المكونات :-لحمه مفرومه
بصل وثوم وفلفل اخضر وطماطم وبهارات
(البهارات)مكونه من ملح وفلفل وكمون وكزبره )
طريقة التحضير ؛-
اولا نضع الحمه المفرومه في وعاء وبعدين
نقطع البصل ناعم ونقطع الثوم ونضربهم ضربه وحده بس في الخلاط علشان يكونو ناعمين ونحطهم علي اللحمه وعليهم البهارات كلها ونقلبهم في اللحمه كويس خالص
وبعدين نقطع بصل طرنشات ونقطع الفلفل الاخضر طرنشات ونقطع الطماطم طرنشات (طرنشات)-يعني حلقات
وبعدين احطهم في ارضية الحله (انا افضل صانيه احسن علشان ميبقاش فوق بعضه )
ونعمل اللحمه علي شكل صوابع وبعدين نحطها في الصانيه فوق البصل والطماطم والفلفل نضع عليهم نص كوب ميا ونجيب قطعة فحم ونحطها في ورق حراري ونحطها معاهم في الصانيه ونحطهم علي البوتجاز علي نار هاديه ونغطي عليهم
ونبص عليه كل شويه لما نلاقي الميا نشفت ورحته طلعت نجيب وحده ونكسرها بالمعلقه لو اتكسرت بسهوله تبقي استوت لو لسه نضيف ليها شويه ميا صغيرين ونستني لما تستوي
----------------------------------------------------
عادي لومفيش فحم نعمله بنفس الطريقه من غير الفحم(الفحم )علشان ريحته تكون زي الكباب الا علي الفحم .
جربوه وقولولي طلع معاكو ازاي
لوفي اي حاجه في الوصفه مش مفهمومه قولولي وانا افهمهالكو
