القصه اسمها دينا وعلى
احسان : ايه يابنتى مش هتنامي بقا
لمار: شويا كده يا ماما مش جيلي نوم
احسان: مالك يا بنتى فيكي ايه
لمار: معلش ياماما نامي انتى..تصبحي علي خير
احسان : وانتى من اهله
لمار فتحت الاب توب بتاعها ..وبدأت تقلب في صور دينا وتفتكر ذكرياتها
دينا انسانه محظوظه اووي وللاسف محدش حس بيها الا الغريب والغريبه بجد انه حبها بالشكل ده
فلاش باااك
دينا : ماااماااا بااااباااا انا نجحت جبت 97 % لولولولولولولوي
نوال : ايه بجد لالالالا مش مصدقه احلفي
دينا : والله يا ماما جبتهم لوحدي وبمجهودي
عماد : مبروك يا احلي بنت في الدنيا ..تعيش وترفعي راسي وسط الناس يارب
دينا : ربنا يخليك يا بابا طول ما انا عايشه هرفع رأسكوا... بسومه مش عاوزه تبركيلي
بسمه واقفه علي باب الاوضه ومربعه ايديها (وبأبتسامه بارده ): ..مبروك
دينا :مالك يا بت في ايه انتى مش فرحنالي
بسمه : وانا افرحلك ليه ..هو انا اللي نجحت ولا انتى
دينا : بس انتى اختى
بسمه : مبروك يا دينا ..حلو كده
دينا : الله يبارك فيكي يا بسمه
لمار بترن علي دينا : دودو حبيبي باركيلي انا جبت 97 ونص
دينا : مبروك يا ميمي
لمار : مالك يا دينا انتى جبتى مجموع وحش ولا ايه
دينا : ابدا ده انا جبت زيك بس من غير النص ده
لمار : لولا انى عرفاكي كنت قولت انك غيرانه عشان اعلي منك
دينا : انتى عبيطه ولا ايه لا طبعا وكويس اووي هنبقي في كليه واحده
لمار : امال مالك مش فرحانه ليه ده احنا كده هندخل الكليه اللي عاوزنها ونحط رجل علي رجل
دينا : بسمه ضيعت فرحتى يا ميمي
لمار : عملتلك ايه البت دي
دنيا : كلمتنى ببرود وقالتلي مبروك وخلاص علي كده
لمار : اكيد غيرانه منك عشان انتى جايبه اعلي منها في الثانويه
دنيا : بس انا اختها المفرود تفرحلي
لمار : عادتها ولا هتشتريها هي علي طول كده مبتحبش حد احسن منها
دينا : بس هي مش في كليه وحشه دي في تجاره انجلش
لمار : سيبك منها يابت هتضيع فرحتنا ...شوفي ابوكي وتعالي نخرج نحتفل
دينا : موشي يا موزتى يارب يوفقوا بس
لمار : يوفقوا غصب عنهم ده احنا من اوائل الطلبه
دينا : ههههههههههههههههههههه عنديكي حق يا بوت..هشوف واكلمك يا قلبي
لمار : اشطا نتكلم
-------------------------------------------------------------------------------------------
لمار : امي يا امي يا امي امي يا ماما يا حاجه يا ست الكل يا امه يا ماما
احسان : اييييييييييييييييييييييه صدعتنى امك واللي جابوها
لمار : انتى بتزعقيلي وانا جايبه المجموع ده
احسان : يعنى انتى جبتيه ليا ماهو ليكي يا بنت الموكوسه
لمار : ماشي يا موكوسه قصدي يا ماما
احسان : كنتى عاوزه ايه
لمار : عاوزه اخرج
احسان : مافيش خروج
لمار : دينا عاوزه تخرج هي كمان
احسان : مادام دينا معاكي ..اخرجي
لمار : هو انتى امها ولا امي انا
احسان : امكوا انتوا الاتنين دي اكتر من اختك اصلا لازم احبها وبعدين بنت محترمه وبثق فيها واوديكي معاها انشاءالله جهنم
لمار : انتى مش امي انتى اكيد امها ومتبنيانى
احسان : طيب بطلي تلقيط في الاكل واغسلي ايدك وكلي زي البنى ادمين
لمار : هلبس واجي اكل
احسان : امال لما تخرجي هتعملي ايه
لمار : هاكل بردو
احسان : يارب صبرنى ..تاكل وميبنش عليها قربت تختفي
لمار : انا بدكن يا ست الكل عشان الحسد
بعد ساعتنين
جرس البااب
دينا : ازيك يا سوسو
احسان : ازيك يا دودو ادخلي
دينا : بنتك المبجله فين
احسان : قبل اي حاجه مبروك يا حبيبتى
دينا : الله يبباارك فيكي يا سوسو دي دعواتك ليا والله
احسان : طبعا مش بنتى
لمار : انتى لحقتى تلبسي
دينا : امال لكعه زيك
احسان : اعملك حاجه تشربيها
دينا : لا شكرا ياطنط انا هقوم اعمل لنفسي
لمار : وانا قولت البت دي بقت مودبه اازاي
احسان : زي السكر في الشاي
لمار : بس يا سوسو متخلناش نخسر بعض انتى قاعده ليه اصلا
احسان : اقوم يعنى يرضيكي
دينا : انا جايه عشان سوسو اصلا مش عشانك..بت انا مش قادره اخرج ماتيجي نقعد شويا هنا سوا..وانا عزماكوا علي العشا
بعد نص ساعه علي العشا
جرس الباب بيرن
احسان : معلش يا دينا قومي افتحي انتى اقرب
لمار : لا استنى انا هفتح
احمد : مساء الخير
لمار واقفه متنحه مش عارفه ترد من الفرحه : صباح النور
احمد : هههههه بقولك مساء الخير تقولي صباح النور
لمار نزلت راسها : اهو اي حاجه وخلاص
احمد : الورد ده ليكي علي فكره ..هتقبليه منى
لمار : هاه ليا انا
احسان : مين اللي حماته بتحبه ده..مين يا ميمي
لمار : هاه ..ده احمد يا ماما
احمد : ازيك ياطنط
احسان : اتفضل ادخل يا حبيبي ..
احمد : مساء الخير ازيك يا دينا
دينا : ازيك يا احمد عامل ايه
احمد بص للمار وضحكت : تمام بشوفتك
احسان : تمام بشوفت مين بالظبط
احمد : بشوفتكوا كلكوا والله يا طنط
احسان : مبحش طنط دي قولي يا سوسو
احمد : ماشي يا سوسو...انا قولت اجي ادي للمار البوكيه ده..بمناسبه نجحها
احسان : ربنا يخليك يا حبيبي كلفت نفسك
دينا بصت للمار وضحكت : طيب اقعد اتعشي معانا بقي
احمد : لا عشان مدايقوش
احسان : انت النهارده تسمع كلامهم كلهم يلا اقعد اتعشي معانا
احمد : مش هتعزمي عليا يا ميمي
لمار : اه اتفضل اتعشي معانا
----------------------------------------------------------------------------
بعد شهر وبعد ظهور التنسيق
لمار ودينا جالهم اعلام القاهره
بسمه : ايوه بقي يا عم هتدخلي اعلام
دينا : الحمدلله امنيه حياتى اتحققت
بسمه :(بتبص بقرف) انا كان نفسي فيها بردو ..بس شكلها كده ناس وناس
دينا : هبقي اخدك معايا الكليه ..الله بقا اخيرا هبقي في الكليه..ده انا هقعد اذاكر كتير اووي عشان اطلع مذيعه ولا صحفيه ولا حتى مخرجه نفسي اووي
بسمه : يابنتى ارحمي ..ادخلي الجامعه واخرجي واتفسحي ..ده انتى موس يااااابااااي
دينا : يا بسومه مافيش حاجه بتيجي بالساهل لازم اتعب عشان اطلع حاجه كويسه
بسمه : ليه يعنى في الاخر هتتجوزي وتقعدي في البيت
دينا : مين قالك انى عاوزه اتجوز..انا هشتغل الاول وبعدين ابقي افكر في الجواز
بسمه : طيب يلا فلسعي عاوزه اتكلم في الفون
دينا : طيب انا هطلع اتفرج علي التليفزيون خلصي وتعالي اقعدي معايا
بسمه :(ماسكه الموبيل) يلا اجري بقي مش فيقالك..
الو يا حبيبي
نور : الو يا بسومتى وحشتينى
بسمه : وانت كمان وحشتني اووي والله
نور : اخبارك بقي
بسمه : تمام لما سمعت صوتك
نور : ياريت تفضلي تسمعي صوتى علي طول كده
بسمه : مش هتزهق منى
نور : انتى عبيطه ازهق من روحي...معلش خليكي معايا ثوانى معايا ويت
بسمه : مين اللي بيتصل
نور : صاحبي اكرم والله
بسمه : طيب بسرعه
نور : حاضر ..الو ..ازيك يا اكرم
اكرم : ايه ياض ..ويت مع مين الساعه 3 الفجر
نور : لا دي نورهان اختى بتكلم صحبتها ..هكلم مين يعنى ما انت عارف انى ماليش في الهبل ده
اكرم : عليا انا يا صاحبي
نور : وانا هكذب علييك ليا يا اكرم ..اكيد لو بكلم واحده هقولك
اكرم : ماشي يا عم خلاص ..حبيت اقولك اننا نازلين الجامعه بكره وخارجين مع الجروب وكده هتيجي اكيد
نور : هرد عليك بكره ماشي ؟؟..بس اكيد جاي
اكرم : ماشي يا صاحبي ..يلا سلام
نور : سلام ...ايوه معلش اتأخرت عليكي
بسمه : لا واضح انه واحد صاحبك ربع ساعه بتكلم صاحبك صح
نور : والله اكرم يا بسمه ما انتى عارفه انه رغاي
بسمه : وانت عاوزنى اصدقك هبله انا بقا
نور : انا هكذب عليكي ليه ..انتى مش بتثقي فيا
بسمه :برحتك اصلا ميفرقش معايا سلام
نور : بسمه استنى ..
بسمه اتعصبت وقفلت السكه في وشه
نورهان : في ايه يا نور
نور : ربنا ياخد نور علي اللي جابه نور يا شيخه
نورهان : مالك بس في ايه ما انت لسه كنت بتكلمها كويس
نور : بسمه مش بتثق فيا ومادام الثقه مش موجوده بينا يبقي مش هينفع نكمل كلمت اكرم والله ما كملت 10 دقايق الاقيها تتقمص وفاكره انى بكلم واحده تانيه
نورهان : ماهي اكيد بتغير عليك يا نور
نور : الغيره حاجه والشك حاجه تانيه ..الشك بيدمر اي علاقه حب يا نورهان
نورهان : طيب انت ليه قولت لاكرم انى انا اللي بتكلم في الفون
نور : عشان انا مش عاوز حد يعرفها بخاف عليها اووي من عيون الناس هي اه زميلتى في الكليه بس مش بكملها خالص قدام اي حد ..بخاف حد يقول عليها كلمه مش كويسه..انا احكي لمااماا وانتى عليها بس لصحابي لا طبعا اخاف عليها
نورهان : ربنا يرزقنى براجل يكون في كل مواصفاتك دي انت احسن راجل شافته عنيا بحبك اووي يا نور طول ماا انت بتخاف علي بنات الناس ربنا هيكرمك
-------------------------------------------------------
دينا : بسمه ..قاعده لوحدك ليه اانا بعمل عشا
بسمه : دينا سبينى لوحدي
دينا : مدايقه ليه
بسمه : معاش ولا كان اللي يخلينى ادايق ..
دينا : امال مالك ..اتخانقتى انتى ونور
بسمه : مافيش انا هقوم اخد دش
دينا : اعملك معايا عشا
بسمه : ماشي ...طلعيلي هدومي واكويلي الطقم الجديد عشان خارجه بكرا
دينا : قولتي لبابا انك خارجه
بسمه بزعيق : انا محدش يقدر يمنعنى انى اخرج فاهمه
دينا : خلاص يا بسمه براحه مش قصدي
بسمه : طلعيلي هدومي واكويلي هدومي اللي اخرج بيها بكره
دينا : طيب ..حاضر
بسمه من الحمام : دينا هاتى الفوطه
دينا : خدي اهي ..البدي بتاعك مش نضيف اطلعلك طقم تانى
بسمه : في ايه يا دينا متغسليه انتى قاعده بتعملي ايه
دينا : والله يا بسمه عاوزه انام مش قادره
بسمه : اغسليه ونامي مش هتخسي
------------------------------------------------------------------------------------------------
بسمه : ماما انا نازله
نوال : ترجعي بالسلامه ...متتأخريش
بسمه : سلام
عماد : بسمه راحت فين
نوال : معرفش خرجت
عماد : انتى مش هتبطلي الاهمال و الاستهتار بتاعك ده ..هيضيع البت مننا
نوال : سيب البت علي راحتها البت نفسيتها تعبانه خليها تخرج
دينا : خلاص يا بابا هي شويا وهترجع ..ينفع انا كمان اخرج بقا
نوال : اتهدي انتى مين يساعدنى في الشقه ولا انا خلفت بنات مخلفتش يطلع عينى كده
دينا : يا امي خلاص والنبي بطلي الصوت العالي مش هخرج وهساعددك
------------------------------------------------------------------------------------
بسمه دخلت الكليه ونور عمال يتصل بيها ومبتردش
اكرم : بتكلم مين
نور : ولا حد متشغلش بالك
اكرم : طيب هيا ساره جايه
نور : معرفش والله
اكرم : ولا امنيه
نور : معرفش اي حد من البنات مبكلمش حد والله
اكرم : امال انت بتعمل ايه في حياتك
بسمه وامنيه ماشيين
اكرم : بيسلم علي بسمه وامنيه
بسمه بصت لنور وحبت تغيظه فسلمت علي اكرم وشادي وعمر وقعدت تضحك
نور من النرفزه والعصيبه كان ماسك كانز اتطبقت في ايده
نور : انا همشي يا رجاله
بسمه : مالسه بدري حتى ده احنا هنخرج
نور : اخرجي انتى
عمر : مالك يا نور قفشت ليه
بسمه : سيبه تلاقيه وراه مواعيد
نور : مش هرد عليكي يا بسمه
بسمه : ياعم بقي ترد ولا متردش
اكرم : نور والله لو روحت هزعل
امنيه ونور ماشي مسكت ايده : استنى يا نور متمشيش
بسمه بصت بنرفزه
نور شال ايده بسرعه خاف علي مشاعر بسمه ماهي حبيبته بردو : معلش يا امنيه تعبان والله
--------------------------------------------------------------------------
احسان : بت كل ده بتلبسي
لمار : ماما روحي انتى
احسان : يعنى لما هدي تعزمنا تقولي روحي انتى
لمار : ماما انا خايفه
احسان : خايفه من ايه
لمار: مش عارفه
احسان : بت انتى عبيطه...يلا قومي البسي
لمار : هو احمد تحت
احسان : معرفش..انتى نازله عشان احمد ولا عشان العزومه
لمار : الاتنين يا ماما هنستهبل علي بعض
احسان : طيب ياختى قومي البسي
لمار اول ما نزلت :ايه ده
احسان : في ايه
لمار : نسيت اكلم البت دينا ..المفرود ننزل بكره الكليه
احسان : وهتعملي ايه .. بعد ما نطلع بقي
لمار : لاء انا هطلع اكلمها وهبقي انزلك
احسان : هتفلسعي يعنى
لمار : لو لقيتى احمد ادينى رنه
احسان : هههههههههههههههههه ماشي يا ختى
لمار : متفهميش غلط الله
^^^^^^^^^^^^^^^^^^^^^^^^^^^^^
نورهان : يانور بطل هبل وقوم كل
نور : مش عاوز اكل يانورهان ..سبينى لوحدي بعد ازنك
نورهان : وغلاوتك عندي ماهسيبك وانت كده افتح الاوضه طيب نحكي شويا
نور : ادخلي
نورهان : ايه يا عم الكئيب ..كل ده عشان بسمه
نور : انتى مشفتهاش النهارده عملت ايه مسكت ايد صحابي عشان تعصبنى
نورهان : ازاي يعنى
نور : بسمه اول مره تسلم علي حد ولا متكنش اول مره ما انا مبكنش موجود
نورهان : استهدي باالله بس..احكي ايه حصل
نور حكي لاخته واللي هيا تؤامه عن اللي حصل وفهمته وعرفته ان لو هي بجد بتحبه هتحافظ علي كرامته وشكله قدام اي حد حتى لو مش عارفين انهم بيحبوا بعض
^^^^^^^^^^^^^^^^^^^^^^^^^^^^
دينا : ايه يا ميمي فينك
لمار : هههههههههههه هربت عشان اكلمك
دينا : في ايه يا مصيبه
لمار : طنط هدي كلمت ماما عشان ننزل نتغدي معاهم وانا مكسوفه اووي مش عارفه اعمل ايه
دينا : ما تنزلي يا جاموسه انتى
لمار : انا جاموسه
دينا : انتى لسه هتستغربي..فزي وقومي انزلي واحكيلي علي اللي هيحصل
لمار : طيب يا بت هننزل بكره الكليه ..
دينا :(وهي بتتكلم قلبهـا وجعهـا اووي ) انزلي بس وهنتكلم يعنى هنروح من بعض فين
لمار : ادعيلي والنبي خايفه ابقي رخمه معاه
دينا : ربنا معاكي يا اوزعه
لمار : شكرا شكر يازقرده
-------------------------------------------------------
لمار نزلت لجارتهم
لمار : ازيك يا طنط
هدي : ازيك يا حبيبه طنط ..لازم نتحايل عليكي عشان تنزلي
لمار : كنت بكلم صحبتى والله
هدي : طيب تعالي يلا ادخلي
لمار : دوندون وحشانى
دارين : لو كنت وحشاكي كنتي تسألي يا وحشه
لمار : معلش والله ..انا عارفه انى مبسألش عليكي متزعليش
دارين : مبزعلش من صحبتى انتى عبيطه
لمار : يا كميله ايه النونو الحلو ده..عسول اووي.كان نفسي اشوفه وربنا
دارين : ابقي تعالي ياختى وانتى تشوفيه
هدي : احسان تعالي عاوزاكي في موضوع
لمار عماله تبص يمين وشمال
دارين : بتدوري علي حد
لمار : هاه لا ابدا ..بس ببص علي الشقه
دارين : هو انتى اول مره تنزلي هنا يا ميمي
لمار توهت الموضوع :بس كميل اووي زياد شبه باباه
دارين : ده باباه قمر
لمار : انتى بتحبي جوزك اكتر من ابنك
دارين : طبعا جوزي ده اول ابن ليا
لمار :ربنا يخليكوا لبعض
دارين : يااارب ويرزقك بأبن الحلال ..استنى بقي اصحي احمد عشان يقوم يقعد معاكو شويا
لمار بفرحه : ايه بجد هو احمد هنا
دارين : اه هنا امال هيروح فين
لمار : بسأل بس خلاص شوفيه يلا
دارين : احمد احمد ياميدو يلا قوم
احمد وهو نايم : اييييه بقا سبونى انام ..انتو كفره مبتحسوش
دارين : قوم سوسو هنا وهتتغدي معانا
احمد : ما تيجي اعملها ايه يعنى هو انا اللي هطبخ
دارين : ميمي بره معاها
احمد قام منفوض من علي السرير : ايه لمار بره فين فين
دارين : استنى انت خارج كده ..وبعدين مالك قومت مفزوع كده ليه
احمد : هاه انا اتفزعت ما انتى اللي فزعتينى حد يصحي حد كده انا هروح اغسل وشي
دارين : لو عاوز تنام ادخل نام
احمد : لا انام ايه بقي مااحنا عندنا ضيوف
دارين : ياراجل
احمد : ااه وربنا طنط سوسو وميمي بره هيتغدوا عندنا
دارين : ههههههههههههههههه انت مصيبه
------------------------------------------------------------
نور ونورهان قاعدين بيتفرجوا علي التلفزيون
نريمان : قومي يا نورهان اعمليلي شاي
نورهان : حاضر يا ماما ..نور تشرب نسكافيه
نور :--------
نورهان : نور انا مش بكلمك
نور : هاه بتقولي حاجه
نورهان : يااااااه انت مش هنا اصلا ..انا هعمل شاي اعملك معايا
نور : ماشي اعملي عقبال ما اصلي المغرب
نادر والد نور : هو نور ماله بقاله يومين مش علي بعضه
نريمان : تلاقي حد من صحابه مضايقه
نادر : طيب ناديه
نورهان : اتفضلوا الشاي
نادر : تسلم ايدك ..ناديلي نور
نورهان : بيصلي يابابا
نادر : وانتى مصلتيش ليه
نورهان : والله صليت
نادر : مصدقك من غير حلفان
نريمان : احنا محتاجين حاجات البيت الشهر ده
نادر : طيب ننزل ونشوف ايه ناقصنا انا بقولك لاء يعنى
نريمان : ربنا يخليك لينا ياخويا
نورهان : ماما انا عاوزه اروح عند يمنى صحبتى
نريمان : في الوقت المتأخر ده
نورهان : لا طبعا بكره اروحلها
نريمان : بكره السست جايه تنفض الشقه
نورهان : خلاص بعده ما انا عاوزه اخرج زهقانه اووي
نريمان : خلاص روحي بعد بكره
نورهان : يخليكي ليا ياست الكل
نادر : شوفي نور خلص ولا لسه
نور : انا اهو يا حج
نادر : تعالي يا حبيبي ..مالك احوالك مش عجبانى احكيلي ايه مدايقك
نريمان : تعالي يا نونو نعمل كيك وشاي عشان العشا
نور : لا خليكي يا ماما عاوزكوا في موضوع
نريمان : انا قولت اقوم عشان تعرف تتكلم مع ابوك علي راحتك
نور : لا خليكي يا ست الكل
نادر : خير يابنى في ايه
نور : انا عاوز اخطب
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
بسمه : دينا يا دينا يا زفته فينك
دينا :(بتنهج) نعم يا بسمه في ايه بتزعقي ليه
بسمه : انا جعانه اووي فين الاكل
دينا : ما عندك في المطبخ
بسمه : هو انا هعمله لنفسي يعنى
دينا : يابنتى كل حاجه جاهزه وماما غرفت طبقك كمان ماتروحي تجبيه من المطبخ
بسمه : اروح اجيبه لنفسي وانتى بتعملي ايه انشاء الله روحي هتهولي
دينا :(قعت علي الكنبه عشان داخت ) انتى بتعاملينى كأنى خدمتك ليه
بسمه : محسسانى انك جبتى حاجه جديده ..هاتى الاكل انا جعانه
دينا : حاضر يا بسمه
عماد : بسمه هاتيلي الجزمه الجديده من بره
بسمه : عندك دينا خليها تجبهالك
عماد : دينا بتحطلك الاكل
بسمه : وانا مش شغاله عندكوا
عماد : ماشيي يا بسمه هجبها انا لنفسي
دينا : عنك يا بابا انا هجبهالك ...خدي يا بسمه طبقك اهو
عاوز انهي جزمه يا بابا
عماد : الجديده يابنتى انا عندي غيرها
بسمه بتريقه بصوت واطي : عنك يابابا كااتك القرف
دينا : اتفضل ..بابا صحيح انا وميمي كأنا عاوزين ننزل بكره الكليه
عماد : ماشي بس متتأخروش
دينا : سوسو عزمانا علي الغدا
بسمه : ومين انشاء الله اللي هيعمل الغدا هنا
دينا : ما انتى وماما موجودين
بسمه : تيجي بدري عشان تقفي تعملي الغدا انا مش ناقصه وقفه مطبخ
عماد : معلش يا حبيبتى اسمعي كلام اختك الكبيره يلا انا نازل
دينا : مع السلامه يابابا
بسمه : مافيش حاجه ابلع مع الاكل ده
دينا : معرفش والله احنا اكلنا كده
بسمه : انتو تأكلوا كده انا مالي ..معلش يا دينا انزلي هاتيلي مخلل
دينا : نعم انتى بتهزري انزل الوقت ده اجبلك مخلل
بسمه : في ايه يا دينا انتى بتكسريلي كلام ولا ايه بقولك مش هتنيل علي عين اهلي واطفح من غير مخلل
دينا : وانا مش هنزل في وقت متأخر زي ده والشارع سـاكت كده ومليان شباب
نوال : في ايه ياولاد صوتكوا عالي ليه كده
بسمه : البرنسيسيه اللي انتوا معرفتوش تربوها بتاوحنى ومش عاوزه تنزل تشتريلي مخلل
نوال : ما تنزلي يا دينا في ايه ..اختك ونفسها في المخلل
دينا : حتى انتى يا ماما طيب والله ما نازله انا تعبانه وعاوزه انام
بسمه بعصبيه مسكت دينا من شعرهـا : انتى بتعلي صوتك يا جزمه
دينا : ااااه بسمه انتى اتهبلتى
بسمه : اانا ميتكسرليش كلمه ماشي ..
بسمه ضربت دينا بالقلم
دينا داخت و وقعت علي سن الطربيزه الحديد وفتحت دماغها
--------------------------------------------------------------------------
لمار قاعده علي السفره
لمار : مااما انا عاوزه امشي معلش
احسان : في ايه يابنتى
هدي : انتى لسه كملتى اكلك
لمار : معلش يا طنط هعمل مكالمه بس وهنزلكوا علي طول
احسان : ميمي اقعدي في ايه
لمار : معرفش يا ماما عاوزه اكلم دينا ضروري قلبي واجعنى مره واحده معرفش ليه
احسان : طيب اهدي خدي موبيلي كلميها
احمد : ادخلي كلميها من عندنا جوه طيب
لمار : هاتى فونك يا مااما بسرعه طيب
احمد : ها ردت
لمار : ماما دينا مبتردش
احسان : يابنتى اهدي تلاقيها نايمه
لمار : لا دينا فيها حاجه انا لازم اروحلها
احسان : تروحي فين في الوقت ده يقولوا عليكي اتجننتى
لمار بدات تعيط : انا هروحلها يا ماما
احمد : خلاص انا هوصلها يا طنط متخفيش
هدي : لاحول ولا قوه الا بالله
دارين : تحبي اجي معاكي
لمار : لا انا هروح بسرعه واجي
احمد : لا مش هسيبك تروحي لوحدك
نزلت لمار مع احمد وركبوا العربيه وفي طريقهم لبيت دينا
هدي : يااه هم ممكن الصحاب يحسوا ببعض اووي كده
احسان : انتى متعرفيش دينا ولمار دول عاملين ازاي دي بسمه اخت دينا مبتحبش دينا زي لمار ما بتحبها
كل حاجه بيعملوها سوا
هدي : خير انشاء الله ...دراين ابنك بيعيط روحي شوفيه
-----------------------------------------------------------------
احمد : ممكن تبطلي عياط
لمار : قلبي واجعنى عليها اووي معرفش ليه
احمد : عارفه لو لقيناها نايمه ولا بتاخد دش ولا اي حاجه هعمل فيكي ايه
لمار : الاقيها كويسه بس واعمل اللي انت عاوزه
احمد : حتى لو هخطفك
لمار ضحكت نص ضحكه : انت فايق يا احمد والله
احمد : ومفوقش ومروقش ليه ..هو ده البيت
لمار : اه هو
احمد : طيب تحبي اجي معاكي
لمار : لا خليك هشوفها بسرعه
لمار لسه جايه تنزل من العربيه لقت عربيه اسعاف
لمار:
نوال : بنتى ردي عليا عشان خاطري متقلقنيش عليكي كده
لمار : بسمه !! دينا حصلها ايه انطقي عملتوا فيها ايه
دخلوا دينا عربيه الاسعاف
بسمه : اتخانقنا سوا وضربتها وقعت علي الارض
لمار : ربنا يخدك يا شيخه منك لله حرام عليكي اللي بتعملي ده دي اختك يا حيوانه
نوال جت تركب في عربيه الاسعاف لمار سبقتها علي العربيه وركبت جمبها
احمد حصل لمار ودينا علي المستشفي وكلم احسان
احمد : الو يا طنط ..احنا رايحين علي المستشفي
احسان : ليه يابنى حصل ايه
احسان : دينا عربيه الاسعاف اخدتها مفهمتش حاجه والله
احسان : طيب ادينى ميمي
احمد : راكبه مع دينا العربيه
احسان : طيب انا جيالكوا
احمد : ملهوش لازمه يا طنط انا معاها متخفيش
احسان : جيب العواقب سليمه يارب
----------------------------------------------------------
نور : انا مبسوط اوووي
نورهان : وانا كمان والله مبسوطالك اووي...بس انت متأكد ان اللي بتعمله ده صح
نور : طبعا صح ..اللي بيحب لازم يثبت لحبيبه انه بجد بيحبه وانا لو كنت بخون بسمه استحاله اخطبها لازم اثبتلها انها وبس اللي في حياتى
نورهان : تصدق هبدأ اغير عليك
نور : انا شويا وهكلمها اقولها تكلم اهلها
نورهان : والله لو بعرف ازغرط كنت زغرط
نور : انا حاسس انى من الفرحه انا اللي هزغرط
نورهان : هههههههههههههههههه انا ببقي مبسوطه اووي وانا شيفاك مبسوط كده
نور : ربنا يخليكي ليا يا احلي اخت في الدنيا كللللللللللللها....تعالي ننزل نتمشي شويا بالمناسبه الحلوه دي
نورهان : هههههههههههههه بجد هتفسحنى
نور : هو انا ليا غيرك عشان افسحه
نورهان : من اليوم ورايح هيبقي ليك وهتركن علي الرف
نور : ياعبيطه مهما احب واتجوز واخلف هتفضلي اختى اللي ماليش غيرها ابداااااااا تؤامي حبيبتى اللي بتحس بيا لما بقول ااااااه
نورهان : تعرف لولا ان احنا اخوات والله كنت اتجوزتك
نور : بس يا مجنونه
-------------------------------------------
لمار مع دينا في الاسعاف : دودو فوقي عشان خاطري ..فوقي يا حبيبتى انا جمبك اهو..متوجعيش قلبي عليكي والنبي انا ماليش غيرك فوقي يا دودو
بعد ساعه
نوال &لمار : طمنا يا دكتور
الدكتور : لا هي كويسه بس حصلها فقدان للوعي نتيجه لانهيار عصبي شديد وضغط عليها والجرح نزف كتير هي ضعيفه اووي ياريت تبعدوا عنها اي مشاكل واي زعل لان لقدر الله المره الجايه ممكن يحصلها حاجه التعب النفسي اثره بيبقي اكبر من التعب العضوي
بسمه بتريقه : التعب النفسي اثره اكبر من التعب العضوي ..جاب الديب من ديله يعنى
لمار: اخرسي بقي انتى السبب في اللي احنا فيه ده
بسمه : بقولك ايه احترمي نفسك بقي
الممرضه : مين فيكوا لمار
لمار : انا في ايه
الممرضه : دينا عاوزه تشوفك
بسمه : شوفتى بنتك وعمايلها بنتده علي الغريبه واحنا لا والجزمه اللي اسمها لمار دي كمان تدعي عليا والله لوريها ربنا يخدهم هم الاتنين دينا دي زي القطط بسبع ارواح
نوال : قولي حمدلله علي سلامتها
دينا بتعب : ميمي
لمار : قلب وعقل وروح ميمي
دينا بدات تعيط : خليكي جمبي والنبي متسبنيش
لمار مسحت لدينا دموعها: بس بس وحياتى عندك متعيطيش دموعك دي بتموتنى
دينا : انا بستغرب انك بتحبينى اكتر من اهلي انتى ازاي كده
لمار : انتى اللي ازاي كده ازاي مستحمله ده كله ...انتى لازم لما تخرجي تيجي علي بيتى استحاله اسيبك معاهم تاني دي كانت هتموتك
دينا : انتى عرفتى ازاي صحيح..مين قالك
لمار : هتصدقينى لو قولتلك محدش قالي حسيت قلبي واجعنى اووي ..قومت جريت عشان اشوفك واحمد ..احمد !!! فين
دينا : انتى بتتوحمي احمد ايه هيجيبه هنا
لمار : احمد هو اللي جابنى يا منيله
احمد : حمدلله علي السلامه
دينا : الله يسلمك يا ميدو ..اهو جالك اهو عماله تقول فين احمد فين احمد
لمار : اه يا جزمه والله ما نطقت
دينا : انا بحبك اووي يا ميمي ربنا يخليكي ليا ياريتك كنتى اختى بدل بسمه
لمار : اخرسي بقي ياريتوا يطمر
بسمه ونوال دخلوا
بسمه : ما انتى زي القرده اهو امال ايه اسعاف ونيله
لمار : ده بدل ما تقوللها انا اسفه انا زباله واستاهل ضرب الجزمه
بسمه : بقولك ايه انا استحملتك كتير مش كفايه دعيتى عليا وسكتلك
لمار : احمدي ربنا انى دعيت عليكي بس ده انا كنت ناويه اضربك زي ما ضربتيها ..ايه يا طنط ما تردي علي بنتك هي مش دينا دي بنتك بردوا ولا ايه
نوال : حمدلله علي سلامتك يا حبيبتى
دينا : الله يسلمك يا ماما
نور بيكلم بسمه
بسمه : ثوانى وراجعه..الو نعم عاوز ايه
نور : وحشتينى
بسمه : ياسلام ..هي السنيوره التانيه منفضالك ولا ايه
نور : والله مافي غيرك في قلبي وفي حياتى
بسمه : اه ومالو
نور : طيب ايه رأيك اعشان تصدقي هاجي اخطبك انا كلمت اهلي ووفقوا
بسمه : ايه انت بتتكلم بجد
نور : وحياتك عندي بجد ..كلمي اهلك وخدي معاهم معاد
بسمه : ماشي اول ما اروح هقولك
نور : نعم !!! ليه انتى فين انشاء الله في الوقت ده
بسمه : في المستشفي
نور : ليه مالك ..انتى تعبانه حاسه بأيه طيب انتى في انهي مستشفي وانا اجيلك
بسمه : بس بس انا كويسه دي دينا يابنى بتدلع شويا
نور : مالها دينا
بسمه : وانت مالك دي من ضربه بالقلم عملت نفسها اغمي عليها واسعاف وبتاع وشغل هبل كده
نور : مين ضربها بالقلم
بسمه : انا ضربتها
نور : نعم وتمدي ايدك عليها ليه
بسمه : وانت مالك بيها انشاء الله ..متكونش بتحبها وانا مش واخده بالي
نور : بسمه انتى بجد مش طبيعيه
بسمه : انا بردو اللي مش طبيعيه ..والله كنت حاسه ان في حاجه بينكوا اصلا وجاي تخطبنى عشان تقرب منها
نور : لالالا بجد كده كتير ..انا مش هقدر استحمل كده سلام
بسمه بعد ما قفلت : في ستين داهيه كاتكم القرف
بسمه دخلت الاوضه : ماما ماما انا جالي عريس
نوال : ببجد مين ده
بسمه : نور زميلي في الكليه
لمار بتووشوش دينا : ايه ده يا بت ده مافيش دم خالص
دينا بصوت تعبان : هههههههههه وايه الجديد يعنى
بسمه : ايه مافيش مبروك ولا ايه ولا هي النفسنه هتشتغل
لمار بصت لدينا باستغراب
دينا & لمار : مبروك يا بسمه
احمد : هي دينا هتبات هنا
لمار : مش عارفه هقوم اسأل الدكتور
احمد : لا خليكي انتى مع دينا ..هروح اسأله انا
-----------------------------------------------
قفل نور مع بسمه ومحبش يحكي لنورهان حاجه عشان عارف ان اخته هتاخد فكره وحشه عنها
نور : انا داخل انام
نورهان : استنى نسهر سوا
نور : معلش يا نورهان مصدع والله
نورهان : ماشي يا حبيبي ..قوم
نور قام قعد في الاوضه وقعد يقلب في مسدجات بسمه موبيله رن
رقم غريب:الو
نور : الو ..مين معايا
رقم غريب : مش عارفنى
نور : معلش مش واخد بالي انتى مين
رقم غريب : انا ابتهال يابنى
نور : اه ابتهال ..معلش ..عامله ايه
ابتهال : انا تمام وانت
نور : كويس الحمدلله
ابتهال : اسفه لو بتصل بيك في وقت زي ده ..لاقيتك علي الفيس اون لاين قولت اكيد صاحي
نور : ولا يهمك ..كنتى عاوزانى في حاجه
ابتهال : االصراحه ااه عاوزاك في مووضوع
نور : أأمرينى
ابتهال : في موضوع كده حصل مش اننت عارف انى بحب عمر وبكلمه صح
نور : اه عارف ربنا يكملكوا علي خير
ابتهال : اهو عمر بقي بقاله فتره متغير واللي سسمعته انه بيكلم واحده من الجروب معانا
نور : مين دي
ابتهال : معرفش ..هو ده الموضوع اللي عاوزاك فيه..عاوزاك تعرفيلي مين البنت دي
نور : اوعدك انى احاول حاضر
ابتهال : معلش يا نور هتعبك معايا بس انت اكتر من اخويا والله
نور : وانتى زي اختى يا ابتهال عيب عليكي
ابتهال : ميرسي يا نور ربنا يخليك ليا
نور : ويخليكي يارب
---------------------------------------------------------------------
احمد : دينا هتبات هنـا النهارده
نوال : ايه ده بجد
بسمه : ايه لزمته يعنى ماهي زي القرده اهي
دينا : انا مبحبش جو المستشفيات ده
احمد : معلش لازم تبقي تحت الملاحظه
نوال : طيب انا هقوم انا يابنتى ..ابوكي زمانه علي وصول ولو ملقناش هيطين عشتنا
دينا : هتمشوا وتسبونى..وبعدين ما بابا لازم يعرف اللي حصلي
نوال : يعرف ايه ..انتى عاوزاه يموتنا ..لا طبعا احنا هنقوله انك بيته عند لمار
بسمه : اهو ياختى اديكي فلسعتى من الغدا بتاع بكره
لمار : انا هقعد معاكي يا قلبي ايه مش ماليه عينك ولا ايه
دينا بزعل : ليه يا ميمي هو انا اصلا ليا مين غيرك
نوال : طيب يلا سلام ..بكره هنستناكو تجبوها علي البيت بقي
احمد : متقلقيش يا طنط هنجبهالك اول ما تخرج
بسمه : سلام ياختى
لمار : نفسي احدف وراهم زير
دينا : سيبك منهم مبيحسوش يرمونى في المستشفي ويمشوا
احمد : ومين قالك انك هتقعدي في المستشفي
لمار :(باستغراب) امال هتقعد فين
احمد : هتقعد عندك ..الدكتور طمنى وقالي مافيهاش حاجه جرح بسيط..وانا قولت كده عشان دينا ترتاح شويا منهم وانتى هتبقي مبسوطه وهي معاكي
دينا : الله بجد يا احمد عملت كده
احمد : انا اعمل اي حاجه عشان ميمي
دينا : احم احم نحن هنـا
لمار : (بصه في الارض ) ميرسي يا ميدو
احمد : احم طيب انا هروح ادفع الحساب ..واجهزوا عشان نمشي
دينا &لمار : تمام
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
بسمه روحت البيت وكلمت نور
بسمه : الو
نور بصوت نايم : الو
بسمه : انا اسفه متزعلش منى
نور بصوت نايم : ينفع اللي بتعمليه ده
بسمه : خلاص بقي سوري...هاه بقي هتيجي تتقدملي امتى
نور : اختك طلعت من المستشفي
بسمه : بلاش ام السيره دي فكك منها
نور : بجد انا مستغربك ..هسبنى منها بس عشان متخانقش معاكي
بسمه : بحبك يا حنين ..هتيجي امتى بقي
نور : خدي معاد مع الحج والحجه وانا اجي
بسمه : هيييح بقي بحبك
نور : وانا والله بحبك
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
احمد وصل دينا ولمار البيت واطمن عليهم
احسان : تعبناك يابنى معلش
احمد : دينا دي اختى تعب ايه بس
دينا : ميرسي يا ميدو تسلم
(بتوشوش لمار ) شوفتى قال دينا دي اختى مجابش سيرتك انك اخته ادي دقنى لو الواد ده متجوزكيش
لمار : يارب يارب
احمد : عن اذنكوا
احسان : اذنك معاك يابنى ..حمدلله علي سلامتك يا بنتى ربنا يهيديكي علي اختك يابسمه يارب ويعدلهـا معاكي يا دينا يارب
دينا : مش باين يا طنط ..الدنيا مش ليا صدقينى
لمار : بت هو انا مش اختك ولا ايه ..فكك من بسمه
دينا : فكتنى
احسان : طيب يلا نقوم نتعشي عامللكو بطاطس محمره مقرمشه ولا بتاعت كنتاكي
دينا : بالهنا يا سوسو اانا مش جعانه
لمار : بت بقولك ايه انا ميته من الجوع وانتى حبيبتى وهتأكلي عشان تفتحي نفسي
دينا : عشان الكلمتين الحلوين دول هاكل معـاكي
لمار : احبك يا زقرده
دينا : احبيكي انا يا اوزعه
احسان : طيب يلا يا ميمي حضري معايا العشا
دينا : اجي معاكوا والنبي ونقف كلنا سوا في المطبخ ونحكي
احسان : يابنتى انتى تعبانه ميصحش
دينا : والنبي يا سوسو انا مش بعمل كده في بيتنا
احسان : ممممم طيب يلا علي المطبخ
^برغم ان دينا كانت الي حد ما تعبانه بس هي كانت مبسوطه اووي معاهم نادر اووي لما بتحس بجو العيله ^
دينا : ياااه اوام كده الساعه 5
لمار : اه والله محسناش بالوقت ..
دينا : ايه حكايه قلبي والدوخه اللي علي طول بيحصلولي دول
لمار :ضغط نفسي من قرف البيت يا دينا انتى لسه بيتسألي
دينا : اه والله قرف فعلا ..كان نفسي اووي ابقي من البيت ده سوسو دي طيبه اووي يابختك بيهـا
لمار : انتى ممنه ياهبله وسوسو دي بتعاملك احسن منى اتنيلي والنبي
دينا : بس الصراحه الواد ميدو ده عسليه اووي ياريت يكون من نصيبك
لمار : (بسهتنه ) احمد هو في زي احمد وحلاوه احمد يارب يا دينا يكون ليا ادعيلي والنبي
دينا : بدعيلك والله انه يكون من نصيبك
لمار : يلا تصبحي علي خير يا زقرده
دينا : وانتى من اهله يا اوزعه
دينا اتلقبت الناحيه التانيه وبصت للسقف (وانتى بقي يا دينـا مش ناويه يكون ليكي نصك التـانى نفسي اووي الاقي حد يعيشنى دنيا احسن من اللي بعيشهـا دي ..يااارب بقي عدلهـا من عندك )
