مشاغبه Vs عصبى

مشاغبهvsعصبى ~ part 30

#لارا

صحيت الصبح مستريحه و انا نايمة

(اه ياختى م انتى نايمة جمت حبيب القلب😂)

ببص جمبى لقيت حسام ...انا مرجعتش بليل .. طب هو مرجعش ليه
انا : حسام حسام
حسام ؛ لارا..صباح الخير
انا ؛ و الخير منين انا ايه اللى جبنى هنا
حسام : انتى امبارح بليل نمتى و انا دخلتك هنا
انا : و انت نمت هنا ليه
حسام ؛ مردتش اسيبك
انا: حسام انت ليه مش مستوعب أن انا و انت دلوقتى كل واحد عنده حياته
حسام : بس انتى مردتش ع سؤالى
انا : أنهى سؤال
حسام : لسه بتحبينى
انا : قلتلك الاجابه ولا هتاخر ولا هتقدم
حسام: بس هتفرق معايا
انا: حسام اصلا انى اجى من امبارح غلط و أن انا آبات هنا و فى حضنك غلط برده
حسام : المفروض أن يكون ده العادى
انا : بس ربنا مكتبلناش نبقى مع بعض
حسام : و آهى فرصه تانيه
انا : حسام وحياه بنتك بطل تعمل كدة انا بتعب

قمت من ع السرير بفتح الموبيل لقيت سيف مكلمنى كتير اوى ليه حق انا قلتله ساعه و بقوا اد ايه

خرجت من إلاوضه لقيت رمضان و فرح و يوسف قاعدين

رمضان : ايه ده كله نوم
فرح : كانت فى حضن حبيبها ليها الحق تنام مستريحه

انا غصب عنى ضحكت
انا : يلا سلام سيف مستنينى

رمضان : استنى هوصلك
انا : لا
رمضان : قلت هوصلك و كمان تبقى حجه انك قعدتى مع فرح
انا : طيب

قبل ما نمشى لقيت حسام جاى علينا
حسام : لارا عازمك انتى و سيف عندى فى البيت و أهو بالمره تتعرفى ع بسمله
انا : طيب
حسام : العنوان ****
انا : اوك

نزلنا انا و رمضان

رمضان : ايه يا لارا
انا: نعم
رمضان : مش معقوله كده
أنا.: مالك يا أهبل
رمضان : عايزه تفهمينى انك بطلطى تحبيه
انا : لا لسه بحبه بس مش لازم أبين و مش لازم أبقى ضعيفه عشان هو دلوقتى عنده بنت صغيره و انا مش هبقى أنانية لدرجه انى اخده منها
رمضان : انتى اصلا أنانية من الأول اصلا
انا : والله ازاى بقى
رمضان ؛ انك تتخلى عن حبك عشان مجرد كلمه سمعتيها تبقى أنانية و انك متفكريش فى إحساس حسام لما تسبيه تبقى أنانية برده و لما حتى متتصليش ولا بيا و لا بفرح ولا بعمرو تبقى أنانية برده عرفتى بقى انتى أنانية ليه

انا : انت ليه محسسنى انى كنت مبسوطة و انا بعيده عنكه
رمضان : انتى جيتى ع حساب فرحتك عشان كلمه يا لارا
انا : بس هنا الفندق
رمضان. : أتهربى. .. متنسيش بليل و كل الشباب جايين
انا : طيب

نزلت طبعا انا مش هيبقى رمضان يتكلم ده كله و انا جبل لا انا كنت منهاره عياط

طلعت فوق إلاوضه بعد ما مسحت دموعى و كل حاجه

سيف بزعيق : لارا انتى كنتى فين ده كله
انا : عند فرح
سيف : و مقلتليش ليه انشاءالله
انا : نسيت
سيف : انتى يا هانم ست متجوزه و المفروض جوزك يعرف انتى جايه منين و رايحه فين
انا : فى ايه يا سيف بتزعق كده ليه براحه ع نفسك
سيف : اةة و فرح مرات رمضان فأكيد الباشا كان هناك و عجبتك القعدة طبعا
انا : انا مسمحلكش يا سيف انت كده عديت حدودك
و مشيت و سبته