علي الدلفي

ما يعـبرون

علة ضهرك اشدن شيلتي انطاق        الوطن ذمة بركبتك يمة مرهون
وبل شيلة علگ من داحـي الباب        دعاء الوالـدة ودمــع اليزورون
الوطن خلة علة بالك لمـن تغيب       وحـط الذبحـوهـم والـينـزحـون
وحط يمة عـلة بالك دمـع الايتام       وشد بتفكـتك جـرح اليـنزفــون
مربيتـك واعرف واعـرف شبـيك       بركـان المـراجل بيـك مـدفـون
اذا لا سـامـح الله وعـبرو بلـيل       وهذا المايصيـر ومــا يعبـــرون
ذل الذل نشـوفة ونكره الـروح       ويهدمون المصلى  على اليصلون

ارتااحي ونامي ليلج ما يمرون         او زينب والكفلهة ما يعبرون
وحك تعب التعبتي وحك ليل السهرتي موت الموت اخليهم يشربون
                                                
                              ****** 

اذا لا سامح الله وعبرو بليـل          وهذا المـايصـير وما يعــبرون
ذل الذل نشوفة ونكره الروح         ويهدمون المصلى على اليصلون
ابنك ينـذبح وعيـونك تشــوف         وبـل جثـة بخنـاجرهـم يمـثلون
او ابوك اكبال عينك شيبة ينهان       وتنجر شـيلتي واهـلك يدنكــوك
وصيت امك ييمة عيونك شـراع        للبر وصــل اهـلك لا يغـرگـون
ماتحتاج يبــني بـس اوصـيك          لا تغفـل ييمـة وماا يعبــروون
                       فهك عينك ييمة وما يعبرون

وياي من الطفولة يعيش هل صوت العلة درب الحسين يموت ميموت
اعيوني مطلگة النوم النصر بجفوفنة يدووم
الحشد عصاة موسى وينة فرعوون                  ارتااااحي

مو دللـول الولـد لا مو دللــول        ما اريدك تنام وليـلنا ايـطول
او عدوك مو عليل ايصول ويجول      شهادة لو نصر بجفوفك اتنول
ماريدن عـذر اي عذر ما مـقـبول      شتكل للوطن للنـاس شتـكول

دللولج عتاد بنص السلاحوصيتج ما تطيح او اخذ ارواح
ابوي عگالة مهيوب عراقي وبيتة مجروح
عباتة بساط يفرش لليسيرون                  ارتااااااحي

                     *****