#حسام
اخدت ايد لارا و رحنا ورا الملعب ولما اعدت اكلمها ردها كان بكل برود و مشيت و عمرى ما هنسى الجمله اللى قالتها
'انا مش هختفى و هفضل استفزك عشان ببقى مبسوطه اوى'
مع انها نرفزفتنى بس فرحه انها بتبقى مبسوطه بس هى ليه كده ليه مش زى اى بنت تانيه عايشه حياه الولاد لبسها طريقه كلامها
انا مش عارف انهى زفت احساس اللى انا حاسس بيه ده بس انا لما قلتلها انها تختفى كانت خارجه من عقلى بس مش من قلبى انا عايزها جنبى معرفش ليه بس تكون لايق عليها اسمها مش عايشه حياه الولاد كده
لقيت موبيلى بيرن ببص لقيته عبدالله
انا : ايوه
عبدالله : ايوه يابنى انت فين
انا : ورا الملعب
عبدالله: بتهبب ايه ورا الملعب
انا : كنت عايز اقعد لوحدى شويه
عبدالله : طب تعالى ع كافيه النادى
انا :طيب
قفلت معاه و مشيت لحد كافيه النادى و بعينى بدور على لارا مش لاقيها ممكن تكون مشيت
رحتلهم و قعدت معاهم
عمرو : ايه يا كابيتانو كنت فين
حسام : مقلنا كنا وراه الملعب
عمرو :ولوحدك
حسام : امال مع مين مثلا
احمد : مع جنينه مع شجرايه وردايه حاجه زى كده
احمد قالها و انا الصراحه ضحكت قعدنا نتكلم كتير بعد شويه لقيت رساله بفتحها لقيت صورتى و انا بضحك دلوقتى و مكتوب تحتيها
'ضحكتك حلوه .. ليه مخبيها ورا التكشيره'
كانت من رقم غريب معرفتش مين مدتش اهتمام ليها و قعدت مع الشباب نتكلم
#لارا
بعد م مشيت من قدام حسام رحت ع كافيه النادى عشر دقايق و لقيت الفريق كله هنا و حسام جالهم استخبيت شويه كده معرفش ليه هو فعلا كان باين فى عينه انه مش عايز يكلمنى تانى فانا قررت انى ابعد عنه فعلا شويه ببص عليه لقيته بيضحك صورته و بعتهاله و كتبت تحتيها
'ضحكتك حلوه..ليه مخبيها ورا التكشيره'
هو ميعرفش رقمى انا اخدت رقمه من عمرو
انا عرفت انا الاحساس ده ايه
انا بحبه
ايوه انا بحب حسام
عشان كده انا قررت ابعد عنه عشان يبقى مبسوط و هو فعلا انشاءالله هيبقى مبسوط
اخدت شنطتى و مشيت و مسحت دمعتى عشان ميجيش بعديها فيضان
روحت البيت لقيت بابا بيضحك معاهم كلهم شكله مبقاش مهتم بيا زى الاول
انا : بابا
بابا : لارا كنتى فين من الصبح
انا : فى النادى و انت الصبح كنت فى النادى
بابا : طيب انتى بقيتى بتخرجى كتير اوى..المهم تعالى اقعدى معانا
انا : لا انا داخله اجهز شنطتى
بابا : شنطه ايه؟
انا ؛ سفرى..هرجع لندن
بابا :و مقلتليش ليه
انا : مجتش الفرصه
بابا بزعيق: يعنى ايه مجتش الفرصه انا معرفش مالك اليومين دول مش عجبانى
انا بزعيق :مهو انت ع طول قاعد معاهم ولا بتهتم بيا و بتختفى وبتظهر و انا يا بابا مبقتش البنت الصغيره انا كبيره كفايه عشان اعرف اتصرف فى حياتى
لقيت نفسى فى الارض من القلم اللى بابا اداهولى
بابا : لو خرجتى من بابا البيت ده انتى مش بنتى ولا اعرفك
انا : يبقى يا بابا بنتك لارا ماتت
سبته و دخلت جوه اوضتى منهاره من العياط طلعت الشنطه و قعدت ارمى فيها هدومى من غير نظام
و قفلت الشنطه و مشيت
انا : سلام
قلتهالو سيف جالى
سيف : محتاجه اى توصيله
انا :لا ميرسى
سبته و مشيت رحت على اى فندق اقعد فيه لحد بكره
وصلت الفندق
انا : هاى
البنت: افندم
انا :عايزه جناح لليله واحده لو سمحتى
البنت : طبعا يا فندم اتفضلى املى الاستماره
مليت الاستماره و اخدت مفتاح الجناح و طلعت انا معاد طيرتى بكره الساعه 8:30 الصبح الحق انام
صحيت ع المنبه عينى وجعانى من كتر العياط طلعت اى لبس و لبسته و نزلت دفعت الفلوس
رحت ع المطار و سمعت الست
'لكل المتجهين طياره لندن التوجه لباب 7'
قبل ما اروح فتحت موبيلى و بعت رساله لحسام "اتمنيت انى اختفى وعد منى ليك مش هتشوفنى تانى..سلام"
خلصت الاجرئات و انا دلوقتى بركب الطياره و سايبه ورايه بابا اللى اتخلى عنى و اللى حبيته ويارتنى وماحبيته
~~~~~~~~~~~
اعدته تقوله مستفزه مستفزه 😂😂😂
ايه اللى هيحصل بقى و حسام هيحس على دمه و يحس بالبت الغلبان
أنت تقرأ
مشاغبه Vs عصبى
Fanfictionاترى هذا عادلاً! ان تضع قلبى على موقد نار و تذهب كأن شيئا لم يكن !!
