#حسام
صحيت النهارده دخلت استحميت و خرجت دخلت المطبخ فطرت و رحت ع اوضتى و مسكت الموبيل لقيت رساله من نفس الرقم بتاع امبارح
'اتمنيت انى اختفى..وعد منى ليك مش هتشفنى تانى'
معرفش مين الرقم ده بس اول شخص جيه فى بالى كانت لارا هى الوحيده اللى قلتلها تختفى بس لا لا لار مستحيل تبعد
عمرو و رمضان معاهم رقمها كلمت عمرو
انا : صباح الخير
عمرو : صباح النور..خير فى حاجه ع اصبح كده
انا : معاك رقم لارا صح؟
عمرو : اه بس ليه؟
انا : ممكن تديهولى
عمرو : ليه ها ها
انا : انجز يا عمرو
عمرو: اتفضل ********
انا : شكرا
عمرو : العفو
و قفلت معاه و فتحت الرساله ببص ع الرقم اللى عمرو اداهولى و رقم اللى بعت الرساله هو هو الرقم
بس ازاى .. ازاى لارا هتختفى اكيد ده مقلب
ااوف منها مستفزه و كل حياتها مقالب
لبست و نزلت النادى وصلت لقيت الفريق كله بيتضرب كويس و انا كمان قعدت اتضرب و لحد دلوقتى مفيش اى ظهور للارا يمكن مش جايه النهارده
خلصت التدريب و قعدت الف شويه فى النادى و برده مفيش اى وجود ليها صبحان الله اول مره .. بس اكيد الرساله بتاعه الصبح ديه مقلب مش حقيقه
الساعه بقت 6:00 و انا لسه فى النادى مستنى ليها اى وجود
رمضان : حساام
انا : نعم
رمضان : مش عدتك يعنى تقعد فى النادى بعد التدريب
انا : لا عادى
رمضان : ع العموم اللى بتدور عليها مجتش النهارده و مش هتيجى
انا : هى مين ديه؟؟
رمضان : لارا
قالها و مشى و سابنى هو انا فعلا قلقان عليها انا فعلا عايز اشوفها النهارده معرفش ليه فى حاجه بتقولى ان لارا مش كويسه
قمت عشان اروح مظهرتش النهارده بس هى اكيد هتظهر بكره ديه لارا يعنى مستحيل تختفى
روحت البيت و النهارده يومى كان ممل زى كل يوم بس الاسبوعين اللى رخمة لارا عليا فيهم كانوا حلوين حياتى بقت بتكمل بيها هى
دخلت اوضتى و نمت ..
《》《》《》
تانى يوم
#عمرو
غريبه اوى النهارده لارا مظهرتش خالص و بتصل بيها موبيلها مقفول ان شاء الله تكون بخير و امبارح برده كانت مختفيه
شويه كده و لقيت رمضان بيتصل بيا
انا : ايوه
رمضان : عمرو انت كلمت لارا النهارده
انا : كلمتها امبارح و كان موبيلها مقفول
رمضان : البت المجنونه ديه راحت فين
انا : معرفش
رمضان : طب و العمل البت ديه اه لسه عارفينها من قريب بس دخلت قلبى
انا : والله و انا..ثانيه ثانيه
رمضان : ايه
انا :مش انت وصلتها مره بيتها
رمضان : اه؟؟
انا :خلاص نروح النهارده بليل نشوفها و لو مش موجوده نسأل باباها
رمضان : قشطا
انا : طب نقول لحسام
رمضان : بلاش
انا : طيب
قفلت و قعدت اتفرج ع التلفزيون و بعد كده قمت لبست و نزلت
《》《》《》
#رمضان
لبست و نزلت لعمرو مستنينى تحت البيت نزلتله
عمرو :مظبوط فى مواعيدك
انا : سوق و انت ساكت
ضحك و سكت و انا قعدت اقوله الطريق و اخيرا وصلنا
انا ؛ بس هنا
عمرو : طيب
ركن و نزلنا رحنا لبواب العماره نسأله على انهى دور لان معرفش غير العماره بس
انا : سلام عليكوا
البواب: اساعدك ازاى يا باشا
انا : انسه لارا فى انهى دور
البواب : التاسع الشقه اللى على اليمين
انا : شكرا
رحنا الاسنسير و طالعين انا لاحظت ان عربيتها مش تحت البيت بس هى ممكن تكون ركناها فى اى حته
عمرو: خبط انت
انا: و احنا هنتعازم
خبت ع الباب و رنيت الجرز
فتحلنا الباب بنت قصيره شعرها اسود عنيها بنى و ضحكتها بقت من الودن للودن لما شافتنا
البنت: الغزال و العفيجى قدام البيت مش مصدقه نفسى
عمرو : ههه انسه لارا هنا ؟؟
البنت : لارا !! :O
انا : اه لارا هنا ولا لا
البنت : الصراحه هى مش و هى
عمرو :فى ايه
راجل من بعيد شكله بابه لارا : مين يا سهى
انا فى دماغى.. بقى هى دى سهى بنت طنط القرشانه
بابه لارا :اهلا يا كباتن اقدر اساعدكه ازاى
انا : لارا هنا
بابه لارا : معرفش حد بالاسم ده
عمرو : البواب قايلنا ان دى شقتها و كمان صورتها جنب الباب اهى
بابه لارا : معرفش غارت فى انهى داهيه و اتفضلوه من غير مطرود
انا : يعنى ايه الكلام ده انت طردتها من بيتك عشان دول
بابه لارا : مكنتش اعرف يا كابتن رمضان انك مركز مع لارا مش مع الكوره
انا و انا متعصب : للاسف كنت فكرك اب كويس..يلا يا عمرو
عمرو مشى معايا و هو متنح
عمرو : يعنى كده لارا محدش لاقيها ديه مجنونه و ممكن تعمل فى نفسها حاجه
انا : ربنا يستر بقى
.
أنت تقرأ
مشاغبه Vs عصبى
Fanfictionاترى هذا عادلاً! ان تضع قلبى على موقد نار و تذهب كأن شيئا لم يكن !!
