"Gawaing marangal dapat na ipunla, laging buhayin sa puso't diwa."
Kung ako'y diringgin, ibig kong ilahad
Ang magagawa kong mabuting ambag;
Aking ihahtid sa puso ng lahat
Itong kabatirang nagmula sa aklat.
Ibig kong tumulong sa ikalulutas
Ng mga problemang hadlang sa pag-unlad.
Kung ako'y diringgin, ibig kong sa mundo
Mapawi ang grabeng banta ng piligro;
Iwaksi ang digma sa isip ng tao
'Pagkat lisya ito sa aral ni Kristong
Tayo'y magmahalan, mag-ibigan tayo,
At mag-unawaan saan man sa mundo.
Kung ako'y diringgin, ibig kong lumahok
Sa mga mithiin ng Dakilang Diyos;
Ipadarama kong sa bawat pagtibok
Ng buhay sa lupa ay isang pagtubos.
Anu mang saliksik na aking naabot,
Aking ihahasik ng buo sa loob
Kung ako'y diringgin, ibig kong mangyari
Na ang kapakanan ng kapwa'y bumuti;
Ang handog na aral mula sa sarili;
Tungo rin sa iba't sa lalong marami.
Sa bansa ko't lahi'y magiging bahagi
Ang aking hangaring magand't may silbi.
Kung akoo'y diringgin, tinig ko'y pakinggan
Ng ating tahana't antong paaralan;
Ang hiling ko sana'y magtulong pumanday
Ng mga nilikha sa kawalang-muwang
Bakit di ipunla ang gawaing marangal
Nang tayo sa puso'y mamalaging buhay?...