في بيت خالة نجمة( ام علي )
ام علي :- اكولك ابو علاوي شنو رأيك نعزم نجمة وامها
ابو علي :- اي خوش فكرة ...عزميهم وكوليلي شتحتاجين واني اجيبلج
ام علي :- ماشي بس بالبداية خل اكول ل علي واماني
ابو علي :- ماشي اني رح اطلع لمن تحتاجين شي خابريني
ام علي :- وين رح تروح ؟؟؟
ابو علي :- يم بيت اختي اشوفها واجي
ام علي :- ماشي سلملي عليها
ابو علي :- يوصل ...يلا رح اروح ابدل
ام علي :- ماشي
اماني
صعدت الي امي تگعدني
ام علي :- يمة اماني گومي گعدي اريد احجي وياج
اماني :- ها يمة شتردين احجي واني نايمة حبابة والله نعسانة
ام علي :- انجبي .....لج گومي رح اعزم بيت خالتج ام نجمة ..رتبي غرفتج يجوز اخليهم يباتون
اماني :-اهووووووو هم هاي النغصة
ام علي :- انجبي هاي بت خالتج ..يلا گومي اني رح اروح اگول لاخوج
اماني :- ماشي 😒😒
في غرفة علي
ام علي :- ابني گوم اگعد اليوم رح يجونة خطار
علي :- ها يمة ..منو الخطار !!! لخاطر لله مو تدرين بيه اضوج من هل السوالف
ام علي :- بيت خالتك ام نجمة ...
علي :- اوك يمة هسه گايم
ام علي :- عفية ابني رح انزل اني
علي :- ماشي
علي
ييي همزين رح تجي نجمة مبين عليها حبابة ومؤدبة ...رحت غسلت وبدلت ونزلت لامي بالمطبخ وياها اماني
علي :- صباح الخيــــــر
ام علي :- صباح النور
اماني :- لا هله ولا مرحبه
علي :- محجيت وياج قزمة
اماني :- قزمة ...قزمة شنو وين شفتني قزمة
علي :- سكتي سنفورة لا تصير مو خوش
اماني :- اهوووو هيه عايزتك
علي :- انجبي ...يمة خابرتيهم
ام علي :- لا بعدني ..اماني روحي جيبيلي التلفون
اماني :- هففففف حاضر
ام علي :-كافي تتأففين من صباحيات رب العالمين
اماني
رحت جبت التلفون لامي وامي خابرت خالتي
حوار بين ام نجمة وام علي
ام علي :- السلام عليكم ...شلونج ام نجمة نجمة شلونها
ام نجمة:- وعليكم السلام ...هلا الحمدلله زينين انتوا شلونكم
ام علي :- الحمدلله ...عدكم التزامات اليوم ؟؟؟
ام نجمة :- لا ماعندنه ليش ؟؟
ام علي :- ولله عازميكم يمنة اليوم وباچر يعني تباتون
ام نجمة :- تسلمين عيني ام علاوي بس ليش هل الزحمة تعالوا انتوا يمنة
ام علي :- على غير مرة نجي احنه ..هل المرة تعالوا انتوا
ام نجمة :- ماشي انشالله نجي
ام علي :- انشالله ..يلا اني اروح اشوفج بخير
ام نجمة :- الله وياج سلميلي ع الولد
ام علي :- يوصل ...مع السلامة
نجمة :- جنت دا امكيج نفسي واسمع اغاني واركص وسمعت امي تصيحني ف طلعت من غرفتي وجاوبتها
امي :- نجمة بنتي طلعي من غرفتج اريد احجي وياج
نجمة :- ايي ماما طلعت ..ها يمة
ام نجمة :- نجمة بنتي هسه عزمتنه خالتج وكالت حضروا نفسكم ع بيتوته
نجمة :- هاااا ....لا حبابة ماما ولله مابيه حيل
ام نجمة :- شسوي ولله ستحيت اكولها منكدر
نجمة :- هفففف حاضر
ام نجمة :- بنيتي لا تضوجين ...عود هناك تصرفي ع طبيعتج
نجمة :- ماشي ماما امري ل الله
ام نجمة :- ايي ماشي
نجمة
تفاجئت لمن كالتلي امي نروح لبيت خالتج ونبات هناك وضجت بس شسوي مابيدي غير حل ....حضرت جنطتي خليت بيها مكياجي وبجامة ورحت غسلت ونشفت شعري ولبست ...تشيرت بنفسجي وجينز اسود وترانشوز بنفسجي واسود وسويت شعري دونة مخربطة وخليت ايلاينر وماسكار .... خابرت شام وكلتلها رح اروح لبيت خالتي ونزلت لامي
ام نجمة :- خلصتي ؟؟
نجمة :- يي يمة خلصت
نجمة
قفلنة باب البيت واخذنة تكسي ورحنه لبيت خالتي
هلو شنو رايكم بالبارت ...
شراح يصير ب بيت خالتها
ومحمد رح يعترفلها لو لا
انتظروني 💋💋💋💋💋💋
