اجتمعنا في نفس الكفي وبدا كل واحد فينا يحط احتمالاته وفرضياته لين وصلنا لقرار نهائي وهو اننا نروح ونعرف وش سبب كل الي يصير معي ... قبل منتصف الليل كان موعدنا في بيت سالم ورحنا بسياره وحده طلعت العنوان الي معي وبديت اتجه للمكان المطلوب لاحظت ان المسافه طولت وان طريقنا طريق مهجور ماكان فيه انوار ولا اوادم ولا شي مجرد طريق مظلم ومرعب ماتسمع فيه غير صوت السياره قال زياد انا بديت اخاف الوضع ابدا ما يطمن رد عليه سالم وقال اجل وش جايبك معنا قالهم تركي خلاص اسكتو وصلنا... انا اقشعر جسمي يوم شفت المكان وجاني شعور غريب الي شفته كان بيت كبير ومهجور قال تركي متأكد هذا المكان قلتله ايه هذا هو العنوان ... بديت اطق الباب الامامي لاعل وعسا القى ايت اجابه قالي سالم وشفيك تطق الباب البيت مافي احد من الي بيفتحلك قاطع كلامه صوت طلع من ورا الباب وبسرعه اختفى زياد خاف وقرر انه يقعد بالسياره وما يكمل معنا... حاولنا نفتح الباب لاكن بدون جدوى وجينا بننط السور بس كان عالي قال تركي خلاص مافي امل تدخلون خلونا نرجع اصرف رديت عليه وقلت حنا قطعنا كل هالمسافه علشان بالاخير نرجع اذا بترجع ارجع لحالك سكت ومارد علي وقربت السياره من السور ونطيت ونط وراي سالم وتركي اما زياد رفض يجي معنا ...
أنت تقرأ
معاناة كاتب
Hororكلنا سمعنا عن عالم الجن واكيد كلنا تملكنا الفضول اننا نعرف ونستكشف عالمهم شي جميل ان الكثير من البشر اتقى شرهم وماحاول انه يمشي في متاهات مالها نهايه لاكن البعض يفضل العكس ويحاول كثر ما يقدر انه يتقرب ويحتك فيهم لاسباب خاصه فيه وانا كنت واحد منهم
