دك الجرس لحك سجل اسمك
مدرسة الوفة عباس افهمك
انت شرايك بهاي جنطتة جربت الماي
بدة حروفهة الخاطر يعلمك
******
تعال تهجة الطفوف وقرا الشايل السيوف
خطاهة بلا جفوف راعي المرجلة
ردد وحفظ وياي درس عباس والماي
درخة شلون وفاي تحل المسئلة
اقرا وياي تاريخ سجل وفاي الوعود
تلكة بظهر الحسين اسم عباااااس موجود
******
يلة بلا عجز كوم امحي اميتك اليوم
الظالم نفسة مظلوم معروف الامر
احظر درسة لا تغيب الوفة وياك والطيب
معدل لازم اتجيل ما بيهة عذرر
شاطر لازم تصير تعرف ليش عباس
خلة جفوفة عل كاع لجل ما تعبر الناس
******
اكتب كلشي مسموح نقاطك فوك الجروح
علة سبورة الروح عبااس البطل
اسولف كولشي معذور ذهب مكتوبة السطور
حجزنة مقعد النور والردنا حصل
بالله شلون ننسى نحط شنهي بمكانة
اسد ميت عرفنى ما عشنة بزمانة
******
مواقف كد الايام ما صارت بل احلام
شلون بحبة انلام وانا منطي عهد
عمرة الغيرة عباس شهم من جدمة للراس
اترف من الاحساس واحلة من الشهد
من هوة الگمر سما الگمر لحظات ويغيب
ابد مثلة هيهات السما ما تكدر اتجيب
******
أنت تقرأ
علي الدلفي
Poesiaالسلام عليكم.... هنا اكتب جميع قصائد المنشد والملحن علي الدلفي ملك الابداااع... اتمنى تعجبكم الفكرة ♡♡ وتشاركوني افكاركم او ارائكم او تحبون اكتب الكم قصيدة انتو تحبوهة او تذكروني بقصائدة البقية ♡♡♡ ❤❤
