*علي فضل ماسك ايد دينا وباصص في عينها وكأنه بيغنيلها الاغنيه دي ليها وكأن اول احساس حلو يجمع ما بينهم*
^^^^^^^^^^^^^^^^^^
نور ونورهان وصلوا البيت ودخلت نورهان اوضتها مع مامتهـا
نور : انا عاوزك تتصلي ببسمه ..وخليها تبعتلي الحاجه
ناريمان : ليه يابنى
نور : انا وبسمه مننفعش لبعض..وعشان خاطر قفلي علي الموضوع واسمعي كلامي
ناريمان : حاضر يابنى حاضر
نور دخل لنورهان
نورهان : هي يمنى عرفت انى عملت عمليه
نور : اه كلمتنى امبارح
نورهان : غريبه يعنى ..مجتش ليه دي
نور : نامي دلوقتى ولما تصحي كلميها تتطمنى عليها
نورهان : لا هات الموبيل دلوقتى
نور : خدي
نورهان بتكلم يمنى
يمنى : الو ..حمدلله علي السلامه ياجميل
نورهان : انتى فين يا كلبه
يمنى : حتى وانتى تعبانه بتشتمي
نورهان : قلقتينى عليكي بجد
يمنى : لسه خارجه من المستشفي ..مش تقولي انك خرجتى
نورهان : معلش انا لسه واصله البيت دلوقتى
يمنى : طيب خلاص نامي وابقي اجيلك الصبح
نورهان : طيب تعالي دلوقتى
يمنى : لا بلاش اسيبك ترتاحي احسن
نورهان : ماشي هستناكي بكره
يمنى : ماشي يا حبي ..باي
----------------------------------------------------------------------------------
بسمه قعده لوحدها عماله تفكر كتير اووي ومن غير تردد كلمت نور
نور وهو نايم ومن غير ما يبص علي الموبيل: الو
بسمه : انا قولت انك مش هترد عليا تانى
نور : بسمه !!
بسمه : كمان مسحت رقمي
نور : لا ممسحتهوش بس كنت نايم ومبصتش علي الرقم
بسمه : مممم عشان كده رديت
نور : خير في حاجه
بسمه : حبيت اسمع صوتك
نور : اوك سلام
بسمه : نور استنى
نور كان قاسي اووي مع بسمه ..بس كان معاه حق المرادي قفل نور وكمل نور وكآن ربنا خلي قلبه يكون بارد اوي وميتوجعش عليها
بسمه قفلت وقعدت تشتم وتزعق ..وطبعا ملاقتش غير دينا في وشها
دينا دخلت البيت مبسوطه والاغنيه عماله ترن في ودانها ومش حاسها بأي حاجه في الدنيا غير لمسه ايد علي
بسمه : كنتى مع علي صح
دينا : هاه اااه كنت مع علي
نوال : اتأخرتى كده ليه
دينا : ما انا كلمتكوا وقولت انى هتأخر ..روحت انا وزميلي في الكليه لمخرج اعلانات
نوال : اه ربنا يكرمكوا
بسمه : علي فكره علي ده مش محترم ..وبيتسلي بيكي
دينا : مين قالك اننا بنحب بعض دي مجرد صداقه مش اكتر ..يلا انا هدخل انام
بسمه : انتى من امتى مبتعبرنيش كده
دينا : بسمه بجد مش فايقه عاوزه انام
بسمه : اتخمدي
بعد شويا بسمه خرجت وفتحت اللاب توب ودخلت علي جروب الجامعه بتاع دينا وقعدت تدور علي اكونت علي
بسمه : ايوه هو علي ابراهيم ده ..ماشي يا ست دينا يا انا يا انتى
basma emad : hi
ali ibrahim : hi
basma emad: azik ..nt3rf
ali ibrahim : ana 3li 21 sna mn cairo w anti
basma emad :ana basma 20 sna mn cairo brdo
ali ibrahim : aha ahln w shln ..kolit eh
basma emad : tgara englih..u
ali ibrahim : ana e3lam el kahera
basma emad : it4rft bik ..mortbt
ali ibrahim : l2 w anti
بسمه حست بفرحه كبيره اووي وبصت علي اوضه دينا وضحكت ضحكه كلها حقد
basma emad : wla ana ..da fal 7lw m4 kda
ali ibrahim : hhhhh tb3n
علي وبسمه قعدوا يتعرفوا علي بعض اكتر ..وقعدوا يضحكوا ويهزروا سوا
-------------------------------------------------------------------------------------------------------------
