مشاغبه Vs عصبى

مشاغبهvsعصبى ~part 22

#لارا

صحيت ببص جنبى لقيت حسام نايم شكله حلو اوى و هو نايم
مسكت موبيلى بسرعه و صورته لحظه ذى ديه مش بتتكرر

دخلت الحمام أخدت شور *استحمت* وطلعت حسام كان لسه نايم غريبه

دخلت المطبخ عشان أفطر .. و انا بفطر لقيت موبيلى بيرن ببص لقيته رمضان

انا : عايز ايه عالصبح
رمضان : الله يحرق كلامك
انا : أنجز
رمضان : بما أن النهاردة الجمعه و بكرة السبت و فرح جايه بكره عايز أنزل اشترلها حاجه
انا : طب ما ننزل
رمضان : مهو انتى صحبتها و الأنتيم كمان يعنى انتى فهماها و عارفة هى بتحب ايه
انا : أصل مامت حسام جايه النهارده
رمضان : طب لما تمشى اتصلى بيا و انا اجى أخدك
انا :طيب إمرى لله
رمضان : يلا سلام
انا : سلام

قفلت معاه و جبت ازازه من التلاجه و جريت ع حسام و رميت عليه المياه
حسام :عاااااااااااااااااااااااا
انا بقيت بضحك ضحك هستيرى
حسام : يابنت الجزمه
انا : مشفتش شكلك 😂😂
حسام : اضحكى ياختى
انا : الساعه 3 و انت لسه نايم مامتك زمنها جايه
حسام : ينهار 3 انا كنت فى غيبوبة ولا ايه
انا : أسأل نفسك

زقنى و دخل الحمام و انا فضلت قاعدة هو شكله دخل يكمل نوم جوه

شويه و خرج شعره مبلول طبعا بذكائى الكويس عرفت انه استحمى😂

الباب كان بيخبط
انا :خليك انا هروح افتح
رحت جرى. و بفتح لقيت ست كبيره فاكيد هى مامته بصتلى من فوق لتحت انا كنت لبسه البيجامه hot short و تيشرت حملات
طنط : أهلا
انا : ازيك يا طنط حضرتك مامت حسام؟
طنط : اه و انتى مين انشاءالله
انا : انا لارا
طنط : لارا؟؟
انا : اه أه حبيبة حسام

حسام كان جاى من ورايا و كان shirt-less الله يفضحك يا حسام الكلب

حسام :ماما انتى جيتى
طنط : اه بس شكلى جيت فى وقت مش مناسب يا استاذ حسام
حسام : لا لا ابدا اتفضلى

انا رحت لحسام قلتلوا فى ودنه انى رايحه اغير

دخلت إلاوضه بفتح الدولاب يارب البس ايه اوووف طلعت فستان برقبه طويل احسن من ال انا لبساه

《》《》《》

# حسام
قعدت انا و ماما ساكته خالص
انا : عامله ايه
ماما : هى ديه اللى انت حبيتها يا حسام
انا : اه مالها يا ماما
ماما : هى عايشه هنا معاك؟؟
انا : اه
ماما : من غير جواز؟
انا : اه يا ماما فى ايه
ماما : من الاخر كدة مش عجبانى البنت دية هى ولا عايشه عشتنا ولا لبسها زى اللبس ال هى المفروض تلبسه ... هى مصريه؟؟
انا : اه يا ماما بس كانت عايشه كل حياتها فى لندن
ماما :يعنى هى متربيه و واخده تقاليد غير تقاليدنا
انا : ماما بس اتعملى معاها هتحبيها
ماما. : اما نشوف

خرجت لارا كانت لبسه فستان و كانت لمه شعرها ذيل حصان شكلها يجنن

ماما : ها طبخلنا ايه
لارا :الصراحه يا طنط انا مش بعرف اطبخ فأنا كلمت أكل من بره
ماما : و مش بتعرفى ليه آمال مامتك كانت بتعلمك ايه

لاحظت أن لارا عينها اتملت دموع
لارا : انا ماما سبتنى و مشيت من و انا عندى 15 سنه
ماما.: اااه
انا : طب مش يلا نقفل الحوار ده

.
.
.
قعدنا بعد الأكل و كنا قاعدين ع كول لارا ساكته مش بتتكلم و انا و ماما بنتكلم عادى
ماما: يلا سلام
لارا: خليكى شوية يا طنط
ماما : لا ورايا مشاغل
حسام : طيب سلام يا ماما

وصلتها لحد الباب و رجعت للارا
انا : لارا متزعليش من كلام ماما
لارا : لا ولا يهمك ... انا نزلة مع رمضان هجيب هديه لفرح لانها جايه بكره
انا : طب خلى بالك من نفسك
لارا : حاضر

《》《》《》

#لارا
دخلت إلاوضه جبت جاكيت و كلمت رمضان
فضلت قاعدة فى الاوضة انا مخنوقه من كلام مامت حسام

خمس دقايق و لقيت رمضان بيتصل بيا
رمضان : يلا انزلى
انا : طيب

قفلت الموبيل و خرجت
انا : حسام انا نزلة

نزلت لرمضان ركبت معاه العربيه
رمضان: مالك مضايقة ليه
انا : لا مش مضايقة
رمضان : مامت حسام قالتلك ايه
انا : حاسة انها مش موافقه ع علاقتى بحسام
رمضان : عشان بس هى لسه متعملتش معاكى
انا : مش عارفه ليه حاسة أن فى حاجه هتحصل
رمضان : متقوليش كدة
انا : هتشوف
.
.
.
خلصنا لف لحد ما رجلى اتكسرت
جبنالها نضارة شمس vogoue
هى بتعشق النضارات

رمضان. : تعبتك معايا😂
انا : و حياه طنط
رمضان : نردهالك فى الاحزان😂
انا :طب ليه كده يابن الفقريه
رمضان : شكرا يا اميره يا بنت الامره😂
انا : تعالى كل يوم😂

وصلنى تحت البيت طلعت لقيت حسام نايم فى أوضته دخلت إلاوضه اللى نمت فيها اول يوم و نمت فيها

.
.
.
صحيت ببص فى الساعه احيييييه انا اتاخرت الساعه 9 و رمضان هيجيلى 9:30

دخلت جرى جبت هدوم ليا و لبست و غسلت وشى و قعدت شويه لحد ما اتصل بيا
نزلتله
رمضان. : صباح الخير
انا : صباح النور

وصلنا المطار نزلنا و مستنين فرح تيجى انا مرعوبه لما اشوفها هى إزاى لسه عايشه و لما تشوفنى هتفتكرنى مش عارفه

رمضان : جت جت
انا : فين
رمضان : فرح فرح
رمضان قعد ينادى عليها و يشاورلها و هى بصتله و ضحكت و هى جايه علينا
فرح : رمضان أخيرا face to face
رمضان: اها
رمضان راح حضنا و هى بصتلى و تنحت
فرح : ل..لا..لارا
انا : ........

~~~~~~

أم حسام👊👊
فرح اخيرا😍
لارا و فرح احييه😂