Yapmak da yapılmak da mey-hânede kalmışdur,
Âşâr-ı imâret hep viranede kalmışdur,
Girdab-ı şu'ur içre ser-geştedür 'âkiller;
Âzâdeliğin zevki divânede kalmışdur,
Sufi arayup gezme beyhude mesâcidde;
Feyzun eseri şimdi hum-hânede kalmışdur,
Ol çeşm-i hamuş olmuş himaye-i küfr-i zülf;
"İsa" be gece gûya büt-hânede kalmuşdur,
Da'vâsını terk itsün bülbülde fedâ yokdur;
Bir nükteciği 'âşkun pervânede kalmışdur,
Derd-i dilüm 'arz itdüm güldi didi ol kâfir;
N'olmuş yine Esrâr'a efsanede kalmışdur.
