كانت صدمة عمرها عندما علمت ان عمر يريد قتل صديقه و هي تحبه فقررت ان تنتقم منه و تجلب حق صديقتها و زوجها و ان تنساه..
اتجهت لقسم الشرطة و بدأت الخطة.
دخلت للرائد خالد و هو من اذكي الضباط
و حكت له علي كل شيء و هو كان يلتقط المعلومة بذكاء
اسماء: المطلوب ايه بقي؟
خالد: بصي يا ستي المطلوب انك تروحي الجامعة عادي جداً و لما تشوفي عمر هو و كريم مع بعض ده تسلمي عليه عادي برضه و حولي توزعيه عشان تخدي رقم كريم و...
قاطعته: نعم؟ اروح اسلم عليه و اطلب رقم كريم؟ ازاي حضرتك يعني!
خالد بابتسامة: كل ده عشان خاطر صحبتك و بعدين انتِ هتخدي رقمه بس مش هتتصلي انتِ هتديهولنا و احنا هنجيبه بتريقتنا و نخليه يسجل مع عمر و نقبض عليهم،فهمتي؟
اسماء: اه فهمت حضرتك،طب انا هستأذن انا و لما اعمل كل ده هاجي ،السلام عليكم
خالد بابتسامة: وعليكم السلام
اليوم التالي
ذهبت اسماء للجامعة و حكت لمي علي كلام الرائد و عندما لاحظت عمر و كريم ذهبت و اوقعت كتبها عن قصد فذهب و التقطهم و قال: ازيك؟
اسماء بابتسامة مصطنعة: الحمد لله
عمر: كنت عايزك في موضوع مهم
اسماء: اتفضل
عمر: طب اتفضلي هنا و انا هجيب حاجة نشربها و جي و كريم مش غريب
اسماء: اوك، في سرها: الحمد لله جت منه
كريم: ازيك؟
اسماء: كويسة
و اخذ يتكلم معها عن الجامعة فجاءت لها فكرة
اسماء: ممكن رقم حضرتك علشان لو مفهمتش مسئلة في المادة دي
كريم بمكر: اه طبعاً اتفضلي
و اخذت رقمه بانتصار و بعدها اتي عمر و معه المشروبات و قال لها عن موضوع الزواج
فقالت له : سبني افكر و ارد عليك
عمر بابتسامة: ماشي
و بعدها استأذنت منهم و ذهبت لقسم الشرطة و دخلت للرائد
اسماء: ده الرقم
خالد: تمام اوي كده احنا بقي هنروح نقبض عليه في بيته من غير ما حد يحس و كويس انك جبتيلي الفيديو
اسماء بابتسامة : ماشي بس انا هعمل ايه تاني؟
خالد: زي ما قولتلك المطلوب دلوقتي من كريم انتِ دورك خلص كده
اسماء بحزن لا تعلم سببه: يعني مش هاجي تاني
بعدما تداركت ما قالته: اا اقصد مش هتحتاجوا مساعدة
خالد و هو يحاول كتم ضحكته: لا يا ستي خلاص كده
اسماء: طيب استأذن انا بقي
خالد بابتسامة : سلام
خرجت من قسم الشرطة و هي غاضبة من نفسها كيف لها ان تقول له هذا الكلام؟ قد يفهمها بشكلٍ خاطيء
اسماء في سرها: ما يفهم زي ما يفهم انا شاغلة دماغي ليه ايه ده
ثم استغفرت كثيراً فهدأت
اليوم التالي
ذهب الرائد خالد هو و العساكر الي منزل كريم بعدما عرف عنوانه من رقمه و لكن بهدوء حتي لا يشك احد بهم و دخلوا و كمموا فمه حتي لا يفعل صوتاً
و ذهبوا به الي القسم و في مكتب خالد..
خالد: تفتكر جايبيناك ليه؟
كريم ببرود: و انا اعرف منين
خالد ببرود مماثل: المفروض انك متوتر مش بارد كده ، ثم اقترب منه و قال: و لا ايه؟
كريم بتوتر صنعه خالد: في ايه يا حضرة الضابط؟
خالد بنتصار: قولي علي كل حاجة من الاول كده و بلاش استهبال احنا عندنا هنا واجب ضيافة يعجك لو عايز ، ثم ارتفع صوته: و انت فاهمني
كريم بارتعاب: ححاضر ههقول
حكي له علي كل شيء مثل الفئران و ابتسم خالد بانتصار ثم قال له عن ما يجب ان يفعله
و قال كريم: امرك يا فندم
كريم في سره: دنا لو خيروني لو اشتغل في المخدرات او انضرب علي ايدك اشتغل ارحملي
كان الرائد لا يثق به لكن الضباط سيلاحقون به و جاء هذا اليوم...
تقابل عمر و كريم في كافيه و كان كريم يسجل له
كريم بندم مصطنع: عمر انا حاسس بالذنب و عايز اتوب
عمر باستهزاء: ياراجل
كريم: حرام و الله انت ليه خلتني اقتل حسام
عمر بحقد: عشان خد مني اللي انا عاوزه انا صحيح بحب اسماء لكن ايلين احلي منها فقررت اقتله عشان اتجوز ايلين لكن للأسف لسة ممتش
كريم: و لو كان مات تفتكر كانت هتوافق؟
عمر: كنت اعمل اي حاجة حتي لو خطفتها و اتجوزتها
كريم: و بالنسبة لميرنا؟
عمر: كان لازم نخلص منها كانت مسكالي شريط فيديو و كان يدخلني السجن ٣ سنين علي الاقل
مشوفتش في غبائها الصراحة
خالد: و انا عمري ما شوفت في غبائك
جاء هذا الصوت من خلفه و علم بما يحدث و قال لكريم: اه يا كلب
و ضرب خالد و لكنه لم يستمر في هذا فكان جسده بالنسبة لخالد مثل الفئران
قبضوا عليهم و دخلوا السجن لمدة ٧ سنوات...
ايلين: انا مش مصدقة اخيراً جبت حق حسام يااه يارب يفوق بقي ياارب
اسماء بابتسامة: ان شاء الله هيفوق و هتحضري خطوبتي انا و خالد و مي و زياد مع بعض
ايلين: بتهزري؟ مبروووك يا بنات
مي: لا زي ما بتقولك كده البت وقعته و هي وقعت و لا حدش سمي عليها
اسماء: بس يا بت،انا اكتشفت اني مكنتش بحب عمر كان مجرد وهم
ايلين بغمز: يا سيدي
مي بابتسامة: خلاص يا جدعان تعالوا ناكل
ايلين: ماشي بعديها نعدي علي حسام
اسماء: اوك
في المستشفي
ذهبوا لزيارة حسام و قابلت سهير و محمد و دخلت لحسام لتطمئن عليه
اسماء: قوم بقي يا حسام..وحشتني اوي..انا خلاص جبتلك حقك و رميناهم في السجن..يارب تقوم بقي و اشوف ضحكتك الحلوة و عيونك اللي بتسحرني..مش عيزاك تزعل عشان عمر و اللي عمله..هو يستاهل و اكتر..و الحمد لله اترمي هو و كريم في السجن ..يلا يا حبيبي عايزة اسمع منك كلمة ايلي يا حبيبتي
كانت تقول هذا الكلام و هي تبكي بصمت و تنظر لوجهه
و فجأه....
