علي الدلفي

خجلان منك

ردتك تمر وي الفجر نسمة ضوة اباب العمر
طبع اليحب كلش صعب ماضل قلب يحمل هجر

ماعندي غيرك يل عفتني بوحشة غيابك
يا بـاب ادك بشـكوتي لو ما ادك بابـك

انا الموالي المهدوي العاااشك يسموني
يل شوفتك لمعة ضوة وتكـحل جـفوني

ليلي يمحبوبي ضلام بغيبة انوارك
اقسم عليك بهيبتك تقبلني خطارك

انا الاعرفك يا حبيبي واعرف اسرارك
تلكاني كل طلعت شمس اسأل عن اخبارك

حن على حالي مروتك اروي ضماي بشوفتك
وانا على حـر الجـمر عاشـك وتـاني جيـتك

*****
حلم انطوة غصن التوة جيتك جـرح وانت الدوة
ليلك يجي وسهر وحن كل يوم اضن نكعد سوة

انا علة كل سجة امل شاتلك عيووني
مجنون وبحبك همت يل بيك لاموني

ارجع طفل من اسمع بيجيتك يبشروني
ازحـف وصـيح للحـبيب وياكم اخـذوني

هامت يمحـبوبي حـياتي بعـالم شـواكي
معلوكة شمعة بكل مسية بضلمت افراكة

هز الحنين الجيتك ينتضرك عراقة
يل غايب ويلهب جمر بقلوب عشاكة

نتنطرك وي كل صبح بلسم تستم عل جرح
مانكـدر اكـثر ننـتظر عجل يابو جف السمح

*****

امرك وعد وعلة العهد ما ضل صبر ينفع بعد
حكم الدهر هم وقهر وشـننتضر يل منتـضر

وين الكة يوسف هل وگت ويفسر احلامي
صارت عجاب من الحزن يل غايب ايامي

كل يوم اشوف على الرمح راس العدل دامي
نهرين يجرن لاكن حسيـن العـصر ضامـي

يا يوم اشوف بيمنتك يلهب غضب سيفك
كطارة لصحاب الضلم ما تاخذ بحيفك

مكسور خاطر جم قلب يبن الحسن ضيفك
بعيوني يلجم دمعتي كل ما يمر طيفك

كل يوم اكول هل شهر ويبـين هـلال الفـخر
خجـــلان منـك واعتذر لا ماكدرت ارسم صور

*****