نجمة:- علي شخصك انت !!
علي :- اتوقع انتي بنت خالتي .. 😒 كولي منو !
نجمة :- هذا اخو صديقتي ... ارتاحيت ؟
علي :- هلا هلا وفوكاها تكولين كدامي
نجمة :- اي اكول لان ممسوية شي غلط اني
علي :- كل هذا ومو غلط .. بالله امج تدري !!
نجمة :- اي تدري .. ورجاءاً كافي تتدخل اصلاً اني مااعتبرك انت ابن خالتي انت واحد غريب ومحمد اعتبره اخ وصديق واكثر من هيج
علي :- هااا والله سهله نجمة هسه متعتبريني ابن خالتج ( دك تلفون نجمة)
نجمة:- علي انطيني التلفون
علي :- ايي مو هي بكيفج خل اشوف منو هذا الي تحجين وياه وخالتي مخليتج براحتج ( رد علي ع الاتصال)
محمد:- الو نجمة ؟؟
علي :- اهلاً يا محمد
محمد :- منو !! نجمة وين
علي :- اني ابن خالتها ... شتريد منها
محمد :- وين نجمة ليش ماخذ فونها منو سمحلك !!؟
علي :- موجوده نجمة وبكيفي اخذ فونها
محمد :- انطيني نجمة لتخليني اسوي مشاكل
علي :- هههه تعال سوي مشاكل
محمد :- اوك علي
علي :- اوك
نجمة :- علي انطيني الفون كافي ( اخذت الفون منه وراحت نامت يم امها )
كعدت الصبح كالت لامها خل نرجع والام كالت ماشي ورجعوا الصبح
نجمة 👇
اول مارجعت للبيت صعدت لغرفتي ونمت واني ابجي مادري شسوي ... شام ومحمد يتصلون بيه ومابيه حيل ارد وامي تسال شبيه ومابيه حيل اشرح تعبت ماجنت متوقعه حيصير هيج
شام تحجي وي محمد 👇
محمد نجمة مدا ترد لا ع الاتصال ولا ع الرسائل خل نروح الهم للبيت ضل بالي يمها
محمد:- يلا كومي بدلي خل نروح
شام :- تمام حروح ابدل ... لبست عبايه اسلاميه ونزلت لامي كتلها كالت طمنيني عليكم كتلها ماشي وصعدت بالسياره مال محمد ورحنه لبيت نجمة
امام بيت نجمة 👇
رنيت الجرس وطلعت خاله سلمنه عليها ودخلنه للبيت محمد كعد باللول ( غرفة الجلوس) واني صعدت لغرفة نجمة لكيتها نايمة كعدتها
شام :- كومي كعدي شبيج ضل بالي عليج ولج
نجمة :- هايي شنو ولج شعدج هناا
شام :- والله حضرتج متقبلين تردين ع الاتصال ولا ع الرسائل فكلت اجيج
نجمة :- فديتها للضلعه .. منو جابج ؟!
شام :- يعني منو .. اكو غيره لحمودي
نجمة :- محمد 😳( شون حباوع بوجها )
شام :- اي شبيج متفاجئة .. كومي نزلي
نجمة :- لا ماريد
شام :- لا كومي مو بكيفج
نجمة :- هفففف ما اخلص منج ... حكوم مابيه حيلج
شام :- اي عفيه يلا خل ننزل
نجمة :- يلا امشي
نزلنه جوه ودخلنه للهول ( غرفة الجلوس) لكيت محمد كاعد ف شام كالت اني اروح اشرب مي واجي وراحت
اني كعدت ع الكنبة ومحمد صاحني
محمد :- نجمة
نجمة :- هلو محمد
محمد :- نجمة اني .....
هلاووو شونكم شخباركم
والله اسفة بس صارت ضروف مخلتني اكمل القصه وهسه رجعتلكم اتمنى تعذروني واسفه جداً
ان شاء الله يعجبكم البارت هذا واوعدكم مراح اقطع بعد
احبكم واحب تشجيعكم الي وبس اخلص هل القصه حكتب غيرها
اي انتقادات
اراء
اقتراحات
ايجابيات
سلبيات
انتظرونيي ع البارت القادم ❤️💋
احبكم 😍😍
