سجينة في قلبك

البارت 45

أمجد :بنبرة حاده ) امي فقدت
أجه الدكتور )
الدكتور :تفضل هذا دوه نسيتة
أمجد :شكرا دكتور اكدر اطلع أزهار
الدكتور :هسه أي تكدر بس يعني لازم اطيها مهدأ هاي طبعا اذا جنت مستعجل ولازم تطلع
أمجد :أي دكتور أريد اطلعها هسه
أزهار :أي دكتور أريد اطلع
الدكتور :اوكي لعد تعال حتى أطيك أوراق الخروج
أمجد :أي دكتور جاي
الدكتور :طلع )
أزهار :كمل أستاذ أمجد لو اصيحلك البطل أمجد
امجد :أزهار كافي تره زودتيها كلش اني أحاول أعلمج بلطف بس انتي زودتيها كلش
أزهار :آسفة بس أريد اعرف خالتي شبيها ليش هيج وضعها
أمجد :أزهار امي فقدت اختي
أزهار :بصدمة ) اختك
أمجد :وهوه يكوم ويدير وجها ) أي اختي اني عندي اخت
أزهار :أو وينها هسه
أمجد :كلتي تردين تعرفين السبب ليش امي هيج كتلج فقدت ضناها بعد شنو
أزهار :اوكي بس شلون يعني فقدتها
أمجد :ردتي تعرفين كتلج السبب يالله اروح أجيب أوقع على الأوراق حتى نطلع باي (وطلع من الغرفة )
أزهار :بس شنو شلون فقدتها اكيد اكو قصة بس هم الله يساعدها مو سهلة ابدا
....
وفي غرفة غيث )
غيث :هسه خلي اشرب ماي وارجع انام ) ونزل للمطبخ لئن الدولكة كانت فارغة ما بيها ماي )
...
في المطبخ )
سولاف :أي هسه ما بقى شي خلي هيج أي عفية ماما محد يدري
أم سولاف :باجر شراح يصير هههههههه
أجه غيث )
غيث :شعجب كاعدات لهسة
سولاف :وكع منها معضد وكان كله دم )
غيث :شنو هذا
أم سولاف :انته مو تريد ماي هاك
غيث :لحظة شنو هذا
سولاف :هذا هذا لعيد التنكر رح استعملة بدور الساحرة الشريرة
غيث :وربي الدور يولكلج فيت عليج هههههع (وطلع من المطبخ )
سولاف :اني اني أوكف اني اعلمك يا غيث
أم سولاف :خلي يولي ليش تشيليلة هم
سولاف :صح ماما
..
وفي غرفة غيث )
غيث :هاي منو هذا حسين جاي يدك على الفايبر
(وفتح الاتصال )
بالفايبر الاتصال )
حسين :هلو ضلعي شلونك
غيث :تمام مكبور أريد انام
حسين :ههههههه يالله يعني اروح
غيث :لك حشري حقير ليش مو اني اخوك
حسين :ههههه مو انته كلت أريد انام
غيث :هههع يسوي روحة ما يعرفني أكلك باجر تجي للجامعة
حسين :اثول شلون اجي وإني بي الشمال فكر
غيث :ههههه أي وربي راحت عن بالي
حسين :ههههه
غيث :أي شخبارك يم صديقك
حسين :تمام وانتو شخباركم
غيث :ولك أزهار مخطوفة و أم سولاف تكول أمجد خاطفها وامجد من اختفت سولاف هوه اختفى وصايره هوسة بالبيت لو تجي وتشوف
حسين:هاي أم سولاف بالله نعرفها رأس البلاوي بس أمجد ليش ما موجود ما اتصلتو
غيث :لا ما ادري لئن صارت مشكلة وإني صعدت ونمت
حسين :اهااا سولاف شلونها
غيث :خرب يومك سافرت وبعدك تفكر بيها
حسين :لو تجرب الحب يا غيث شيصير بحالك صدكني يمها وأشتاق لشوفتها وإني بعيد عنها شلون
غيث :الله يساعدك تصدك الحب ما أريده لئن يوجع الرأس خليني أعزب احسن لا زواج ولا تكبيل مجرش ومستريح هههههع
حسين :هههههه يالله اني اروح انام لئن نعسان كلش أن شاء الله باجر من تجي من الجامعة اتصل بيك اوكي ضلعي
غيث :اوكي هوه انته خلصت ضلوعك عليه شبقى بيك هههههع
حسين :أوف هسه بيك كتلة مو طبيعية
غيث :هههههه ديالله ولك اني اروح انام هم تصبح بوجه الجوب جعفر
حسين :هههههههه تره اكله
غيث :كله كله ههههع يالله باي
حسين :باي.....وقطع الاتصال ......
...
وفي المستشفى )
عندما خرج أمجد لتوقيع الأوراق )
تبارك :أمجد
امجد :منو انتي
تبارك :شوف خاف عبالك ميتة عليك واجي أكلك أحبك اني اموت منك تفهم
أمجد :شوفي انتهى كلشي بيناتنة وإني ما أريدج حتى اكرهج تفهمين
تبارك :بس صدك جنت أحبك
أمجد :هههه حب أموال بس مو عليه هذا الحجي اوكي
تبارك :بس
أمجد :بنبرة حاده ) اني نسيتج ما أحبج (وراح وقع الأوراق وراح لغرفة أزهار )
رضا :هااا حبيبتي يالله نروح
تبارك :يالله حبيبي
...
وفي غرفة أزهار )
أمجد :يالله امشي
أزهار :اوكي
...
وفي الشارع )
أزهار :شكرا على كلشي أمجد
امجد :ولو اني وعدت نفسي انقذج ونقذتج ما يحتاج تشكريني
أزهار :ابتسامة ) اوكي
أمجد :هاي سيارة أجت يالله خلي نركب تعالي
أزهار :اوكي (وصعدت مع أمجد بالسيارة )
...
وفي التكسي )
سايق التكسي :لوين اوصلكم
أمجد :وصلني ....لهذا المكان
سايق التكسي :تدلل
أزهار :ليش رح توصلني قبلك
أمجد :ما يحتاج تسألين هيج سؤال لئن هذا الوكت مو زين ولئن أنتي بنية
أزهار :آها اوكي
...
وفي المطبخ )
سولاف :أخاف هذا عرف شنو الموضوع
أم سولاف :لا ما عرف هوه حتى لو يعرف شحده يحجي
سولاف :هم صح بس اكو سالفة احسن ليش ما احطله مخدر بالماي وادزه لغرفتة هااا
أم سولاف :لا كعدي هسه يشكون بالموضوع
سولاف :اوكي اني اروح انام تصبحين على خير مامي
أم سولاف :وانتي من أهل الخير (وصعدت لغرفتها حتى تنام )
...
بقرب منزل أزهار )
أزهار :نزلت من السيارة )
أمجد :نزل من السيارة ) شكرا حبيبي
سايق التكسي :تدلل (وضل ينتظر أمجد حتى يوصله للبيت )
أزهار :شكرا على كلشي بصراحة ما توقعتك هيج
أمجد :توقعتيني أناني بدون مشاعر وحقير صح
أزهار :صح
أمجد :ما ألومج لئن أغلب الناس هيج يفكروني يالله باي
أزهار :الله وياك (وراحت للبيت ودخلت وسدت الباب )
أمجد :ركب بالسيارة ) يالله توكل على الله
سايق التكسي :يالله
أمجد :أكلك اكو مكان للتصليحات للسيارات
سايق التكسي :أي اكو
أمجد :اهاا خوش
سايق التكسي :ليش خير
أمجد :سيارتي عطلت وعفتها اهناك بس هسه الكاه سايق التكسي :وين هسه ما موجود
أمجد :اهاا اوكي
سايق التكسي :انته مو أمجد الي عنده شركات ويطلع بالتلفزيون بسبب نجاح شركة المكياج
أمجد :أي اني
سايق التكسي :اهااا أكول وين شايفك يالله هسه شوية واوصلك
...
وفي غرفة الخادمة معصومة )
بالموبايل )
دعاء :الله يخليج تعالي بسرعة ولج اااه
معصومة :صدكيني ما اكدر اجي زين زوجج وين
دعاء :ولج بالشغل ااااه
معصومة :هسه اجيج الباب تندك
....
وعند الباب )
الخادمة معصومة :أهلا
أمجد :شبيج هيج خايفة
الخادمة معصومة :أمجد خيي الله يخليك خليني اروح لئن اختي رح تجيب ومحد يمها الله يخليك
أمجد :اوكي روحي
الخادمة معصومة :شكرا خيي (وراحت ركض لغرفتها )
أمجد :صعد لغرفتة ونام بسرعة )
....
وفي بيت أزهار )
أزهار :دخلت غرفة أسامة ) أسامة ههه نايم فديتة ليش ما يتغطى ما ادري أوف بيك (وراحت غطتى ) (وطلعت من الغرفة لغرفة ريام )
أزهار :فديتها حبيبتي ريومة (وهيه تلامس شعرها وتبوسها من رأسها ) (وطلعت وسدت الضوء)
أزهار :راحت لغرفتها ونامت )
...
وفي الصباح الباكر )
أم اسيل :صباح الخير
أجت أم سولاف )
أم سولاف :هذا يا صباح كليلي يا صباح هااا
أم اسيل :شكو خير
أم سولاف :بصوت عالي ) تردين تعرفين أمجد شمسوي مووو هذا واحد حقير
وصل الصوت لغرف الكل ونزلو بس أمجد كان غافي)
غيث :يبووو شبيج شكو صرعتينة
أم سولاف :شوفو هاي الصور هذا المعضد مو لي أزهار زين وهاي كامرة فديو شوفو كأنو ضام جريمة وما يريد يحجي بيها شوفو حركاتة بغرفتة كأنو يخطط لشي هااا
أم مجتبى :شنو بس أمجد مستحيل لالا ما اصدك
أم سولاف :بلا صدكي البنية لحد هسه ماكو وامجد
غيث :دروحي انتي بطرانة اروح للجامعة إحسلي (وصعد لغرفتة يبدل )
أم سولاف :هاااا شنو بعد تردون وهم هوه ما موجود لهسة هااا
أم اسيل :أوف يا الله
نزل أمجد وهوه على الدرج ينزل )
أمجد :عفوا هذا الحجي عليه
أم سولاف :أي عليك وين أزهار هااا ليش خاطفها كول ليش هاااا احجي
...
في بيت أزهار )
ريام :أزهار شوكت اجيتي وين جنتي
أزهار :تكلمت عن كل شيء ) هذا كلشي صار ويايه
ريام :حبيبتي (وشبكتها )
أزهار :يا عمري أكلج سويت الريوك وسويت كيك هم رح اروح لي اسيل هم عندي دروس أريد أخذ منها شوية معلومات وهم اني اساعدها
ريام :اوكي حبيبتي روحي
أزهار :يالله باي
...
وفي بيت أمجد )
أم سولاف :يالله كول وين أزهار
والكل وأكف )
أمجد :لحظة خلي افتح الباب ندكت (ونزل فتح الباب )
أزهار :هلو سويت كيك وجبتلكم وياي
أمجد :هاي أزهار يالله كولي كملي كلامج
أم سولاف :هااا
أمجد :احجي
اسيل :وهيه تركض وتشبك أزهار ) حبيبتي ما تتوقعين شكد شتاقيتلج
أزهار :وإني بس شكو
أمجد :هااا احجي يالله
أم سولاف :هاا
.....
وفي شركة في أمريكا )
جورج :نعم انه هذا انظر (بالحاسبة ) انه شخص رائع لديه أكثر من شركة مشهوره وهو صاحب أملاك كثيره وولده أيضا
سام :نعم اسمه أمجد لقد حصلت شركاته مبالغ طائلة
جورج :أريدك أن تذهب إلى شركته من أجل الإصدار لماذا حتى الآن لم يرسل أي مواد إلى أمريكا
سام :معك حق سوف إذهب غدا في الطائرة
جورج :اوكي بالتوفيق لك
سام :شكرا جزيلا ولك أيضا (وتصافحو )

.........
انتهى البارت 45
أن شاء الله عجبتكم الأحداث
^_^