ㅤㅤ ㅤㅤ
ㅤㅤفلان
في تالي الايام صاير سلام الله له اسباب
لكن سلام الله من اللي سلامه من صميمه
.
يا إبراهيم الاوراق لو تنقلب في داخل كْتاب
كان النوايا عقب ما تنقلب .. ماهي سليمه
ㅤㅤ
ㅤㅤ ㅤㅤ
ㅤㅤ ㅤㅤ ابرهيم
كبّ السبب وارحب ترى السالفه ما غير ترحاب
من فم من يبذل على مرحبا .. شيمه وقيمه
.
الناس تال الوقت لبست لها ثيابٍ على ثياب ،
وواضح ملابسها الجديده على عكس القديمه !
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤفلان
رجلٍ تذّرى من ورى الباب مايفتح لك الباب
الايام دواره ... وعادت لعادتها : ( حليمه ) !
.
الوقت .... ماله عند من جرّب الايام عرّاب
يقوله اللي ما لقى عند صاحبْه : الغنيمه !
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤإبراهيم
والله ما افتح باب نصّاب وادخل بيت نصّاب ،
وعزيمة النصّاب عنها تعذرّت بـ عزيمه !
.
على مواكر اشقر الريش توجد ريشة غراب ،
ما اذم غير الذم لايق على وجيهٍ ذميمه
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤفلان
ما اظن للخانع لو تطيب فيه اصحاب واحباب
راسه معٓ هذا وهذا ... مثل راس : البهيمه
.
هقيت باللي ما يجيب الغنايم كل ما غاب
الهقوه اللي من صفى نيّتي مثل الجريمه
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤإبراهيم
نشرهه على عرهان والزير وابن غانم ذياب ،
ما نلحق المشروه .. راس اليتيم اخو اليتيمه !
.
بعض الهقاوي شَجرةٍ في طرفها عقرب وداب ،
وانا رجل يغنيه عن ظل شَجرَة .. ظل غيمه .. ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤفلان
مسيّلمه الكذّاب لو كثّر الحلفان كذّاب
نفسه خبيثة لو تستّر ورى النفس الكريمه
.
اللي ربا في مدهل الطيب يا إبراهيم ولا طاب
عواقب فعوله بتال الزمن شفها وخيمه
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤ
حرار من فوق الحباري وفوق الجيفه ذبْاب ،
علّمني طبوع البنادم واعلّمك بـ نديمه .
رجلٍ مواقفيه على العز لـ ابنا عم واجناب ،
ورجلٍ ما ياقف غير في لازم ابناه وحريمه
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤفلان
حطيت خلاّن الرخا فوق ضرس ومن تحت ناب
واعتضت بـ اصْوَك راس وابلج ومطنوخ وصتيمه
.
اللي اعتبرته ضمن الاصحاب ماهو ضمن الاصحاب
مدري الرفاقه ظلم ؟ ولا اعتباري له ظليمه
منقوله
ㅤㅤ
ㅤㅤ ㅤㅤ
ㅤㅤ ㅤㅤ
ㅤㅤ
