مو راح اموت من العشك كل لحظة عمرين احترك
اتمنة اطووف بحظرتك مثل الحلم بس من صدك
ودوني الحيدر علي ودوني مشتاك اشوف عيوني اوصل الة خلوني
صدكوني محتاج الة صدكوني شلون اوصلة علموني من فركتة خلصوني
كالو صعب دربة شكرا كلت ها يا علي وينك يمك ردت
*****
خيط العمر جاسة الدمع وبلا ضوة مر الشمع
راح انطفي وينك علي صرت انا يعقوب انسمع
حاجيني كلمت رضا حاجيني بهل حالة لتخليني يل نظرتك تكفيني
ناسيني خل الزمن ناسيني بس عل صبر دليني من غيرك يراعيني
يا حسرت عيوني لذاك الدرب حركتني اشواكي وحر الگلب
*****
سير علة گلبي الوفة نعسان يم بابي غفة
مشتاك ويردد علي ضل يحترك حد ما طفة
ارحموني سأل علي رحموني يل رايحين اخذوني والعتبتة وصلوني
عافوني كل المشو عافوني حاير وعيش ضنوني اتمنى ما ينسوني
عاشك امير النور بس ما شفت لحظة ضوة بدنياي لا ماعشت
*****
ضايع علم باس الهوة تايه من جروحي الدوة
يل.بيدك ترد الشمس ضوكني بجفوفك ضوة
عاميني بعدك علي عاميني دم يا علي امبجيني يا عشك غافي بعيني
يلاكيني ماشوف الي يلاكيني حبك علي مخليني ماشوف الي يلاكيني
حب للأبد يا روح حب العلي كلبي الك مكتوب انت الولي
ودوني الحيدر علي ودوني مشتاك اشوف عيوني اوصل الة خلوني
صدكوني محتاج الة صدكوني شلون اوصلة علموني من فركتة خلصوني
*****
أنت تقرأ
علي الدلفي
Poetryالسلام عليكم.... هنا اكتب جميع قصائد المنشد والملحن علي الدلفي ملك الابداااع... اتمنى تعجبكم الفكرة ♡♡ وتشاركوني افكاركم او ارائكم او تحبون اكتب الكم قصيدة انتو تحبوهة او تذكروني بقصائدة البقية ♡♡♡ ❤❤
