غرام وانتقام

الحلقه الثالثه

مر على مرض والدة غرام 10 ايام وكانت حالتها كما هى لا زالت كما هى لا تتحسن.. وفى تلك الايام كانت غرام تزداد زبولا ونحولا وكان دكتور عمر يمر عليهم مرتين فى اليوم مرة عند حضوره الى المشفى لممارسة عمله والمرة التانية عند المغادرة... وفى يوم كان زياد قد ذهب الى العمل وحتى صديقتها ملك التى لم تفارقها طوال الايام الماضية ذهبت الى منزلها لكى تبدل ثيابها وتحضر اشياء لوالدة غرام.. كانت غرام جالسة فى الاستراحة شاردة الذهن تفكر بحالها وتقول فى قرارة نفسها.

( حاسة انى وحيدة بس انا معايا زياد ....... بس زياد حايجى يوم ويتجوز ويسبنى طب ماما ياترى حاتقوم وملك اكيد برضه حتننشغل فى حياتها وانا مين يحبنى مين يخاف عليا مين يهتم بيا انا نفسى احب واتحب انا نفسى حد يبقى معايا على طول ومايسبنيش طيب ما انا فى كتير من زمايلى معجبين بيا وفى منهم اللى قالى بحبك بس انا مش حاسة انهم بيحبوا بجد انا ايه اللى بفكر فى ده احب عشان يسبنى اتعذب من بعده اااااااااااااه يارب رحمتك ورضاك وعفوك علينا). عندما انتهت غرام من محادثة نفسها وجدت عمر قادما اليها وهنا حست بارتياح غريب يعتريها كلما شعرت به بجانبها..

عمر
السلام عليكم يا غرام.

غرام
وعليكم السلام.

عمر
اخبارك ايه؟؟

غرام
الحمد لله على كل حال..

عمر
يستاهل الحمد, غرام انتى اكلتى النهاردة.

غرام
------------------

عمر
حرام عليكى نفسك يا غرام..

غرام بدأت تبكى وتعبر عن مشاعرها بصراحة وكل مابها حتى انها لم تستطيع البوح بها الى ملك او زياد ولكن لا تعلم لماذا فضلت ان تخبرها ل عمر وما سبب ضعفها امامه..

غرام
انا تعبانة قوى يا عمر..

عمر سلامتك من التعب..

غرام
اغلى حاجة عندى فى الدنيا جوا مابتتحركش اااااااااااه يا امى.

عمر
بصى يا غرام ماحدش بيموت ورا حد لازم تتماسكى وتبقى قوية مش علشان حد لا علشان نفسك غرام انتى لسه صغيرة وقدامك حياة طويلة ومستقبل ولازم تهتمى بيهم وعلشان لما ماما تقوم تلاقيكى متماسكة وقوية صح ولا؟

غرام
صح.

عمر
حتنفذى كلامى؟

غرام
ان شاء الله..
وفى هذه اللحظة وقعت النظارة عن اعين غرام وهنا نظر اليها عمر مندهشا اكانت تخبئ تلك العينين تحت تلك النظارة.

عمر
غرام.

غرام
نعم

عمر
كده احلى..ابتسمت مريم بخجل..ولبست نظارتها..

عمر
يالا يا غرام هاتى حاجتك ويالا عشان اوصلك.

غرام
فين؟

عمر
البيت.

غرام
ليه.؟

عمر
زياداتصل وقالى انه فى البيت وكان حايجى ياخدك بس انا قولتله انا حاجيبك وهو اتصل على موبايلك لاقه مغلق..

غرام
اصل الشحن خلص..

عمر
طيب يالا..

وبالفعل ذهبت غرام مع عمر بعد ما حادثت زياد من هاتف عمر واستاذنت منه فاذن لها لانه كان يثق فى عمر..بالفعل ركبوا السيارة واستاذن عمر غرام لكى يشغل اغنية تسليهم اثناء الطريق ولم تعترض لانها كانت تحب الاغانى وهنا وضع عمر اغنية.. " زى الملايكة " (لعمرو دياب) رغم انها من الاغانى القديمة وضعها عمر خصيصا لتعبر عما يشعر به تجاهها كان يشعر انها غير كل النساء كان يشعر انها سوف تغير حياته وكان يشعر انها ملاك.. وعندما بدأت الاغنية نظر عمر لغرام وغرام كانت محرجة وقلبها يدق وتتسال هل يعنى كلمات الاغنية فعلا..

زى الملايكة اما تشوفها.
ورداية تحلم تقطفها.
مايتحكيش عليها.
انا لسه فاكر من يومها
ساعة ماكنت بكلمها.
ضحكتها وعنيها.
مايتحكيش عليا.

وهنا ابتسم عمر وابتسمت له غرام ابتسامة صغيرة ولكن كانت تشبه ابتسامة الملاك.. وبالفعل وصلت غرام الى المنزل ووجهت حديثها الى عمر.

غرام
شكرا تعبتك.

عمر
ماتقوليش كده ده انتى اخت الغالى.

غرام
ربنا يخليك اتفضل.

عمر
شكراا.

غرام
بجد لازم تطلع..

عمر
اسف والله بس فعلا تعبان كان عندى عمليات النهاردة وتعبت.

غرام
ربنا يعينك..

عمر
غرام

غرام
نعم.

عمر
اول ماتتطلعى تتغدى وتحاولى تنامى اتفقنا..

غرام
حاضر.

عمر
طيب يالا فى امان الله.

غرام
سوق على مهلك ( وهنا ابتسمت ابتسامة تدل على خجلها وهى نفسها لاتعلم كيف خرجت تلك العبارة من فمها ).
عمر ( رد لها الابتسامة ) وذهب بعيدا. وهى صعدت الى منزلها