(8)
سبته بعض
علي : اه يا بسمه سبنا بعض
بسمه : مممم افهم من كده التضحيه دي عشانى صح
علي : عشان خايف لو كملت معاها تقوللهـا انى خونتهـا مع اختهـا
بسمه : بس انت مخونتهـاش انت حبيت غيرهـا بس
علي : بسمه ممكن اسألك سؤال
بسمه : اسأل
علي : انتى ازاي كده ..ازاي معندكيش دم كده
بسمه : انا معنديش دم ياعلي
علي : انتى ليه بتكرهي دينـا كده ..ليه دايما بتوجعيهـا ..ليه اخترتينى انا دوننا عن كل الرجاله اللي في البلد وحبتينى
بسمه : (سكتت )
علي : عرفتى بقي ان معندكيش دم ..واختك اتجرحت منى ومنك ومن الدنيـا كلها
بسمه : لو بعدت عنى هتخسر دينا للابد
علي : ليه بتعملي كده ..عاوزانى جمبك وخلاص حتى لو مش هبقي معاكي مبسوط
بسمه : انا هقدر اخليك مبسوط ..وبكره هتشوف ياعلي
علي : ربنا ياخد علي
بسمه : شكرا يا علي تصبح علي خير
علي قفل وبص في صورته دينـا ونام
دينـا صحيت في نص نومهـا كده بتبص علي موبيلـها اتفتكرت انهم سابوا بعض ..حطت دماغهـا تانى علي المخده ونامــت
تانى يوم
دينا هتعمل محاوله اخيره عشان تصـالح علي مع انهـا مغلطتش في حاجه
خدت دش وبتلبس وبسمه في اوضتهـا بتلبس بردو
وعلي بيلبس عشان خارج هو وبسمه
ودينـا رايحه عنده البيت
وهي وكريم قعدوا يعلقوا الزينه ومامت علي بتجهز كيك وتورت وحاجات كتير
ولمار مش موافقه علي اللي بيحصل ده بس لازم تبقي جمب صاحبتهـا
في مكان تانى كانت بسمه وعلي في طريقهم للفيوم
علي : اشمعنـا المكان ده
بسمه : بحبه اووي وقولت لنفسي ان لازم اللي بحبه يشاركنى كل حاجه
علي : مش عارف ليه يابسمه بطاوعك
بسمه : عشان هتبقي مبسوط معايا
علي : (في سره ) دينا بس اللي بتعرف تبسطنى
بسمه :وعشان كمان مقولش لدينا
علي : (بصلهـا بنرفزه وضرب الدركسيون بأيده ودور وشه الناحيه التانيه)
بسمه : انا هعيشك يوم بجد تحلف بيه
بعد 3 ساعات وصـلوا
علي : الله حلو اووي المكان ده
بسمه : مش قولتلك
علي : انتى جيتى هنـا قبل كده
بسمه : رحله مع صحابي في الكليه
علي : وكان نور معاكي مش كده
بسمه : ( قلبت وشهـا ) ايه جاب سيره نور دلوقتى
علي : بسأل بس
بسمه : المهم انك انت اللي معايا
علي : (في سره ) نفسي تكون دينـا هي اللي معايا
بسمه حاولت علي قد ما تقدر تضحك علي وتبسطه في اليوم ده وجابتله تورته وعملتله عيد ميلاد وتخليه يقضي 5 ساعات هنـاك مينسهومش ابدا حتى لو مش هيكملوا سوا كفايه انهـا تسيب علامه في حياته
والناحيه التانيه
دينا جايبه تورته عليهـا صورته
وهي وكريم قعدوا يعلقوا الزينه ومامت علي بتجهز كيك وتورت وحاجات كتير
ولمار مش موافقه علي اللي بيحصل ده بس لازم تبقي جمب صاحبتهـا
دينا : كده تمام صح
مامت علي : تسلم ايديكوا ده البيت بقي نادي
كريم : خدي بس دي علقيهـا قدامي
لمار : (خدت دينا علي جمب ) انتى متأكده اللي بتعمليه ده صح
دينا : انا بحبه اووي يا ميمي مش قادره ابعد عنه بجد
لمار : ربنا يعديهـا علي خير
الساعه 8 ولسه علي مجـاش
دينا : كريم كلمه تانى
مامت علي : هو قال الصبح انه هيتأخر
دينا : (بتبص للمار وبتضحك عشان ميبنش انهـا اتحرجت )
بسمه وعلي في الطريق
بسمه : ايه رائيك بقي
علي : كان يوم حلو بجد
بسمه : ولسه هنروح انا وانت السينما دلوقت
علي : بسمه بجد فصلت النهـارده مش قادر
بسمه : مممم خلاص ..كفايه انى بسطك النهـارده
الساعه جت 11
لمار بتبص لدينـا : مش يلا
كريم : انا بكلمه مبيردش
مامت علي : يارب استر ..من صباحيه ربنـا وهو بره ليكون في حاجه ..جيب العواقب سليمه يارب
دينا : اكيد اول عيد ميلاد عاوز يقضيه معـاها
مامت علي : مع مين
دينا : ولا حاجه يا ماما ..يلا يا ميمي عشان اتأخرنا واحمد ميزعقلكيش..عن اذنكوا
كريم : دينا انا اسـ
دينا : خلاص يا كريم هي كده خلصت خلاص
لمار روحت ودينـا وصـلت عند شارعهم
علي وصل بسمه بالعربيه عند باب البيت
علي : كان يوم حلو اوووي بجد ..وبجد اتبسطت معاكي اووي يا دينا
بسمه : دينا !! انا بسمه ياعلي
علي : (نزل راسه ) تصبحي علي خير
بسمه : مافيش فايده
دينا : (مصدومه )
علي وبسمه سوا
دينا : بسمه !!!
بسمه وعلي بصوا وراهم
علي : دينا !!
دينا : هي دي الجديده صح
بسمه : دينا افهمي
دينا : افهمي ..افهم ايه .خارجه مع حبيبي يوم عيد ميلاده وراجعه 12 بليل كنتوا فين ..كنتوا فين ياعلي
علي : (بربكه ) عادي احنا كنا بنتمشي شويا وهي عملتلي عيد ميلادي يا دينا وبس ورجعنـا دي حتى كانت عاوزه ترجعنـا لبعض
دينا : بسمه!! عاوزه ترجعنـا لبعض هههههههههههههههههههه قول كلام غير ده ياراجل ..بتحبوا بعض مش كده
علي : انا مبحبش حد غيرك يا دينـا ..والله ما عارف احب حد غيرك
دينا : انت كذاب ياعلي انت جرحتنى اووي
علي : انا مش كذاب
علي : روح شوف بيتك عامل ازاي دلوقتى اسأل اخوك انا من الصبح فين وعشان مين ..اسأل اخوك ومامتك انا تعبانه منك قد ايه هما اكتر ناس هيجوبوا عليك
علي : (حضن دينا ) انا بحبك والله بحبك وكل الكلام اللي قولته امبارح ده من ورا قلبي
انا مكنتش عارف انا بقول ايه ولا بعمل ايه سامحينى يا دينا
دينا (بتبعده بعيد عنهـا ) ابعد عنى انا بكرهك ياعلي ..انت خونتنى مع اختى ..دي بسمه فاكر ياعلي بسمه اللي وجعتنى
علي : طيب اسأليهـا انا بحبك اد ايه ..قوللها حاجه يا بسمه
بسمه : (بتبص لعلي نظره كره ) متصدقهوش يا دينـا .. (علي استغرب ) ده واحد كذاب وبيضحك عليكي وضحك عليا انا كمان وقالي بحبك ودخل عليا دور الحنين والطيب ..وكنا سوا اليوم في الفيوم وعملتله عيد ميلاد كمان وطلع واحد ميستاهلش
دينا : (بتنهج ) كفايه بقي حرام عليكوا هو انا مش انسانه لحم ودم وبحس ليه بتعملوا فيـا كده ليه حرام عليكوا ..ارحمونى
ليه يابسمه تخونينى مع حبيبي ملقتيش غيره عشان توجعينى اووي كده وانت ليه عملت فيا كده ليه وجعتنى زيهـا ليه استغليت نقطه ضعفي حرام بقي
دينا مسكت قلبها : ااااااااااااااه
علي : دينـا مالك يا دينا
دينا : اااااه ابعد عنى ومالكش دعوه بيا
دينا طلعت البيت وبسمه ورااهـا
وعلي روح
كريم : كنت فين
علي : سيب اخوك في حاله ياكريم
كريم : لا مش هسيبك في حالك ..انت لازم تفوق شويا
علي : مين اللي عمل كده في البيت
كريم : دينا عملت كل ده عشان تصالحك ..
علي : انا جرحت دينا اووي يا كريم ..وبسمه وقعت بينى وبينهـا مش عارف اصالحهـا ازاي ..دينا شافتنى مع بسمه النهارده
كريم : نهارك اسود..انت كنت مع بسمه ..وهي هي من الصبح بتجهزلك الحاجه
علي : انا غبي وحمار وحيوان وزباله ومستاهلش بس قولي اعمل ايه عاوز دينـا ترجعلي تانى عاوز اصالحهـا قولي والنبي اعمل ايه
كريم : تروح تقولهـا هي الكلام ده ..دينا خلاص كرهتك وانا مش بأيدي حاجه اعملهـا تانى ..تصبح علي خير
دينا في اوضتهـا مموته نفسهـا من العيـاط وقافله علي نفسهـا الاوضه
حتى لمار لما جتلهـا مش عاوزه تقابلها وفضلت قاعده كده
شهر
لا علي عارف يروحلهـا ولا حد عارف يشوفهـا
وعلي كلم لمار ووعدته لو في فرصه يجي يصالحهـا هتقوله عليهـا
تانى يوم دينا نزلت تتمشي شويا علي الكورنيش
علي : لسه بتيجي المكان اللي كان بيجمعنـا
دينا : (بتبص وراها ) اه لسه بجيه
علي : لسه بتحبينى صح
دينا : لا لسه باجي هنـا عشان اندم علي اليوم اللي عرفتك فيه
علي : دينا عشان خاطري متوجعيش قلبي اكتر
دينا : وقلبي اللي اتوجع عادي ..بسمه ياعلي ..ملقتش غير بسمه..يااااه مكنتش اعرف انى رخيصه عندك اووي كده
ليه ياعلي بيتعمل فيا كده هو انا مصعبتش عليك ..بعدت عنى عشانهـا عشان توجعولي قلبي ..والله حرام ده انا من ساعه ماعرفتك واانا مبقتش بتعب زي الاول
علي : هي اللي اتعلقت بيـا وهددتنى لو سبتها هتوقع ما بينا زي ماعملت كده
دينا : المفرود انى اصدق ..كان المفرود انك تقطع علاقتك بيهـا اول ما تعرف انهـا اختى
علي : حـاولت بس كنت عاوز اغيرها كنت عاوز اخليهـا تعاملك احسن من كده كنت عاوز اخليهـا تطلعك من دماغهـا
دينا : انا مش عاوزه اشوف وشك تانى امشي بقي وسبنى في حالي
(مشيت وسابته)
علي : دينا انا بحبك
دينا : وانا كنت بحبك (في سرها ..وانا بحبك )
تانى يوم نزلت دينـا ولمـار الكليه
لمار : فكيهـا بقي
دينا : انا كلمتك دلوقتى
لمار : مبحبش اشوفك مدايقه كده
دينا : (بتحط ايديهـا علي بوقهـا وبتعمل ابتسامه ) اهو اهو
لمار : مجنونه وربنا
سجده جايه من بعيد : دينا عامله ايه يابنتى وايه اللي سمعنـاه ده بجد انتى وعلي سبتوا بعض
لمار : (بتستغفر في سرها وبتقول ايه دخله الجواميس دي ) سوسو اهدي ياماما
دينا : اه يا سجده سبنا بعض
سجده : بس انتو كنتوا بتحبوا بعض اووي
دينا : (قامت وقفت وعيونـها بتلمع من الدموع ) ايديكي قولتى كنـا ..انا عاوزه اروح يلا بينا
لمار : احنا لحقنـا
بعد اسبوع
بدات دينا تتعود شويا شويا علي الوضع ولمار كلمتهـا وعزمتهـا علي الغدا
وهي راحت
علي : (موبيله بيرن)الو ..ازيك يا ميمي
لمار : صحي النوم ..يلا انت معزوم عندي في البيت النهـارده ..واعمل حسابك مش هتيجي تاكل علي الفاضي لا انت هتعمل معانا الاكل..فرصه دينا جايه
علي: بجد
لمار : يلا هستناك
علي : حاضر مش هتأخر
لمار : دينا هنا من الصبح
علي : تنزل من غير ماتقولي
لمار : هتعملي فيهـا حمش ..هيا زعلانه جدا اصلا معرفش هترضي تصالحك ولا ايه
علي : عارف انا هاجي وهصلح الموقف ادعيلي
لمار : طيب يا روميو ..يلا متتأخرش
علي : ساعتين بالكتير
دينا : بتكلمي مين
لمار : احمد
دينا : ربنا يخليكوا لبعض
لمار : يارب
دينا : هيييح
احسان : يلا قوموا غيروا الفرش ده
دينا : هدخل انا علي المطبخ
احسان : تعالي هنا غيري الفرش مع ميمي
دينا : عااا حاضر
لمار : عارفه يابت اانا لما هتجوز هسمي ابنى علي وانتى سمي بنتك دينا ونجوزهم لبعض
دينا : ياسلام وانا اجيب ولد اسميه احمد وانتى لمار ..بت انتى عندك خال اهبل..وبعدين انا مش هتجوز اصلا
لمار : ههههههههههههههههههههههه تقريبا والنبي..لا هتتجوزي والدنيـا هتبقي فله اسألينى انااااا
-----------------------------------------------------------------
نور داخل علي نورهـان ومكشر
نورهان : مالك
نور : ينفع كده يانورهـان ..ينفع تخلي اللي يسوا واللي ميسواش يتكلم عنك ..صحيح ما انتى سمحتى بكده علي نفسك
نورهان : استنى استنى مش فاهمه حاجه
نور : انا هفهمك يا انسه يا محترمه
نورهـان : نور انت بتتكلم كده ليه
نور : عشان اختى وحبيبتى جايلها عريس النهـارده
مبروك اموزتى
نورهان : خضتنى يا حيوان
