اشعار

فوق ترابك

علموني اكتب حروف اسمك بدمي
واما شبيت علي الدنيا وكبرت
مصوا دمي
قطرة قطرة ..جرجروني فوق ترابك
وانت عاجزة
خايفة منهم مش عليا
وكرهوني فيا نفسي
وكرهوني فالتمني
اني اكتب كل احرف مصر حرة
يوم بدمي
كرهوني فالاسامي
ولو كرهتك غصب عني
قبل كرهي ليكي ..كرهت نفسي
لما شفت صحابي هربوا
واللي ماتوا
واللي ضد البيع في سجنك
ولعوا فكل القهاوي
والحكاوي مُرة علقم
فين صحابي
الللي متغرب وطافش
واللي محبوس
واللي قفشه روحه منه
واللي عدي القطر دهسه
واللي غرقان لاجل هجرة
او محبوس مظاهرة
نفسي كنت اقول بحبك
بس هو غصب عني
ولو كرهتك ...
يعني من امتي عرفت الحب فيكي لاجل احبك