أبشرك عديت حزنك على خير
لو كان يطري لي لـ حبك طواري
-
لا تلّني الهاجوس في حزة عصير
ذكرت ربي ثم رجعت لـ مساري
-
تدري وش اللي ماتمنيته يصير
أني أعتذرت .. ولا قبلت أعتذاري
-
كان الخطا ماهو بحاجه لـ تبرير
ومكابرك ماكان عالبال طاري
-
كنيتها بصدري : لا يلمحني الغير
خايف من العذال تجرح وقاري
-
لني كبير وعارفٍ قدري إكبير
جحدت جرحي .. والالم .. وأنكساري
-
وأيقنت بإني عايشٍ في زمن غير
يحتاج له أنسان بايع وشاري
-
هذي حصيلة طيبتي .. والمقادير
فيها عرفت أن الخطأ بأختياري -
-
وأن الجفا أحيان مثل التباشير
لاصار من تغليه .. لـ لبعد ضاري
-
لكن لك الله لو تطول المشاوير
حرام مارجع لك وهذا قراري ! -
-
-
