سجينة في قلبك

البارت 35

صاحب الصوت :أي اني
أمجد :ومنو حضرتك حتى تدخل بدون استأذن
صاحب الصوت :اسمي اوراس شريك أبوك بالشركة هاي وأيضا باقي الشركات جنت اشتغل وياه بي امريكا بس هوه كلي اجي لهنا علمود الشركة
أمجد :حلو يعني انته تشتغل بي باقي شركات أبويه زين هاي الشركة الي وإني المدير اهنا يعني ما الك حق تسوي الي تريده
اوراس :لا غلطت بهاي الي حق وهم نص الأسهم تحتاج توقيعي فهمت
أمجد :ههههه من حجيك هذا أفهم انو شخص ثاني يريد يكون الأفضل غيري
اوراس :أفهم بكيفك بس وصلتلك المعلومة هاا لحظة رضوان تكدر تكعد ماكو داعي تنطرد
أمجد :لحظة شنو انته صرت اهنا يعني تسمع اوامري تفهم
اوراس :بس كافي خلص الاشتماع تكدرون تطلعون
أمجد :اوكي طلعو (بغضب )
وبعد أن خرج الجميع )
أمجد :وهوه يكمش رأس اوراس ويدكه برأسه ) عفية بس ما الك حق تدخل بشغل غيرك باي
اوراس :ههههه (بحقاره )
...
وفي بيت أزهار )
أسامة :اجيت أزهار هاي شجابج اهنا
أزهار :كمت لئن تعبت بس شو تأخرت انته شكو
أسامة :كلشي ماكو سلامتج يالله اروح للمطبخ حتى اسويلج فواكه
أزهار :اوكي
وفي المطبخ )
أسامة :وهوه يضم المسدس ) يمكن احتاجك شي يوم
وفي الصالة )
أزهار :أسامة شو تأخرت وينك
أسامة :جاي جاي
أزهار :أسامة شنو ليش ما جاي تروح للمدرسة
أسامة :يا خيتي صالي سنين 3 متوسط يعني لزكت حتى الكرسي حفضته والطلاب كل سنة شكل وإني بمكاني
أزهار :اهااا ليش ما تعيفني هاي السنة ادرسك واخليك تنجح شرأيك
أسامة :والله هيه السالفة صارت قديمة على شنو يعني انجح واذا يمكن انفصل هاي السنة
أزهار :ليش
أسامة :لئن ما جاي اداوم اصلا
أزهار :أسامة تعال
أسامة :جاب الفواكه وكعد يم أخته ) هاا
ازهار:أسامة انته صرت جبير يعني ماكو داعي اعلمك تعتمد على نفسك تريد تصير أفضل خلي ثقة بنفسك فهمت
أسامة :فهمت هسه كافي كومي اكلي هاذي الفواكه
أزهار :اوكي
أسامة :شنو أجت سلمى وراي
أزهار :وهيه تأكل ) ليش
أسامة :لكيت علاليك فواكه
أزهار :وهيه تفكر (هاذي الفواكه جابها أمجد أي لازم ما اكله )أي هاي من سلمى
أسامة :اهااا اوكي أجيب ماي واجي
أزهار :وهيه تأكل ) كح كح كح كبر أي والله حتى الفواكه بيها نفسه شكد أناني أسامة ماي بسرعة رح اختنك
أسامة :حاظر حاظر
...
وفي بيت أمجد )
حسين :اويلي الريوك كلش طيب بفضل الحلوه خالتي أم اسيل (وهوه يلعب بشعره ويغمزلها)
أم اسيل :لك ما تبطل سوالفك البنات كاعدات مو عيب
حسين :هههههه ماكو عيب خالتي الحلوه يمه يمه شكد أحبها (وهوه يكوم ويبوس رأسها ) الله يحفضج النه آمين
الجميع :آمين
أم اسيل :يمه حسوني أريد احجي وياك بخصوص أمك خطية
حسين :فهمت قصدج الزواج خالتي هاي سالفة انسوها ما أريد اتزوج هيه مو جبر يعني
أم اسيل :واليدي أعرف مو جبر بس أبوك عنيد وعصبي ولازم تسوي الي يكوله
حسين :لا خالتي مو لازم هسه بأستطاعتي اطلع من البيت وما ارجع أبد بس اني احترمكم واحترم أبويه ما أريد اسوي شي يأذيكم بس اذا ضغطتو عليه اسوي الي برأسي واروح لﻷربيل أو كوردستان وعلي فهمتي خالة
أم اسيل :لا يمه ما عدنة غيرك هوه كم واحد حسين بس انته لا تسوي هيج وتروح
حسين :لعد زواج ماكو (وطلع من المطبخ )
غيث :وهوه يكوم من الطاولة ) خير شبي هذا
أم اسيل :أوف أوف
سالم :الأكل طيب كلش عاشت ايدج بس لئن الحلوات دائما اكلهن راقي مثلهن (وهوه يغمز)
أم اسيل : هههههه ما تبطلون سوالفكم ابدا بس شسوي تعودت على واليداتي ههههه تدللون حبايب جمانة :ههههه عاشت ايدج خالة
مرتضى :أي هسه باي اروح اطلع لئن روحي طاكة باي
أم اسيل :الله وياك خالة
......
مجتبى :وهوه يصعد الدرج ) هسه اجي
غيث :اوكي ضلع ستعجل حتى نطلع
مجتبى :اوكي
...
وفي غرفة طيبة )
مجتبى :وهوه يدك الباب ) أدخل
طيبة :تفضل
مجتبى :شكرا أكلج اكلتي
طيبة :أي الحمد لله خالتي أم مجتبى جابتلي أكل
مجتبى :اوكي الدوه شربتي
طيبة :وهيه تحرك رأسها ) لا
مجتبى :عرفت لهذا السبب جبت الدوه (وهوه يكعد على الجرباية بصف أخته ) يالله فتحي حلكج
طيبة :معليه اني مو زعطوطة وانته تشربني الدوه
مجتبى :أعرف بس يالله سمعي كلام أخوج وشربي الدوه
طيبة :اوكي (وهيه تشرب الدوه )
مجتبى :بالعافية يالله اني اروح لئن غيث ينتظرني
غيث :بصوت عالي ) ولك يالله روحي طلعت وانته بعدك
طيبة :ههههه روحله ولك
مجتبى :اوكي يالله جكومة باي
طيبة :ألله وياك
...
وفي الشركة وغرفة أمجد )
أمجد :شنو شو تأخرت كل مره تجي اوقعلك شكو شتغير اليوم
باقر :أستاذ لئن الأستاذ اوراس وقعلي ماكو داعي لتوقيعك بعد يالله هذني ملفات من السيدة ساليا تريد توقيعك
أمجد :لا على شنو بعد روح خلي اوراس يوقع
باقر :بس الأوراق هذني ضروري لئن من أمريكا ويردون توقيعك ضروري أستاذ
أمجد :حاظر(وهوه يوقع ) يالله كملت تفضل
باقر:شكرا أستاذ يالله عن اذنك باي
وبعد أن رحل باقر )
أمجد :ههههه والله هم رايدله يسيطر على كلشي تحلم يا اوراس انته ما تعرفني بعدك تحلم اوكي
...
وفي الجامعة )
اسيل :عرفت منو حبيبتة بس أريد اعرف من شوكت يحبها بس هذا الشاغل بالي
نجله :منو حبيبتة
اسيل :بعدين تعرفين
ثائر :أهلا اسيل شخبارج شو هاي الفتره ما موجوده بالجامعة خير
اسيل :والله صارت أمور هواي منعتني اجي للجامعة تمام وانته شلونك
ثائر :الحمد لله تمام بس شعجب جايه
اسيل :أريدك بموضوع لو سمحت
ثائر:خير شكو
اسيل :احتاجك بشغلة أريدك تبوك حساب شخص
ثائر :ليش
اسيل :لئن الحساب بي شغلات تخص عائلتنة ضروري كلش
ثائر :تدللين
نجله :يالله رجااء
ثائر :اوكي اطيني موبايلج
اسيل :اوكي هاك
ثائر :اوكي شنو اسم الحساب
اسيل :حسين الملك
ثائر :آها اوكي
نجله :بس ممكن تستعجل
ثائر :اوكي خيتي بس صبري شوية
نجله :اوكي
..
وفي الصالة )
جمانة :خلي أخذ موبايل حسين وهيه تفكر ) حسين حسين :شبيج
جمانة :أريد لعبة من موبايلك العب واطكياه
حسين :شنو روحي لعبي بي موبايلج اوكي
جمانة :لا حباب بس شوية العب واطكياه
حسين :لا
...
وفي الجامعة )
ثائر :حسابة بي رمز شنو الرمز مال الحساب
اسيل :ها أوكف لحظة (وهيه تتصل )
بالموبايل )
اسيل :لج أخذي الموبايل وفتحي فيس فتحي الرمز يالله كليلة شنو رمزك بسرعة
جمانة :أي فتهمت بس صبري يالله باي
اسيل :اوكي الله وياج
...
وفي الصالة )
جمانة :حسين تعرف الرموز كلها انباكت من شخص اسمه هكر ولا تفكر اسمه مشهور شعجب ما وصلك خبر من اصدقائك
حسين :صدك تحجين
جمانة :وربي هذا يدخل حسابك بسهولة وياخذ كلشي بجهازك
حسين :جيبي ولج خلي اغير الرمز
جمانة :كعدت يم أخوها وشافت الرمز ) تم
حسين :شنو تم
جمانة :هيج ولا شي (واتصلت )
بالموبايل )
جمانة :تم
اسيل :أي همزين الرمز
جمانة :هذا ..... باي
اسيل :تمام باي
...
ثائر :هااا
اسيل :تكدر تدخل الحساب هسه
ثائر :وهوه يشتغل ) أي تم هسه تم الحساب صار الكم
اسيل :شكرا خيي
ثائر :ولو تدللين تعالي مو متجين للجامعة
نجله :شكرا
ثائر :العفو
اسيل :أي اكيد اجي أن شاء الله يالله باي
ثائر :الله وياكم

......
انتهى البارت 34
أن شاء الله عجبتكم الأحداث
واسفة على التأخير
^^
......