Ang Naiwang Nota sa Aking Musika
Hayaan mong ikuwento ko
ang musikang tumatak sa aking isip at puso
Bawat pagbigkas at tinig, ay boses na napakalamig
Kay sarap pakinggan, hindi ko alam kung paano tigilan
Sa umpisa ng musika ay napakasaya
Hindi ko alam na lungkot, ay darating pala
Ni hindi ako handa kaya isang nota ay sumala
Lingid sa kaalaman na ang notang iyon ay ikaw pala
Tanggapin, tigilan, tantanan
Bakit tila ito yata ang notang ayaw kong pakinggan?
Siguro'y dahil sa bawat pagtipa ng gitara ko
Hindi na sumasabay ang boses mo
Alam kong mayroon nang bago sa musika mo
Bagong sinasabayan ng ikaw at ako
Ang aking pagkapit, ay pagpuno ko ng sakit
At itong bawat sakit ay gusto kong sumalangit.
Kaya sa ayaw ko man o gusto
Kailangan kong bawasan
ang nota sa musika ko
Hindi ko pinili, nagbabakasakali. Pero hindi. . .
Sa musikang ito, wala na akong kasabay
Mag-isang tumutugtog, ngunit musika'y may buhay
Masasabi kong hindi ko man nakuha ang tamang tono
masaya akong dumating ka sa musika ko.
BINABASA MO ANG
Ang Naiwang Nota sa Aking Musika
PoëzieThis poem is about one person who is willing to give up all the hope he/ she have just to be free from pain. Just to free himself/ herself from the pain caused by love.
