وينها الخاتون بتكم
اب الشاب : ما تكدرين اضمين لسانج شوية
الشاب : يمه هسه اجي لحظة
ام الشاب : شكو اكو شي كاعد يصير بالبيت شبي كلسع رايح
اب الشاب : يجوز عنده شغله
ام الشاب : والله اكو شي بالموضوع
اب الشاب : يبوو ما تكعدين شوية حتى نفتهم شكو

وعند باب غرفة ديمة :

بسام : افتحي ديمة والله ما اكدر اشوفج تبجين ديمة فتحي
ديمة : وهيه تبجي ) ما افتح ليش تريد تزوجني ماكو بنات بالعالم بس اني
بسام : لئن احبج وماريد احد يخاذج غيري
ديمة : وهيه تبجي وتصيح ) بس اني اكرهك اكرهك اكرهك
بسام : ادري
ديمة : وهيه تبجي ) لعد عيفني وخلصني
بسام : بس اعرف هيج تحجين لئن بعدج مشفتيني
ديمة : وهيه تبجي ) يعني اذا اشوفك احبك انته مخبل كافي عيفني بحالي دخيل الله
بسام : بس اريد احجي وياج بموضوع افتحي الباب والموضوع يخص ابوج
ديمة : وهيه تبجي ) شنو يخص بابا
بسام : اي افتحي
ديمة : وهيه تبجي ) وفتحت الباب ) شنو الموضوع هذا
بسام : شوفي تنزلين احسلج اني احبج وثاني شي اذا ما نزلتي رح اخلي ابوج بالسجون ملطلط مفهوم
ديمة : وهيه تبجي ) الله يخليك لا تسويله شي الله يخليك
بسام : الموضوع بأيدج تردين تضحين بسعادتج علمود ابوج اي اعيفه بس اوعدج رح تكونين اسعد انسانة ويايه
ديمة : وهيه تبجي ) ماشي مستعده اضحي بسعادتي علمود بابا هسه اجي
بسام : وهوه يريد يمسح دموع ديمة ) لا تبجين
ديمة: وخر عني وخر احسلك ( بعصبية)
بسام : فديت العصبي
ديمة : ياله روح روح هسه انزل (بعصبية)
بسام : اي رايح بس انتي تجننين
ديمة : داكول روح ( بعصبية ) ( وسدت الباب بوجه بسام بقوه)
بسام : رايح ماشي انتي تسوين هيج لئن عصبية مو اكثر

بسام وهوه ينزل من الدرج اجت لميس )

لميس : انته اوكف
بسام : شتردين انتي
لميس : لك شنو جنت تسوي بغرفة اختي هااا
بسام : امشي ولي اريد اروح
لميس : وهيه تكمشه من ياخته ) شوف لك هاي الحركات مو هسه خوش انته بعدك ممزوجها يعني ما اريد اشوف هاي الخلقة بغرفة اختي ياله ادعبل منا
بسام : ههههههههههه دوخري لا هسه الطشج بالحايط
لميس : هههه بتقليد الطشج بالحايط ) ههه عبالك خايفه منك هاااا ياله ادعبل ماماتي خوش
بسام : عدلي الفاضج وربج لو ما اخت حبيبتي جان كتلتج من اول مره اتجاوزتي عليه
الاب : بصوت عالي ) بسام ياله تعال
بسام : بصوت عالي ) جاي عمي ) شوفي هسه ابوج نقذج ثاني مره صدك اجاوز عليج واخليج تبجين
لميس : بصوت عالي ) امشي ولي احسلك ياله لك ما ناقصني مخابيل
الام : بصوت عالي ) بنيتي هاي عليمن منو جاي تحجين عليه
لميس : لا ماما هذا حمودي ابن جيارنه ذب الطوبة وكمت اصيح عليه
الام : بصوت عالي ) ياله نزلي وكليله لا يذب الطوبة مره ثانية
لميس : وهيه تباوع على بسام ) ملطلط لا تسوي شي مره ثانية خوش بصوت عالي ) ماما رزلتة هسه جايه ههههه
بسام : اني اعلمج اوكفيلي