(3)
يمنى : في ايه
نورهان : تعالي بسرعه قومي قومي
يمنى : في ايه يابت
نورهان : انجزي قومي
نورهان خدت يمنى ومشيت بسرعه
نور : قومتوا ليه
يمنى : معرفش نورهان قامـ
نورهان قطعت كلام يمنى :مافيش نور انا تعبانه اووي يلا نروح
يمنى بصت لنور ورفعت كتفها : صدقنى معرفش حاجه
نورهان مشيت وهي سرحانه ومش مصدقه اللي شافته
يمنى : يا نونى في ايه مالك
نورهان : ولا حاجه ولا حاجه
---------------------------
يوم الاحد
نور واهله بيخبطوا علي الباب
بسمه : دينا روحي بسرعه افتحي ..طيب يلا اجهزي بسرعه
دينا : مساء الخير
ناريمان : الله اكبر مشاء الله علي القمر
دينا اتكسفت وبصت في الارض :ازيك يا نور ..اكيد انتى نورهان صح
نورهان : اها انا
دينا : منورين
اتفضلوا علي الصالون
ناريمان بتوشوش نادر : عروسه ابنك قمر ..باين عليها الادب والاخلاق الله اكبر
نادر : فعلا وشها جميل اووي وشكلها مؤدب
نوال وعماد : اهلا وسهلا شرفتونا
ناريمان &نادر : الشرف لينا والله
دينا : يلا يابت عشان تقدمي القهوه
بسمه : نعم لا اطلعي انتى قدميها انا ضوافري هتتكسر
دينا : طيب انا هعملها واطلعها بس خلصي انتى
دينا طالعه من المطبخ بالقهوه : اتفضل يا عمو ..اتفضلي يا طنط ..اتفضل يا نور ..نوني مدي ايدك متتكسفيش
نورهان : تسلمي بس ماليش تقل علي القهوه
نور بيوشوش اخته : مالك قالبه وشك ليه
نورهان : لا ياواد ابدا بس الجو حر
ناريمان :شوفت عروسه ابنك فاهمه في الاصول ازاي ..يا زين ماختار ابنك والله
نادر : فعلا ارتحتلها اووي
بسمه خرجت من الاوضه وسلمت عليهم ..ودينا قاعده جمبهم
ونور فضل باصص علي بسمه وعينه متشالتش من عليها..وبيبص وبيضحك ونورهان بتبصلها باستحقار
نادر : ندخل في الموضوع ..احنا جايين نطلب ايد بنتكم بسمه لابنى ووحيدي نور
ناريمان بتبص لدينا : تعالي يا عروسه ابنى اقعدي جمبي هنا
بسمه : مين دي اللي عروسه ابنك ..دي اختى انا اللي ابنك جي يخطبها
دينا : بسمه براحه..في سوء تفاهم يا طنط
انا دينا ..اخت بسمه العروسه
بسمه : براحه ايه وزفت ايه ماانتى شكلك استحلتيهـا
نادر : احنا متأسفين علي اللي حصل بس دينا فتحت الباب وقدمت القهوه افتكرناها بسمه
نور : بسمه خلاص حصل خير
عماد : صلوا علي النبي يا جماعه ..
بسمه بعصبيه : دينا ادخلي جوه الاوضه مشوفش وشك
دينا استغربت اووي من الطريقه اللي بسمه عاملتها بيها قدام الضيوف ..وعيونها دمعت..ودخلت تجري علي الاوضه
ناريمان ونادر مستغربين الطريقه اللي بسمه بتتكلم بيها دي
ونور اعد يهدي بسمه
بسمه : انتو جايين تتقدموا ليا انا ماشي مش للبت دي
عماد : بسمه خلاص اقعدي
نادر : احنا اسفين علي سوء الفهم ده..احنا اكيد هنتقابل في ظرف احسن من كده يا استاذ عماد
نور : خلاص يابابا كمل الموضوع وادي بسمه قاعده قدمنـا اهي
ناريمان قعدت تخبط نادر في رجله انه ميكملش الجوازه دي
تمت القاعده علي خير واتفقوا علي كل حاجه ونادر مكنش عاوز الموضوع يتم بس عشان ابنه عاوزها
ناريمان ونورهان روحوا ووشهم مقلوب
ودينا اعدت طول اليوم دموعها منشفتش علي الكسفه دي
----------------------------
نور في البيت دخل الاوضه عند نورهان
نور : بت بت
نورهان : نعم
نور : ايه رائيك في بسمه
نورهان : اظن انت عارف رائ
نور : انا عارف ان طبعها صعب ..بس طيبه
نورهان : بتعامل اختها كده ..هتعاملك انت واهلك ازاي
نور : ابوس ايدك متنكديش عليا في يوم زي ده
نورهان : ماشي يا استاذ نور ...اطلع واقفل الباب
نور : كده يعنى
نورهان دورت وشها : تصبح علي خير
نور طلع وقفل الباب
نورهان قعدت تكلم يمنى
لمار بتكلم دينا عشان تقولهاا علي الخطوبه
لمار : دودو..خطوبتى بعد اسبوع
دينا مسحت دموعها : بجد يا ميمي
لمار : اه والنبي ..هعملها قبل الدراسه علي طول
دينا : مبروك يا قلبي
لمار : عاوزين ننزل نشتري لبس الكليه بقي وفستان الخطوبه
دينا : عيونى ليكي يا ميمي
لمار : احكيلي بسمه عملت ايه النهارده
دينا : مش طنط ناريمان افتكرتنى انا بسمه ويالهوي علي اللي بسمه عملته
لمار : يالهوي دي اكيد شاطط
دينا : شاطط بس دي زعقتلي وهزقتنى قدامهم
نورهان خدت رقم بسمه وكلمتها: الو
بسمه : الو
نورهان : انا صحبه دينا ..معلش ممكن اكلمها
بسمه : صحبه دينا بتكلمينى انا ليه ولا انا السكرتيره بتاعتهـا
نورهان : رقمهـا ضاع منى وهي كلمتنى من عندك قبل كده
بسمه : طيب خدي رقمها عشان انا مش فاضيه دلوقتى
نورهان : طيب شكرا اووي
نورهان قفلت وكلمت دينا
دينا : ميمي اقفلي ناو معايا ويت
لمار : مين بيكلمك دلوقتى يابت
دينا : معرفش رقم غريب ..اقفلي قبل ما يقفل
لمار : طيب ماشي متنسيش اللي قولتلك عليه
دينا : حاضر ..الو
نورهان : انسه دينا
دينا : ايوه مين
نورهان : لو سمحتى بس لو انتى جمب بسمه ياريت تقومي
دينا : بسمه بره ..مين معايا
نورهان : انا نورهان اخت نور
دينا : اها اهلا يا نونى
نورهان : انا عاوزه اعتذرلك علي اللي حصل من اختك النهارده بسببنا
دينا : انا اللي بعتذر علي اللي حصل
نورهان : بجد انا معرفش انتى مستحمله بسمه ازاي
دينا : اختى بقي وقدري
نورهان : دينا انتى بجد طيبه اووي..وانا حبيتك اووي والله
دينا : ربنا يخليكي يا نونو ..بس انتى جبتى رقمي منين
نورهان : اخدته من بسمه قولت انى صحبتك ..عشان متغلطيش قدامها ولا حاجه
دينا : خلاص تمام
نورهان : انا عاوزه اقولك حاجه
دينا : اتفضلي
نورهان : نور اخويا الوحيد وهو متعلق ببسمه اووي وانا عارفه ان كلامي هيدايقك بس صدقينى خوفي علي اخويا هيخلينى اقف قدام بسمه
دينا : اتكلمي يابنتى
نورهان : انا شوفت بسمه مع واحد في الكافيه وطلع الواحد ده صاحب نور ..واللي عرفته ان الواحد ده بيكلم صحبه بسمه يعنى بسمه بتخون اخويا وصحبتها
دينا :(بتنهيده) اانا عارفه ان بسمه بتكلم صحاب نور بس انا مينفعش اتكلم يا نورهان انا مره عليت صوتى عليها ..بسببها ودونى المستشفي وكنت هموت..صدقينى محدش بيسمع في البيت ده غير كلام بسمه
نورهان : انا خايفه علي اخويا اووي..انا عارفه انك خايفه علي نفسك بس اخويا هيضيع منى
دينا : هي صحبه بسمه اللي هي بتكلم حبيبها دي اسمها ايه
نورهان : تقريبا ابتهال
دينا : بس كده تعرفي تجبيلي رقم ابتهال
نورهان : اه سهله اووي
دينا : بصي عشان انا بردو مهما كان دي اختى انا عارفه ان بسمه مش هتتغير بس نور محترم اووي وراجل بجد واانا كنت بتكلم مع لمار في الموضوع ده ...كلمي ابتهال من رقم غريب وقوللها بسمه مصحبه حبيبك
نورهان : يعنى موافقه
دينا : اللي غلط لازم يتعاقب
