غرام وانتقام

الحلقه الثانيه

عندما سقطت "غرام" مغشيا عليها فزع كلا من زياد وعمر وهبوا لمساعدتها واجلسوها على كرسى وتكلم زياد.

زياد
غرام غرام ردى عليا انا زياد..

غرام
-----------------------------------------

زياد
غرام حبيبتى..

وهنا تدخل عمر..

عمر
اوعى يا زياد لوسمحت.

زياد
حاضر .. (وتنحى جانبا) ..

عمر
انسة غرام , غرام..
وهنا اخذ يضربها على وجهها ضربات خفيفة حتى افاقت..

عمر
غرام سمعانى؟؟

غرام
------------

زياد
ردى يا غرام ..

غرام
ايوة..

عمر
حمد لله على سلامتك...

غرام تبكى...

زياد جلس بجانبها واحتضنها وهى اخذت تبكى بكاء مرير ( خضتينى يا غرام عليكى)...

عمر
زياد دلوقتى الساعة بقت 7 الصبح لازم تروحوا تستريحوا..

زياد وغرام
مش حانمشى قبل مانشوفها..

عمر
ممكن بس مش قبل الساعة12 الضهر..

غرام
مش حاسيب امى..

عمر
وكليتك وامتحانك؟؟؟

غرام
الحمد لله امتحاناتى خلصت من 5 ايام واخدت اجازة اخر السنة...

عمر
ربنا يوفقك..

زياد
عمر لازم تروح انت مانمتش..

عمر
لا حافضل معاكم لحد ما بابا يجى لان هو اللى حيشرف على الحالة..

زياد
بس حنتعبك..

عمر
لا بس ولا حاجة وبعدين انت نسيت انى دكتور هنا واكيد حيحتجونى ..

زياد قام من مكانه واحتضن عمر معبرا عن شكره لما فعله معه..

عمر
يالا بقى تعالوا معايا فى الاوضة بتاعتى احسن من هنا واريح..

زياد
ياريت يالا يا غرام...

غرام
حاضر...

وبالفعل ذهبوا الى حجرة د/ عمر وكانت غرفة واسعة ومريحة وبها كراسى جلدية مريحة وجلس كل منهم على كرسى.

وبعد خمس دقايق استأذن عمر منهم وعاد بعد قليل..

عمر
السلام عليكم..

غرام (بصوت متعب)
وعليكم السلام..

عمر
هو زياد نام..

غرام
ايوة ياعينى حبيبى اول مالقى الكرسى فرد جسمه ونام..

عمر
وانتى مش عاوزة تنامى انا ممكن اخرج..

غرام
لا ( وبتردد) خليك هنا معانا.. ( لماذا شعرت غرام انها تحتاج اليه هذا شعور لم تستطع تفسيره فى وقتها )...

عمر
مد يده الى غرام وكان حاملا معه كوب من العصير وحبة دواء وقدمهم الى غرام..
ممكن يا غرام تاخدى القرص ده ووراه العصير ده..

غرام
مش عايزة.

عمر
غرام ده مهدئ ومقوى فى نفس الوقت عشان تقدرى تواصلى, والعصير عشان يديكى طاقة يالا ماتكسفنيش ولا اصحيلك زياد...

غرام ( بخجل تمد يدها وتاخذ كأس العصيروالدواء )
لا خليه نايم اصله شكله تعبان , وبعدين انا مقدرش اكسفك يا دكتور..

عمر ينظر لها نظرة دافئة
تسلمى يا غرام